Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Федотов Сергей Васильевич

Федотов Сергей Васильевич (ҫур. 1956 ҫулхи ҫурлан 12-мӗшӗ, Кахăрлă Шăхаль, Чăваш Автономиллĕ Социализмлă Совет Республики) — Раҫҫей музыканчӗ, концертмейстер, педагог, аранжировщик. Раҫҫей Федерацийӗн (2003) тата Чӑваш Республикин (1993) тава тивӗҫлӗ культура ӗҫченӗ. Чӑваш Республикин композиторсен ассоциацийӗн пайташӗ[1].

Пурнӑҫӗ

Сергей Васильевич Федотов 1956 ҫулхи ҫурлан 12-мӗшӗнче Чӑваш АССРӗн Шӑмӑршӑ районӗнчи Кахӑрлӑ Шӑхальте ҫуралнӑ[1].

1974 ҫулта Ҫӗрпӳри культурӑпа ҫутӗҫ училищинчен вӗренсе тухнӑ. 1978 ҫулта Хусан культура институтӗнче аслӑ пӗлӳ илнӗ.

1979–1980 ҫулсенче Совет ҫарӗнче хӗсметре тӑнӑ[1].

Пултарулӑхӗпе педагогика ӗҫӗ

С. В. Федотов хӑйӗн ӗҫӗ-хӗлне 1974 ҫулта Шӑмӑршӑ районӗн культура ҫуртӗнче пуҫланӑ, унта вӑл арҫын халӑх хорӗнче концертмейстер пулса ӗҫленӗ.

Институтран вӗренсе тухсан 1978–1979 ҫулсенче оркестр ушкӑнӗнче артист пулнӑ. 1980–1981 ҫулсенче Чӑваш патшалӑх юрӑпа ташӑ ансамблӗнче баянист-концертмейстер вырӑнӗнче ӗҫленӗ.

1981 ҫултанпа Сергей Васильевич Шупашкар хулин ача-пӑча тата ҫамрӑксен пултарулӑх ҫуртӗнчи «Эревет» халӑх инструменчӗсен ансамблӗнче педагог пулса ӗҫлет[1]. Ҫак коллектива 1981 ҫулта йӗркеленӗ, Федотов ушкӑна йӗркелес ӗҫӗн пуҫаруҫисен йышӗнче пулнӑ, нумай ҫул ӑна ертсе пынӑ[2].

Вӑл чӑваш тата вырӑс халӑх кӗввине баян валли, ҫавӑн пекех халӑх инструменчӗсен ансамблӗсемпе оркестрӗсем валли аранжировка(выр.)чăв. тунӑ тата кӗвӗ ҫырнӑ[1].

Хисепӗсем

Ӑнлантарусем

  1. ^ 1, 2, 3, 4, 5, 6 Федотов Сергей Васильевич. Чӑваш энциклопедийӗ. Пӑхнӑ кун: 2026 ҫулхи пушӑн 30-мӗшӗ.
  2. ^ «Эревет» халӑх инструменчӗсен ансамблӗн ертӳҫи С.В. Федотова – 50 ҫул. Чӑваш Республикин культура, наци ӗҫӗсен тата архив ӗҫӗн министерстви (2010 ҫулхи чӳкӗн 16-мӗшӗ). Пӑхнӑ кун: 2026 ҫулхи пушӑн 30-мӗшӗ.

Каҫӑсем

Категорисем