Фёдоров Пётр Петрович
Фёдоров Пётр Петрович (ҫур. 1982 ҫулхи акан 21-мӗшӗ, Мускав) — Раҫҫейри кино актёрӗ.
Пурнӑҫӗ
Пётр Петрович Фёдоров 1982 ҫулхи акан 21-мӗшӗнче Мускавра, актёр ҫемьинче ҫуралнӑ.
Ашшӗ — Пётр Евгеньевич Фёдоров(выр.)чăв. (1959—1999), совет саманин тата Раҫҫейри театрпа кино актёрӗ, ӳнер тӗпчевҫи тата телеертӳҫӗ (39 ҫулта ракран вилнӗ). Аслашшӗ — Евгений Евгеньевич Фёдоров(выр.)чăв. (1924—2020) — совет саманин тата Раҫҫейӗн театр актёрӗ, РСФСР тава тивӗҫлӗ артисчӗ (1976). Тӑван йӑмӑкӗсем — Мария (1988 ҫ.ҫ.) тата Елена (1995 ҫ.ҫ.)[1]. Пӗр юнлӑ пиччӗшӗ пур.
Пётр Фёдоров-кӗҫӗнни хӑйӗн пӗтӗм ачалӑхне Алтайра Уймон айлӑмӗнче ирттернӗ. Ӳкерчӗкпе кӑсӑкланнӑ, художник пулма ӗмӗтленнӗ. Саккӑрмӗш класра чухне ҫемйипе каялла Мускава куҫса килнӗ. 1997 ҫулта тулли мар вӑтам пӗлӳ илнӗ хыҫҫӑн Мускаври художествӑпа техника театр училищине (МТХТУ) вӗренме кӗнӗ, ӑна вӗҫлесен С. Г. Строганов ячӗллӗ МГХПУна вӗренме кӗме планланӑ, анчах та ашшӗ вилнӗ хыҫҫӑн хӑйӗн шухӑшне улӑштарнӑ, иккӗмӗш курс хыҫҫӑн училищӗне пӑрахса кайнӑ[1].
1999 ҫулта Борис Щукин ячӗллӗ аслӑ театр училищин актёр факультетне (курсӑн илемлӗх ертӳҫи — Родион Юрьевич Овчинников) вӗренме кӗнӗ. 2003 ҫулта, ҫав вӑхӑталла Борис Щукин ячӗллӗ театр институчӗ ятлӑ пулса тӑнӑ училищӗрен, вӗренсе тухнӑ. Иван Сергеевич Тургеневӑн пьеси тӑрӑх хатӗрленӗ «Ытарайми ҫынсем» диплом спектаклӗнче Беляев студента вылянӑ. Ку спектакльте ҫавӑн пекех Григорий Антипенкопа Ольга Ломоносова актёрсем вылянӑ[2]. 2003 ҫулхи авӑн уйӑхӗнче «Московский комсомолец» хаҫат «Ытарайми ҫынсем» спектакле «Пуҫлакансем» номинацире сезонри чи лайӑх спектакль тесе йышӑннӑ, приз панӑ.
Театр институтӗнчен вӗренсе тухнӑ хыҫҫӑн Пётр Фёдоров-кӗҫӗнни К. С. Станиславский ячӗллӗ Мускав драма театрӗнче ӗҫленӗ.
Кинори пӗрремӗш тӗп ролӗ вӑл Леонид Марягинӑн «101 километр» (2001) илемлӗ фильмӗнче тивӗҫнӗ, Лёнька сӑнарне вылянӑ. Ҫавӑн пекех актёр «Сматывай удочки» (2004), «Мужской сезон. Бархатная революция» (2005) тата «Неуправляемый занос» (2005) фильмсенче ӳкерӗннӗ. Петр Фёдоров-кӗҫӗннин ячӗ халӑх хушшинче «Клуб» (2006) ҫамрӑксен телесериалӗнче Данила рольне сӑнарланӑ хыҫҫӑн сарӑлнӑ. Виҫҫӗмӗш сезон хыҫҫӑн Пётр проектран кайнӑ та Фёдор Бондарчукӑн «Обитаемый остров» фантастикӑлла илемлӗ фильмӗнче ӳкерме хатӗрленнӗ. Картинӑна вунӑ уйӑх хушши (2007 ҫулхи нарӑсӑн 14-мӗшӗнчен пуҫласа раштавӑн 7-мӗшӗччен) ӳкернӗ.
2008 ҫулхи ҫулла Пётр Фёдоров-кӗҫӗнни Эстонире хатӗрленӗ «Фобос. Клуб страха» фильмра ӳкерӗннӗ. Актёр каласа панӑ тӑрӑх, фильм ӑна Таллинри тӑванӗсене тупма пулӑшнӑ. 2009 ҫулта тепӗр автор проектне — «Гоп-стоп» ятлине — ӳкернӗ. Вӑл гопниксем ҫинчен каласа паракан фильм, унта халӑх хушшинче анлӑ сарӑлнӑ халапсене тӗпе хурса чӑн пурнӑҫри пулӑмсене халалланӑ криминаллӑ истори.
2009 ҫулта Петра «ПираМММида» фильмра Антон вундеркинд тӗп рольне выляма чӗннӗ.
2010 ҫулта Пётра американсен «Фантом» фильмӗнче (режиссёрӗ Крис Горак) Антон Баткин ҫамрӑк кадет рольне выляма ҫирӗплетнӗ. Ҫав ҫулах Одессӑра «Охотники за бриллиантами» мини-сериал ӳкернӗ. 2011 ҫулхи ҫулла Пётр Глеб Пакуловӑн «Ведьмин ключ» повеҫӗ тӑрӑх хатӗрленӗ «Беглецы» фильмра ӳкерӗннӗ, фильтра унӑн партнёрши пулса Елизавета Боярская актриса та вылянӑ.
2011 ҫултанпа Пётр Фёдоров-кӗҫӗнни Race to Space инди-ушкӑнра вылять[3].
2020 ҫулта Егор Барановӑн «Аванпост» фильм экран ҫине тухнӑ, Фёдоров унта тӗп рольсенчен пӗрине вылянӑ[4]. 2020 ҫулхи чӳк уйӑхӗнче ТНТ телеканал ҫинче тухнӑ «Перевал Дятлова» сериалта Олег Костин КГБ майорӗн тӗп рольне вылянӑ.
Пётр Фёдоров хӑйне пӗрремӗш хут сценари авторӗ тата режиссёр пек кӑтартнӑ проект «Ласт квест» телесериал пулса тӑнӑ. Премьера 2023 ҫулхи кӗркунне иртнӗ[5].
2025 ҫулта Ирина Старшенбаумпа(выр.)чăв. пӗрле «Туда» (режиссёрӗ тата сценарисчӗ Иван Петухов) камитре ӳкерӗннӗ. Асӑннӑ картинӑра Пётр Фёдоров Вадим таксист рольне калӑпланӑ[6].
Фильмографи
| Ҫул | Фильм ячӗ | Сӑнар | Режиссёр(сем) |
|---|---|---|---|
| 2001 | 101-й километр | Леонид | Леонид Марягин |
| 2001 | Два товарища | Валерий Пендраковский | |
| 2002 | Подмосковная элегия | Виктор | Валерий Ахадов |
| 2004 | Граф Крестовский | Тимур | Рамиз Фаталиев |
| 2004 | Даша Васильева-2 (фильм № 5 «Эта горькая сладкая месть») |
Роман Виноградов, Катя ывӑлӗ | Анатолий Матешко |
| 2004 | Сматывай удочки | Макс | Олег Степченко |
| 2005 | Мужской сезон: Бархатная революция | опер | Олег Степченко |
| 2005 | Взять Тарантину | Макс Богушев | Роман Качанов |
| 2005 | Неуправляемый занос | Олег | Георгий Шенгелия |
| 2005 | Per rectum | Пётр Фёдоров | |
| 2005 | Туристы | Гера | Андрей Гриневич |
| 2006 | Тёмный инстинкт | Егор Шипов, Андрей шӑллӗ | Михаил Туманишвили |
| 2006 | Сверим жизнь (кӗске метражлӑ) | Владимир Куковякин | |
| 2006 | Robotrip (кӗске метражлӑ) | Пётр Фёдоров | |
| 2006 | Клуб | Данила Орлов, клубӑн пӗрлехи хуҫин ывӑлӗ | Павел Бардин |
| 2007 | Чистосердечное признание (кӗске метражлӑ) | Евгений Кудинов | |
| 2008 | Обитаемый остров | Гай Гаал | Фёдор Бондарчук |
| 2009 | Обитаемый остров. Схватка | Гай Гаал | Фёдор Бондарчук |
| 2009 | Россия 88 | Александр («Штык»), неонацистла ушкӑн пуҫӗ | Павел Бардин |
| 2010 | Фобос. Клуб страха | Майк (унӑн шиклӗхӗ — чӑнлӑх) | Олег Асадулин |
| 2010 | Гоп-стоп | Васяня | Павел Бардин |
| 2010 | Без права на ошибку | Салех Серажетдинов («Татарин») | Александр Высоковский |
| 2011 | Охотники за бриллиантами | Анатолий Бессонов, «Бес» ятлӑ рецидевист | Александр Котт |
| 2011 | ПираМММида | Антон | Эльдар Салаватов |
| 2011 | Ёлки 2 | Николай Кравчук, Настя ашшӗ, Оля пиччӗшӗ | Дмитрий Киселёв, Александр Баранов, Александр Котт, Леван Габриадзе |
| 2011 | Фантом | Антон Баткин | Крис Горак |
| 2011 | Борис Годунов | Пётр Фёдорович Басманов, воевода | Владимир Мирзоев |
| 2011 | Без мужчин | Николай Волков, стриптизёр | Резо Гигинеишвили, Алиса Хмельницкая |
| 2011 | Собиратель пуль | Сёма | Александр Вартанов |
| 2012 | Одесса-мама | Иван Новицкий | Марк Горобец |
| 2012 | Мамы | Антон | Алан Бадоев |
| 2012 | Мужчина с гарантией | Виталий, суту-илӳ центрӗн менеджерӗ | Артём Аксененко |
| 2012 | Некуда спешить | парашютист | Пётр Буслов |
| 2012 | Контракт | Морис | Владимир Мирзоев |
| 2012 | Последний бой | Андрей | Иван Шурховецкий |
| 2013 | Сталинград | Громов, капитан | Фёдор Бондарчук, Дмитрий Грачёв |
| 2013 | Репетиции | Фёдор Петров, актёр, Игорь Градский тусӗ | Оксана Карас |
| 2013 | Ёлки 3 | Николай Кравчук, Настя ашшӗ, Оля пиччӗшӗ | Дмитрий Киселёв, Леван Габриадзе, Екатерина Телегина, Александр Котт, Александр Карпиловский |
| 2013 | Одноклассники.ru: НаCLICKай удачу | Лёша, студент | Павел Худяков |
| 2013 | Привычка расставаться | Иван | Екатерина Телегина |
| 2014 | Беглецы | Павел Нечаев, ҫамрӑк революционер, таркӑн каторжник | Рустам Мосафир, Константин Сухарьков |
| 2014 | Сердце ангела | Вячеслав, Ильинский ывӑлӗ | Илья Казанков |
| 2014 | Территория | дядя Костя | Александр Мельник |
| 2014 | Ёлки лохматые | Николай Кравчук, Настя ашшӗ | Максим Свешников |
| 2014 | Иерей-Сан | Пётр Ерёмин | Егор Баранов |
| 2015 | Саранча | Артём Цыганов | Егор Баранов |
| 2015 | А зори здесь тихие | Федот Евграфович Васков, старшина, разъезд коменданчӗ | Ренат Давлетьяров |
| 2015 | Родина | Макар, Ҫӗнҫӗпӗрти турист | Пётр Буслов |
| 2015 | Вакантна жизнь шеф-повара | Андрей | Рустам Ильясов |
| 2016 | Чистое искусство | Андрей Стольский, Саша Гайдукова каччи, художник | Ренат Давлетьяров |
| 2016 | Ледокол | Андрей Николаевич Петров, «Михаил Громов» ледокол капитанӗ | Николай Хомерики |
| 2016 | Дуэлянт | Яковлев / Колычев, бретёр, отставкӑри офицер, подпоручик[1] | Алексей Мизгирёв |
| 2016 | Город | Родион Стоцкий, милици оперуполномоченнӑйӗ[7] | Дмитрий Константинов, Юрий Трофимов |
| 2017 | Территория | Андрей, полици оперуполномоченнӑйӗ | Вано Бурдули |
| 2017 | Приключения чокнутого профессора | Максим Минаев, ӑсчах | Олег Асадулин |
| 2017 | Вы все меня бесите! | Кирилл Витальевич, редактор | Олег Фомин |
| 2018 | Гурзуф | Родион Стоцкий | Дмитрий Константинов |
| 2018 | Ёлки последние | Николай Кравчук, Настя ашшӗ | Тимур Бекмамбетов, Егор Баранов, Анна Пармас, Александр Котт |
| 2019 | Аванпост | Юрий | Егор Баранов |
| 2020 | Спутник | Константин Вешняков | Егор Абраменко |
| 2020 | Перевал Дятлова | Олег Костин, КГБ майорӗ | Валерий Федорович, Евгений Никишов, Павел Костомаров, Степан Гордеев |
| 2021 | Лётчик | Николай Комлев лётчик, (прототип — Алексей Маресьев) |
Ренат Давлетьяров |
| 2022 | Идентификация | Зоман | Владлена Санду |
| 2022 | Год культуры 2 | Никита Орловский | Тито Калатозишвили |
| 2023 | Ласт квест | Олег | Пётр Фёдоров |
| 2025 | Туда | Вадим | Иван Петухов |
Харпӑр пурнӑҫӗ
2003 ҫулта Раҫҫей моделӗпе Анастасия Ивановӑпа тӗл пулма пуҫланӑ. 2015 ҫулта ҫурт туяннӑ, унта мӑшӑр темиҫе ҫул пӗрле пурӑннӑ. 2017 ҫулта гражданла мӑшӑрланура 14 ҫул пурӑннӑ хыҫҫӑн мӑшӑр арканнӑ[8].
2018 ҫулта Instagram-ри хӑйӗн страницинче «Топ-модель по-русски» шоуна хутшӑннӑ Анна Соколовӑпа пӗрле фото вырнаҫтарнӑ[9].
Ӑнлантарусем
- ^ 1, 2, 3 Марина Кузнецова. Пётр Фёдоров: «Боюсь эффекта родственника — когда твоё лицо становится знакомым каждому». — Актёр рассказал о своём пути в профессии, значении штампа в паспорте и премьере картины «Дуэлянт». , Wayback Machine çинчи 2017 ҫулхи утӑн 11-мӗшӗнчи копийӗ // tele.ru (22 сентября 2016 года)
- ^ Архив. Галерея выпускников. 2000-е годы. , Wayback Machine çинчи 2020 ҫулхи нарӑсӑн 25-мӗшӗнчи копийӗ Официальный сайт Театрального института имени Б. В. Щукина // htvs.ru
- ^ Премьера альбома Race to Space «Is This Home?» Пӑхнӑ кун: 2021 ҫулхи утӑн 9-мӗшӗ. Архивланӑ 2019 ҫулхи нарӑсӑн 28-мӗшӗ.
- ^ Российский фильм "Аванпост" стал лидером онлайн-проката во Франции. ТАСС. Пӑхнӑ кун: 2020 ҫулхи авӑнӑн 27-мӗшӗ. Архивланӑ 2020 ҫулхи авӑнӑн 27-мӗшӗ.
- ^ Okko рассказал о новинках ноября (англ.). www.kinometro.ru. Пӑхнӑ кун: 2025 ҫулхи юпан 31-мӗшӗ.
- ^ Туда (2025)(паллӑ мар). Пӑхнӑ кун: 2025 ҫулхи юпан 31-мӗшӗ.
- ^ Игорь Карев. Криминал в небольшом городе. — Первый канал покажет сериал «Город» с Петром Фёдоровым. , Wayback Machine çинчи 2017 ҫулхи утӑн 11-мӗшӗнчи копийӗ // gazeta.ru (3 июля 2017 года)
- ^ Петр Федоров бросил гражданскую жену ради участницы шоу «Топ-модель по-русски». Тӗрӗсленӗ: 2025 ҫулхи юпан 31-мӗшӗ.
- ^ Петр Федоров рассекретил роман с участницей шоу «Топ-модель по-русски». Тӗрӗсленӗ: 2025 ҫулхи юпан 31-мӗшӗ.
Каҫӑсем
- Пётр Петрович Фёдоров. Биография, фильмография, фотографии актёра. // ruskino.ru
- Пётр Петрович Фёдоров, актёр. Биография. Сайт «Актёры советского и российского кино» // rusactors.ru
Темӑпа ҫыхӑннисем
 | ||||
|---|---|---|---|---|
| ||||
