Андреев Михаил Андреевич

	Ҫын пирки
	Андреев Михаил Андреевич
Çуралнă вăхăт	1904 ҫулхи утӑн 16-мӗшӗ
Çуралнă вырăн	Ураскасси, Ҫӗрпӳ уесӗ, Хусан кӗпӗрни, Раҫҫей империйӗ;
Вилнĕ вăхăт	1956
Вилнĕ вырăн	Мускав, СССР;
Гражданлăх	Раҫҫей империйӗ; СССР;
Премисемпе чысланисем

Андреев Михаил Андреевич (1904 ҫулхи утӑн 16-мӗшӗ, Ураскасси, Ҫӗрпӳ уесӗ, Хусан кӗпӗрни, Раҫҫей империйӗ — 1956, Мускав, СССР) — патшалӑх ӗҫченӗ, экономист-плановик, экономика ӑслӑлӑхӗсен кандидачӗ^[1].

Кун-ҫулӗ

1904 ҫулхи утӑ уйӑхӗн 16-мӗшӗнче Хусан кӗпӗрнин Ҫӗрпӳ уесӗнчи (халӗ — Чӑваш Республикин Тӑвай муниципаллӑ округӗ) Ураскасси ялӗнче ҫуралнӑ.

1926 ҫулта Канашри педагогика техникумӗнче пӗлӳ илнӗ. 1932 ҫулта Мускаври план институтне вӗренсе пӗтернӗ, 1935 ҫулта ун ҫумӗнчи аспирантурӑра пӗлӗвне ӳстернӗ.

1921–1927 ҫулсенче ачасене вӗрентнӗ, малтан Томск кӗпӗрнинчи (халӗ Томск облаҫӗ) Кузнецк уесӗн Еловка тӑватӑ ҫул вӗренмелли шкулта учитель пулнӑ, кайран Шӑхасан шкулӗнче — преподаватель, Ҫӗрпӳри ача-пӑча хулашӗнче — заведующи, Трак районӗнчи (халӗ Красноармейски муниципаллӑ округӗ) Именкассинчи сакӑр ҫул вӗренмелли шкулта — заведующи.

1932–1936 ҫулсенче Мускаври заводсенче тата СССР Госпланӗ ҫумӗнчи планлакан пайсен ертӳҫи пулнӑ. 1936 ҫулта ӑна Чӑваш тӑрӑхне куҫарнӑ. Кунта вӑл патшалӑх планлавӗн пӗтӗмлетекен секторӗн пуҫлахӗ, Республика патшалӑх планӗн председатель ҫумӗ пулса ӗҫленӗ. 1938 ҫулхи ҫу уйӑхӗнче ӑна Чӑваш АССРӗн Патшалӑх планӗн председательне лартнӑ.

Тӑван Ҫӗршывӑн Аслӑ вӑрҫи вӑхӑтӗнче вӑл, 1941–1945 ҫулсенче, Уралта пулнӑ, кунта СССР Патшалӑх планӗн уполномоченнӑйӗн ӗҫне пурнӑҫланӑ.

1946–1956 ҫулсенче СССР Патшалӑх планӗн председатель ҫумӗ пулнӑ^[1].

Хисепӗсем

Ӑнлантарусем

^ ¹^,²^,³ А. П. Павлов, Ф. Ф. Фёдоров. Андреев Михаил Андреевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 5-мӗшӗ.

Вуламалли

Соколова, Н. Экономика наукисен кандидачӗ / Н. Соколова // Ял ӗҫченӗ (Тӑвай районӗ). — 2019. — 5 июль (№ 25). — С. 6.
Павлов, А. П. Андреев Михаил Андреевич / А. П. Павлов, Ф. Ф. Федоров // Чувашская энциклопедия. — Чебоксары, 2006. — Т. 1 : А-Е. — С. 104.
Павлов, А. П. Андреев Михаил Андреевич / А. П. Павлов, Ф. Ф. Федоров // Энциклопедия Янтиковского района. — Чебоксары, 2020. — С. 47.
Павлова, А. Ученый, парламентарий, уполномоченный Госплана / А. Павлов // Республика. — 2005. — 12 янв. (№ 1). — С. 2.

Каҫӑсем

[:0-1] ¹^,²^,³ А. П. Павлов, Ф. Ф. Фёдоров. Андреев Михаил Андреевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 5-мӗшӗ.

[1]