Вырӑсла версиЯтарлӑ проектсем
Сӑна ӗнерлеЧӗлхе суйлаИнформаци
РУВИКИ ҪИНЧЕН

Краснов Пётр Степанович

РУВИКИ-ре ҫак хушаматлӑ ытти ҫынсем пирки те статьясем пур: Краснов.

Краснов Пётр Степанович (ҫур. 1956 ҫулхи ҫӗртмен 10-мӗшӗ, Кĕçĕн Каçал, Комсомольски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей патшалӑх тата политика ӗҫченӗ, ӑслӑлӑх ӗҫӗн йӗркелӳҫи, ӑсчах. Философи ӑслӑлӑхӗн кандидачӗ (1985). Чӑваш Республикин Патшалӑх Канашӗн V — VII чӗнӗвӗсен депутачӗ (2011—2026 ҫулсенче, «Пӗрлӗхлӗ Раҫҫей»). Чӑваш патшалӑх гуманитари ӑслӑлӑхӗсен институчӗн директорӗ (2016 — 2024 ҫулсем)[1][2].

Пурнӑҫӗпе ӗҫӗ-хӗлӗ

1956 ҫулхи утӑ уйӑхӗн 10-мӗшӗнче Чӑваш АССРӗн Комсомольски районӗнчи Кӗҫӗн Каҫал ялӗнче ҫуралнӑ[1][3]. Кӗҫӗн Каҫалри 8 ҫул вӗренмелли шкулта, Комсомольски ялӗнчи вӑтам шкулта вӗреннӗ[3].

1978 ҫулта И. Н. Ульянов ячӗллӗ Чӑваш патшалӑх университетне «Физика» специальнӑҫпа вӗренсе пӗтернӗ[1].

1978 ҫулта Чӑваш территори стройка управленийӗн «Спецстроймеханизаци» тресчӗн № 1 управленийӗнче бетонҫӑ пулса ӗҫленӗ[1].

1978—1979 ҫулсенче Пермь облаҫӗн Чернушка районӗнчи Рябки вӑтам шкулӗнче физика предметне вӗрентнӗ[1].

1979—1982 ҫулсенче — Шупашкарти промышленность тракторӗсен завочӗн АСУ пайӗн инженер-математикӗ, социологи тӗпчевӗсен лабораторийӗн социологӗ[1].

1982—1985 ҫулсенче СССР Ӑслӑлӑх Академийӗн социологи тӗпчевӗсен институчӗн аспирантуринче вӗреннӗ[1].

Политика тата патшалӑх ӗҫӗ

1980-мӗш ҫулсен вӗҫӗнче — 1990-мӗш ҫулсен пуҫламӑшӗнче П. С. Краснов чӑваш национализмӗн ҫынни пулнӑ, ирӗклӗ чӑваш патшалӑхӗшӗн кӗрешнӗ «Чӑваш аталанӑвӗн партийӗн» йышӗнче тӑнӑ[4]. 1989 ҫулта Пётр Краснов СССР халӑх депутачӗ пулас Николай Фёдоровӑн шаннӑ ҫынни пулнӑ[3].

1990 ҫулта П. С. Краснов Чӑваш АССРӗн Аслӑ Канашӗн XII чӗнӗвӗн депутатне суйланнӑ, унӑн президиумӗн членӗ пулнӑ[1]. 1991—1993 ҫулсенче Чӑваш ССР Аслӑ Канашӗн массӑллӑ информаци хатӗрӗсемпе, общество организацийӗсемпе тата граждансен юхӑмӗсемпе ҫыхӑну, общество шухӑшне тӗпчекен комиссин председателӗ пулнӑ[1].

1993—1994 ҫулсенче — Чӑваш Республикин культура тата наци хутшӑнӑвӗсен министрӗн ҫумӗ[1]. 1994—1996 ҫулсенче — Чӑваш Республикин информаци тата пичет министрӗ[1]. 1996—2000 ҫулсенче — Чӑваш Республикин Президенчӗн Администрацийӗн ертӳҫи; Чӑваш Республикин министрсен кабинечӗн председателӗн ҫумӗ — Чӑваш Республикин Президенчӗн Администрацийӗн ертӳҫи[1].

Краснов «Пӗрлӗх» партин чӑваш уйрӑмне йӗркелес ӗҫе хутшӑннӑ; 2001—2002 ҫулсенче — Пӗтӗм Раҫҫей политика общество организацийӗн «„Пӗрлӗх“ парти» Чӑваш регион организацийӗн политика канашӗн председателӗ[1]. П. С. Краснов 2001—2002 ҫулсенче «Пӗрлӗхлӗ Раҫҫей» партин чӑваш уйрӑмне йӗркелес ӗҫе те хутшӑннӑ[1].

2002—2004 ҫулсенче — Чӑваш Республикин Министрсен Кабинечӗн председателӗн ҫумӗ — Чӑваш Республикин социаллӑ политика министрӗ[1]. 2004—2007 ҫулсенче — Чӑваш Республикин культура, наци ӗҫӗсем, информаци политики тата архив ӗҫӗн министрӗ (ҫав вӑхӑтрах 2004—2005 ҫулсенче — Чӑваш Республикин Президенчӗн Администрацийӗн ертӳҫи)[1][5].

2010—2011 ҫулсенче — Чӑваш Республикинчи Федераллӑ патшалӑх статистика службин территори органӗн ертӳҫин ҫумӗ[1].

2011 ҫулхи раштав уйӑхӗн 4-мӗшӗнче «Пӗрлӗхлӗ Раҫҫей» партирен пӗр суйлав округӗпе Чӑваш Ен Патшалӑх Канашӗн депутатне суйланнӑ[3]. 2011 ҫулхи раштав уйӑхӗн 15-мӗшӗнчен — Патшалӑх Канашӗн социаллӑ политика тата наци ыйтӑвӗсен комитечӗн председателӗ[3]. Чӑваш Ен Патшалӑх Канашӗн президиумӗн членӗ[1].

2016 ҫулхи авӑн уйӑхӗн 18-мӗшӗнче «Пӗрлӗхлӗ Раҫҫей» партирен пӗр суйлав округӗпе иккӗмӗш хут Чӑваш Ен Патшалӑх Канашӗн депутатне суйланнӑ[1]. Чӑваш Ен Патшалӑх Канашӗн патшалӑх строительстви, вырӑнти хӑйтытӑмлӑх, регламент тата депутат этики комитечӗн членӗ тата социаллӑ политика тата наци ыйтӑвӗсен комитечӗн членӗ[1].

2021 ҫулхи авӑн уйӑхӗн 19-мӗшӗнче Чӑваш Республикин Патшалӑх Канашӗн ҫиччӗмӗш чӗнӗвӗн депутатне суйланнӑ[1]. Социаллӑ политика, наци ыйтӑвӗсен комитечӗн членӗ тата экономика политики, бюджет, финанс тата налог комитечӗн членӗ пулнӑ[3].

2016—2024 ҫулсенче — «Чӑваш патшалӑх гуманитари ӑслӑлӑхӗн институчӗ» бюджет ӑслӑлӑх учрежденийӗн директорӗ[1][6].

2024 ҫулхи пуш уйӑхӗнчен — «Чӑваш патшалӑх гуманитари ӑслӑлӑхӗн институчӗ» бюджет ӑслӑлӑх учрежденийӗн истори секцийӗн ертсе пыракан ӑслӑлӑх сотрудникӗ[3].

Общество ӗҫӗ

Раҫҫей журналисчӗсен пӗрлешӗвӗн членӗ (1994)[3]. Чӑваш Республикин Аслӑ экономика канашӗн членӗ, Чӑваш Республикин культура, наци тата архив ӗҫӗн министерствин коллегийӗн членӗ, Чӑваш Республикин физика культури тата спорт министерствин коллегийӗн членӗ[1].

Ӑслӑлӑх ӗҫӗ

ИСИ АН СССР аспирантурине вӗренсе пӗтернӗ хыҫҫӑн 1985 ҫулта «Социальные проблемы рабочего общежития: на материалах эмпирических исследований образа жизни трудящейся молодежи» темӑпа кандидат диссертацине хӳтӗленӗ, философи ӑслӑлӑхӗн кандидачӗ пулса тӑнӑ[3][7].

1985—1991 ҫулсенче Чӑваш АССР Министрсен Канашӗ ҫумӗнчи Чӗлхе, литература, истори тата экономика ӑслӑлӑх-тӗпчев институчӗн аслӑ ӑслӑлӑх сотрудникӗ пулса ӗҫленӗ[1].

1997 ҫулта Санкт-Петербург патшалӑх техника университечӗнче «Предприятири экономика тата управлени» специальнӑҫпа вӗреннӗ[1].

2 кӗнеке, 40 ытла ӑслӑлӑх статья авторӗ[3].

Ҫемье

Ялан Шупашкарта пурӑнать. Арӑмлӑ, хӗрпе ывӑл ҫитӗнтернӗ[1]. Арӑмӗ — Светлана Николаевна Краснова — хореограф, Чӑваш патшалӑх культурӑпа ӳнерсен институчӗн халӑх художество пултарулӑхӗн кафедрин доценчӗ, Чӑваш Республикин тава тивӗҫлӗ культура ӗҫченӗ; Куйбышев культура институтне вӗренсе пӗтернӗ; (1985) «Модерн» халӑх хӑй тӗллӗн художество пултарулӑх ушкӑнӗн (Шупашкар) никӗслевҫи; К. В. Иванов ячӗллӗ Чӑваш патшалӑх академи драма театрӗн, Вырӑс драма театрӗн, Чӑваш патшалӑх оперӑпа балет театрӗн спектаклӗсенче ташӑ лартакан[8][9].

Хисепсем тата ятсем

Раҫҫей Федерацийӗн хисепӗсем

  • «Пӗтӗм Раҫҫей халӑх ҫыравне ирттерессинче тава тивӗҫлӗ ӗҫсемшӗн» медалӗ[1];
  • «2006 ҫулхи Пӗтӗм Раҫҫей ял хуҫалӑх ҫыравне ирттерессинчи тава тивӗҫлӗ ӗҫсемшӗн» медалӗ[1];
  • «Раҫҫей Госкомспорчӗ 80 ҫулта» юбилей медалӗ[1];
  • «Раҫҫей МЧС 15 ҫулта» юбилей медалӗ[1];
  • «Раҫҫей Ӗҫ министерствин хисеплӗ ӗҫченӗ» кӑкӑр палли[1];
  • Раҫҫей Федерацийӗн физкультура тата туризм патшалӑх комитечӗн Хисеп грамоти[1];
  • Техника регулированипе экспорт контролӗн федераллӑ службин Хисеп грамоти[1];
  • «Сочи хулинчи 2014 ҫулхи XXII Хӗллехи Олимпиада вӑййисемпе XI Хӗллехи Паралимпиада вӑййисем» астӑвӑм медалӗ (2014)[1];
  • Раҫҫей Федерацийӗн культурӑпа массӑллӑ коммуникацисен министрӗн Тав сӑмахӗ (2006 ҫулхи ҫурла уйӑхӗн 30-мӗшӗ) — нумай ҫул ӗҫленӗшӗн тата культурӑна аталантарассине пысӑк ӳсӗм кӳнишӗн[10].

Чӑваш Республикин хисепӗсем

  • «Чӑваш Республики умӗнчи тава тивӗҫлӗ ӗҫсемшӗн» орден медалӗ[3];
  • Чӑваш Республикин Пуҫлӑхӗн Тав сӑмахӗ[3];
  • Чӑваш Республикин Патшалӑх Канашӗн Хисеп грамоти[3];
  • Чӑваш Республикин Патшалӑх Канашӗн Тав сӑмахӗ[3];
  • «Чӑваш автономи облаҫне туса хунӑранпа 100 ҫул» астӑвӑм медалӗ (2020)[3];
  • Комсомольски районӗн хисеплӗ гражданинӗ[3].

Общество хисепӗсем

  • С. В. Эльгер ячӗллӗ премин лауреачӗ (2006, Чӑваш журналисчӗсен союзӗн хисепӗ; «Сӑмах вӑйӗ» публицистика ӗҫсен пуххиншӗн)[3];
  • Раҫҫей журналисчӗсен союзӗн «Журналистика кӗнеки» номинацири премийӗн лауреачӗ (2006, «Сӑмах вӑйӗ» кӗнекешӗн)[3].

Тӗп ӗҫсем

  • Воспитать наставника // Советская культура. 1983. 6 декабря. Авторсем пӗрле.
  • Воспитатель или страж ворот? // Культурно-просветительная работа. 1984. № 6. С. 21-24. Авторсем пӗрле.
  • Духовные потребности молодежи рабочих общежитий // Вопросы совершенствования подготовки кадров в народном хозяйстве Чувашской АССР: сб. ст. — Чебоксары: ЧНИИ, 1984. С. 54-61.
  • Образ жизни рабочего общежития // Социологические методы изучения образа жизни / — ИСИ АН СССР. 1985. С. 64-78.
  • Проблемы организации быта трудящейся молодежи // Социально-экономические проблемы использования трудовых ресурсов: сб. ст. / — Чебоксары: ЧНИИ, 1986. С. 46-51.
  • Культурно-воспитательная работа как фактор организации содержательного досуга трудящейся молодежи // Вопросы совершенствования социалистического образа жизни: сб. ст. / — Чебоксары: ЧНИИ, 1986. С. 45-53.
  • Вопросы совершенствования идейно-воспитательной работы в трудовых коллективах // Социально-экономические факторы повышения эффективности труда в народном хозяйстве Чувашской АССР: сб. ст. / — Чебоксары: ЧНИИ, 1987. С. 34-46.
  • Вопросы стимулирования трудовой активности рабочих промышленности Чувашской АССР в условиях ускорения социально-экономического развития // Социально-экономические проблемы труда в Чувашской АССР: сб. ст. / — Чебоксары: ЧНИИ, 1988. С. 67-80.
  • Демократизация — суть перестройки советского общества: методическое пособие. — Чебоксары, 1989. С. 75-81. Коллектив авторов.
  • Некоторые методологические проблемы активизации человеческого фактора на производстве // Социально-экономические проблемы совершенствования человеческого фактора: сб. ст. / — Чебоксары: ЧНИИ, 1989. С. 20-35.
  • Некоторые социальные аспекты перехода на рыночные отношения в экономике // Проблемы развития народного хозяйства в условиях экономической самостоятельности: сб. ст. / — Чебоксары: ЧНИИ, 1989. С. 53-73.
  • Беседы с начинающим социологом. Чебоксары: Чуваш. кн. изд-во, 1989. 120 с. В соавторстве.
  • К вопросу о структуре форм самоопределения наций // Тезисы докладов и сообщений региональной научной конференции. — Чебоксары, 1990. С. 31-33.
  • Структура свободного времени городского населения Чувашской АССР // Социально-экономические проблемы образа жизни советских людей: сб. ст. / — Чебоксары: ЧНИИ, 1990. С. 23-42.
  • Некоторые социальные аспекты выборов народных депутатов СССР и ЧАССР // Там же. С. 124—135.
  • Правовые и организационные основы демократизации общества в Чувашии // Государственный совет Чувашской Республики в системе органов государственной власти, его роль в социально-экономическом развитии республики. — Чебоксары, 2004. С. 50-54.
  • Власть слова: анализ, полемика, прогноз: сб. ст., очерков, интервью. — Чебоксары: Союз журналистов Чувашии, 2006. 263 с.
  • Законодательные акты Верховного Совета Чувашской Республики 12-го созыва как основа эффективного функционирования представительного органа государственной власти // Государственный совет Чувашской Республики: истоки, становление, проблемы и пути совершенствования законодательства. — Чебоксары: 2014. С. 24-27 и др.

Ӑнлантарусем

  1. ^ 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34 Краснов Петр Степанович. Единая Россия. Пӑхнӑ кун: 2026 ҫулхи авӑнӑн 30-мӗшӗ.
  2. ^ Краснов, Петр Степанович. Наследие Чувашии. Пӑхнӑ кун: 2026 ҫулхи авӑнӑн 30-мӗшӗ.
  3. ^ 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18 Краснов Пётр Степанович. Чувашская энциклопедия. Пӑхнӑ кун: 2026 ҫулхи авӑнӑн 30-мӗшӗ.
  4. ^ Судьба контрразведчика. Советская Чувашия (1 ҫӗртмен 2021). Пӑхнӑ кун: 2026 ҫулхи авӑнӑн 30-мӗшӗ.
  5. ^ Петр Краснов назначен и.о. главы администрации президента Чувашии. Коммерсантъ (2 ҫурлан 2004). Пӑхнӑ кун: 2026 ҫулхи авӑнӑн 30-мӗшӗ.
  6. ^ Петр Краснов снова возглавил ЧГИГН. Правда ПФО (1 пушӑн 2022). Пӑхнӑ кун: 2026 ҫулхи авӑнӑн 30-мӗшӗ.
  7. ^ Краснов Петр Степанович. Чувашский государственный институт гуманитарных наук. Пӑхнӑ кун: 2026 ҫулхи авӑнӑн 30-мӗшӗ.
  8. ^ Творческая школа хореографического искусства С.Н. Красновой. Чувашский государственный институт культуры и искусств (28 раштавӑн 2019). Пӑхнӑ кун: 2026 ҫулхи авӑнӑн 30-мӗшӗ.
  9. ^ В стихии танца. Советская Чувашия (11 авӑнӑн 2008). Пӑхнӑ кун: 2026 ҫулхи авӑнӑн 30-мӗшӗ.
  10. ^ Об объявлении благодарности Министра культуры и массовых коммуникаций Российской Федерации. Министерство культуры Российской Федерации. Пӑхнӑ кун: 2026 ҫулхи авӑнӑн 30-мӗшӗ.

Вуламалли

  • Фёдоров Ф. Ф. Краснов Пётр Степанович // enc.cap.ru
  • Краснов П. С. Роковые пятилетки Петра Краснова / П. С. Краснов; беседовала С. Чекменева // МК в Чебоксарах. — 2000. — 16-23 ноября (№ 47). — С. 9.
  • Краснов Петр Степанович — руководитель Администрации Президента Чувашской Республики // Чувашская Республика: органы государственной власти и местного самоуправления. Административно-территориальное деление. Инфраструктура. — Чебоксары, 2000. — С. 10.
  • Министр культуры, по делам национальностей, информационной политики и архивного дела Чувашской Республики Краснов Петр Степанович // Клуб и народное творчество. — 2004. — Май (№ 4). — С. 1.

Каҫӑсем

Темӑпа ҫыхӑннисем

п • с • т
Чӑваш патшалӑх гуманитари ӑслӑлӑхӗсен институчӗн директорĕсем
Сергеев Михаил Сергеевич (1931–1933)  • Кутяшов Сергей Спиридонович (1933–1935)  • Васильев Николай Васильевич (1936–1937)  • Резюков Николай Андреевич, в.ĕ. (1937–1938)  • Яковлев, Иван Яковлевич (1938–1941)  • Григорьев Пётр Григорьевич (1941–1951)  • Гусев Трофим Гаврилович (1952–1955) • Афанасьев Илларион Афанасьевич (1955)  • Любимов Василий Николаевич (1955–1956)  • Андреев Михаил Андреевич (1956–1963)  • Кузнецов Иван Данилович (1963–1967)  • Димитриев Василий Димитриевич (1968–1988)  • Малютин Станислав Романович (1989–1996)  • Трофимов Алексей Александрович (1996–2002)  • Григорьев Валерий Сергеевич (2002–2010)  • Исаев Юрий Николаевич (2010–2016)  • Петров Леонид Порфирьевич, в.ĕ. (2016)  • Краснов Пётр Степанович (2016-24.01.2022; 01.03.2022—...)  • Николаев Геннадий Алексеевич т. п.,(24.01.— 01.03.2022)

Категорисем