Комсомольски районӗ

Район çĕрĕ кăнтăртан çурçĕрелле, çавăн пекех хĕвелтухăç енчен хĕвеланăç еннеле 32 çухрăма саралса выртать. Çурçĕр енче Чăваш Енĕн Канаш районĕ, кăнтăр енче — Патӑрьел районӗ, хĕвеланăç енче — Йӗпреҫ районӗ, хĕвелтухăç енче - Елчӗк районӗ вырнаçнă. 12 çухрăм хушши Тутарстан çĕрĕпе чикĕ тăсăлать.

1999 çул пуçламăшĕнче районăн 54 ялĕнче пурĕпе 28,2 пин çын пурăннă. Пĕр ялта вăтамран 535 çын пурăнать. Чăвашсен йышĕ — 73%, тутарсен — 23%. Кĕтне тăрăхĕнчи хăшпĕр ялсенче (Александровски, Луцки...) малтан ытларах вырăссем пурăннă пулнă.

Района 1939 çулхи нарăсăн 22 туса хунă.

• Шăхасан кӳлли

Ытларах пайĕпе кунта ял хуçалăхĕнче вăй хураççĕ. Ӳсен-тăран ӳстерессипе вылăх-чĕрлĕх ĕрчетесси пĕр пекех аталаннă. Тырă, ҫӗрулми, тата тĕрлĕ пахча çимĕçе тупăшлаççĕ. Вылăх-чĕрлĕхрен сысна, ĕне-вăкăр, лаша çитĕнтереççĕ, пыл хурчĕ тытаççĕ.

Районта автомобиль транспорчĕ кăна пур. Тĕп çулĕсем: Çĕрпӳ—Чĕмпĕр—Сызрань, Шупашкар—Йӗпреҫ—Патӑрьел—Елчĕк.

Район 12 ял тăрăхне пайланать:

1. Александровка ял тăрăхĕ — Александровски сали;
2. Элпуç-Çĕрпӳел ял тăрăхĕ — Чăваш Элпуç ялĕ;
3. Асанкасси ял тăрăхĕ — Асанкасси ялĕ;
4. Кайнлăк ял тăрăхĕ — Йăлмахва ялĕ;
5. Каçал ял тăрăхĕ — Комсомольски сали;
6. Аслă Çĕрпӳел тăрăхĕ — Аслă Çĕрпӳел ялĕ;
7. Хирти Сĕнтĕр ял тăрăхĕ — Хирти Сĕнтĕр;
8. Хырхĕрри ял тăрăхĕ — Хырхĕрри ялĕ;
9. Тукай ял тăрăхĕ — Чăваш Тукай сали;
10. Урмаел ял тăрăхĕ — Урмаел ялĕ
11. Чичак ял тăрăхĕ — Чурачăк ялĕ;
12. Шурут ял тăрăхĕ — Шурут сали;

• Агивер Фёдор Георгиевич — чăваш прозăçи, журналист.
• Андреев Семён Иванович — тăпра тĕпчевçи.
• Антонов Константин Михайлович — Совет Союзӗн Паттӑрӗ.
• Вакку Марина Ивановна — Чӑваш Республикин тава тивӗҫлӗ вӗрентекенӗ.
• Габайдулин Геннадий Габайдулович — Совет Союзĕн Паттăрĕ.
• Гордеев Денис Викторович — căвăçă, прозаик, журналист.
• Ильин Владислав Алексеевич — вице-адмирал.
• Кабалин Иван Андреевич — Совет Союзӗн Паттӑрӗ.
• Краснов Пётр Степанович — политика ĕçченĕ.
• Ксенофонтов Юрий Иванович — скульптор.
• Лукиянов Сергей Пантелеймонович — архитектор.
• Милли Алексей Прокопьевич — чăваш публичисчĕ, сăвăçă, этнограф.
• Немцев Виктор Леонтьевич — сăрăçă.
• Патман Николай Кириллович — чăваш прозăçи, литература тишкерӳçи.
• Валери Туркай — сăвăçă.
• Таллеров Лаврентий Васильевич — чăваш çыравçи.
• Титов Гермоген Титович.
• Турхан Кузьма Сергеевич — чăваш прозăçи, тăлмачĕ.
• Шемекеев Виталий Дмитриевич — сăвăç.
• Чаржов Гурий Гурьевич — сăвăç.
• Чернов Фёдор Николаевич — Совет Союзӗн Паттӑрӗ.
• Чернов Георгий Николаевич — Совет Союзӗн Паттӑрӗ.
• Ытарай Николай Васильевич — ача-пăча çыравçи.

• Официаллă сайт

Ку Чăваш Енĕн географипе вĕçлемен статья. Эсир статьяна тӳрлетсе тата хушса проекта пулăшма пултаратăр.