Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Резюков Николай Андреевич

Резюков Николай Андреевич (1898 ҫулхи чӳкӗн 16-мӗшӗ, Кăнна Кушки, Пӑва уесӗ, Чӗмпӗр кӗпӗрни, Раҫҫей империйӗ — 1969 ҫулхи юпан 28-мӗшӗ, Шупашкар, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет ӑсчахӗ, чӑваш чӗлхи тӗпчевҫи, педагогика ӑслӑлӑхӗсен кандидачӗ. Н. И. Ашмарин вӗренекенӗ тата соратникӗ. Тӑван Ҫӗршывӑн Аслӑ вӑрҫине хутшӑннӑ[1].

Пурнӑҫӗпе ӗҫӗ-хӗлӗ

1898 ҫулхи чӳк уйӑхӗн 16-мӗшӗнче Чӗмпӗр кӗпӗрнин Пӑва уесӗнчи Кӑнна Кушки (халӗ Тутарстан Республикин Теччӗ районӗ) ялӗнче ҫуралнӑ.

Шупашкарти тӗн училищинче, Хусанти тӗн семинарийӗнче пӗлӳ илнӗ. 1925—1930 ҫулсенче Хусан Хӗвелтухӑҫ педагогика институтӗнче тӗрӗк халӑхӗсен чӗлхипе историне вӗреннӗ. Кунта Н. И. Ашмарин профессорпа ҫывӑх паллашнӑ, унпа пӗрле «Чӑваш сӑмахӗсен кӗнекине» пухса кӑларас ӗҫе хутшӑннӑ[1].

Пушкӑрт педагогика техникумӗнче вырӑс чӗлхи вӗрентекенӗ, Чӑваш ял хуҫалӑх институтӗнче чӑваш чӗлхи вӗрентекенӗ, Канашри учительсен институтӗнче, Чӑваш вӗрентекенсен ӗҫне лайӑхлатмалли институтра методист пулса ӗҫленӗ. 1931—1952 ҫулсенче Чӑваш АССР Министрсен Канашӗ ҫумӗнчи Наукӑпа тӗпчев институтӗнче (халӗ Чӑваш патшалӑх гуманитари ӑслӑлӑхӗсен институчӗ) (1937 ҫулхи юпа уйӑхӗнчен пуҫласа 1938 ҫулхи ҫу уйӑхӗччен — директор тивӗҫӗсене пурнӑҫлакан) тата И. Я. Яковлев ячӗллӗ Чӑваш патшалӑх педагогика институтӗнче ӗҫленӗ[1].

1942—1945 ҫулсенче Тӑван Ҫӗршывӑн Аслӑ вӑрҫине хутшӑннӑ.

1928—1933 ҫулсенче Н. И. Ашмарин ертсе пынипе «Чӑваш чӗлхин словарӗ» 2-7-мӗш кӑларӑмсен ал ҫырӑвне хатӗрлес тата тӳрлетес ӗҫе хутшӑннӑ, Н. И. Ашмарин вилнӗ хыҫҫӑн хӑй тӗллӗн 6-14-мӗш кӑларӑмсене хатӗрленӗ, 6-13-мӗш кӑларӑмсен кӑларакан редакторӗ, 14-мӗш тата 17-мӗш кӑларӑмсен яваплӑ редакторӗ, «Хыҫсӑмах» авторӗ[1].

Чӑваш чӗлхин орфографи правилисен проектне хатӗрленӗ, вӑл чӑвашла тӗрӗс ҫырмалли правилӑсен никӗсне выртнӑ. Чӑваш чӗлхипе 3 тата 4 классем, ҫавӑн пекех шкул тата аслӑ шкул программисем, чӑваш грамматикипе ӑслӑлӑхпа методика статйисен авторӗ. «Чӑвашла-вырӑсла словарь» (1961) авторӗсенчен пӗри[1].

Ӗçĕсем

  • Чӑваш чӗлхи: Грамматика тата тӗрӗс ҫырасси. Пуҫламӑш шкулӑн 4-мӗш класӗ валли. Шупашкар: Чӑвашгосиздат, 1948. 99 с. (пурӗ 7 издани тухнӑ: 2-мӗш изд. — 1958; 3-мӗш изд. — 1959; 4-мӗш изд. — 1960; 5-мӗш изд. — 1961; 6-мӗш изд. — 1962; 7-мӗш изд. — 1963);
  • Чӑваш чӗлхине вӗрентекен учительсен опытӗнчен: Ст. пуххи / Учительсен пӗлӗвне ӳстерес тӗлӗшпе ӗҫлекен ин-т; Ред. Н. А. Резюков. Шупашкар, 1956. 112 с.
  • Сакӑр ҫул вӗренмелли шкулӑн программисем: Чӑваш чӗлхипе литератури. V—VIII класс валли / Сост. Н. А. Резюков, Д. С. Филиппова. Шупашкар: Чӑвашгосиздат, 1960. 68 с.
  • Чӑваш чӗлхи: Грамматика тата тӗрӗс ҫырасси. Пуҫламӑш шкулӑн 4-мӗш класра вӗренмелли кӗнеке / Н. А. Резюков, А. П. Кокорева. Шупашкар: Чӑвашиздат, 1964. 88 с.: ил. (6 издани тухнӑ: 2-мӗш изд. — 1965; 3-мӗш изд. — 1966; 4-мӗш изд. — 1967; 5-мӗш изд. — 1968; 6-мӗш изд. — 1969);
  • Чӑваш чӗлхи: Пуҫламӑш шкулӑн 3-мӗш класра вӗренмелли кӗнеке / Н. А. Резюков, Г. В. Лукоянов. Шупашкар: Чӑвашиздат, 1965. 108 с.: ил. (9 издани тухнӑ: 2-мӗш изд. — 1967; 3-мӗш изд. — 1967; 4-мӗш изд. — 1968; 5-мӗш изд. — 1969; 6-мӗш изд. — 1970);
  • Чӑваш чӗлхи: 4-мӗш класс валли 14-мӗш кӑларӑм. Шупашкар, 1963. 95 с.
  • Чӑваш чӗлхи: 3-мӗш класс валли / Н. А. Резюков, Г. В. Лукоянов. 7-мӗш кӑларӑм. Шупашкар: Чӑвашиздат, 1971. 111 с.
  • Очерки сравнительной грамматики русского и чувашского языков / Под ред. М. М. Михайлова. Чебоксары: Чувашгосиздат, 1954. 200 с. (2-е изд. 328 с.);
  • В помощь учителю русского языка и литературы: Сб. ст. / М-во просвещения Чуваш. АССР, Ин-т усоверш. учителей; Под ред. Н. А. Резюкова. Чебоксары: Чувашгосиздат, 1959. 112 с.
  • Сопоставительная грамматика русского и чувашского языков. Чебоксары: Чувашгосиздат, 1959. 328 с[2].

Ӑнлантарусем

  1. ^ 1, 2, 3, 4, 5 Г. А. Дегтярёв. Резюков Николай Андреевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 31-мӗшӗ.
  2. ^ Рeзюков Николай Андрeeвич (09.12.1898-28.10.1969). Национальная библиотека Чувашской Республики. Пӑхнӑ кун: 2026 ҫулхи пушӑн 31-мӗшӗ.

Вуламалли

  • Чӑваш чӗлхи: аваллӑхран малашлӑха : статьясен пуххи / [Г. А. Дегтярев пухса хатӗрленӗ, редакциленӗ, ум сӑмахне ҫырнӑ]. — Шупашкар : ЧПГӐИ, 2007. — 129 с. : портр. — Н. А. Резюков ҫуралнӑранпа 110 ҫул ҫитнине халалласа.. — См. текст
  • Андреев, В. А. Н. А. Резюков — чӑваш чӗлхин шайлаштурӑллӑ тӗпчевӗсен никӗсне хываканӗ / В. А. Андреев, Е. В. Андреева // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 35-38.
  • Дегтярев, Г. А. Николай Резюков тата «Чӑваш сӑмахӗсен кӗнеки» / Г. А. Дегтярев // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 5-34.
  • Канюкова, А. С. Н. А. Резюков тата пединститут / А. С. Канюкова // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 48-49.
  • Лукоянов, Г. Н. И. Ашмарин вӗренекенӗ / Г. Лукоянов // Хыпар. — 1998. — 11 раштав.
  • Лукиянова, А. Чӗлхеҫӗне асӑнса / А. Лукиянова // Хыпар. — 1998. — 9 раштав.
  • Резюков Николай Андреевич // Чӑваш чӗлхи тӗпчевҫисем : биобиблиографи указателӗ.. — Шупашкар, 2006. — С. 170—172.
  • Семенова, Г. Н. Н. А. Резюков — шкул кӗнекисен авторӗ / Г. Н. Семенова // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 39-40.
  • Степанова, И. «Чӑваш чӗлхи: аваллӑхран малашлӑха» / И. Степанова // Ҫамрӑксен хаҫачӗ. — 2007. — 14 раштав (№ 50). — С. 14.
  • Тенюшев, И. Я. Николай Резюков — куҫару ӑсти / И. Я. Тенюшев // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 41-44.
  • Тихонов, Б. Л. Педагог тата ӑсчах Николай Резюков / Б. Л. Тихонов // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 45-47.
  • Дегтярев, Г. А. Резюков Николай Андреевич / Г. А. Дегтярев // Краткая чувашская энциклопедия. — Чебоксары, 2001. — С. 348.
  • Дегтярев, Г. А. Резюков Николай Андреевич / Г. А. Дегтярев // Чувашская энциклопедия. — Чебоксары, 2009. — Т. 3 : М-Се. — С. 554.
  • Погодин, Е. П. Николай Резюков: характер и судьба / Е. П. Погодин // Чӑваш чӗлхи: аваллӑхран малашлӑха : статьясен пуххи. — Шупашкар, 2007. — С. 50-54 : фот.
  • Резюков Николай Андреевич // Исследователи этнографии и археологии Чувашии : биобиблиогр. слов. — Чебоксары, 2004. — С. 225—226.
  • Резюков Николай Андреевич // Ученые и сотрудники Чувашского государственного института гуманитарных наук: 1930—2005. — Чебоксары, 2005. — С. 130.
  • Резюков Николай Андреевич // Ученые Чувашского государственного педагогического университета им. И. Я. Яковлева. — Чебоксары, 2005. — С. 287.
  • Резюков Николай Андреевич // Ученые Чувашского государственного педагогического университета им. И. Я. Яковлева. — Чебоксары, 2010. — С. 334—335.
  • Резюков Николай Андреевич // Чувашгоспедуниверситет им. И. Я. Яковлева : история, структура, ученые. — Чебоксары, 2000. — С. 278—279.
  • Резюков Николай Андреевич // Чуваши Татарстана = Тутарстан чӑвашӗсем : [кн.-альбом]. — Чебоксары, 2006. — C. 520.
  • Федотов, М. Р. Н. А. Резюков (1898—1969) / М. Р. Федотов // Исследователи чувашского языка / М. Р. Федотов. — Чебоксары, 2000. — С. 145—148.

Каçăсем

Темӑпа ҫыхӑннисем

п • с • т
Чӑваш патшалӑх гуманитари ӑслӑлӑхӗсен институчӗн директорĕсем
Сергеев Михаил Сергеевич (1931–1933)  • Кутяшов Сергей Спиридонович (1933–1935)  • Васильев Николай Васильевич (1936–1937)  • Резюков Николай Андреевич, в.ĕ. (1937–1938)  • Яковлев, Иван Яковлевич (1938–1941)  • Григорьев Пётр Григорьевич (1941–1951)  • Гусев Трофим Гаврилович (1952–1955) • Афанасьев Илларион Афанасьевич (1955)  • Любимов Василий Николаевич (1955–1956)  • Андреев Михаил Андреевич (1956–1963)  • Кузнецов Иван Данилович (1963–1967)  • Димитриев Василий Димитриевич (1968–1988)  • Малютин Станислав Романович (1989–1996)  • Трофимов Алексей Александрович (1996–2002)  • Григорьев Валерий Сергеевич (2002–2010)  • Исаев Юрий Николаевич (2010–2016)  • Петров Леонид Порфирьевич, в.ĕ. (2016)  • Краснов Пётр Степанович (2016-24.01.2022; 01.03.2022—...)  • Николаев Геннадий Алексеевич т. п.,(24.01.— 01.03.2022)

Категорисем