Чадов Алексей Александрович
Чадов Алексей Александрович (ҫур. 1981 ҫулхи авӑнӑн 2-мӗшӗ, Солнцево[d], Мускав облаҫӗ) — Раҫҫей театрпа кино актёрӗ, кинорежиссёр. Андрей Чадов актёрӑн шӑллӗ.
Пурнӑҫӗпе ӗҫӗ-хӗлӗ
1981 ҫулхи авӑнӑн 2-мӗшӗнче Мускав облаҫӗнчи Солнцево хулинче (1984 ҫулхи ҫу уйӑхӗнче Солнцево хула Мускав шутне кӗнӗ) ҫуралнӑ[1].
Алексейпе унӑн пиччӗшне Андрея амӑшӗ Галина Петровна, инженер, пӑхса ӳстернӗ. Ашшӗ, Александр, стройкӑра ӗҫленӗ вӑхӑтра инкеке пула пуҫ хунӑ — Алексей ун чухне пиллӗкре пулнӑ[1].
Шкул ҫулӗсенче пӗртӑвансем Солнцевӑри ача-пӑча театр студийӗнче ӑсталӑха туптанӑ. Сцена ҫинче Алексейӗн пӗрремӗш ролӗ — Евгений Шварцӑн «Хӗрлӗ калпак» пьеси тӑрӑх лартнӑ спектакльти мулкач. Ҫак театр ӗҫӗшӗн «Лауреат» парнине илме тивӗҫнӗ, ҫаплах ӑна Антальяна канма кайма путёвка парса чысланӑ[1].
Мускаври 1009-мӗш вӑтам шкул пӗтерсен Алексей Чадов Мускаври Щепкин театр училищине вӗренме кӗнӗ. Иккӗмӗш курсран ун ҫумне пиччӗшӗ Андрей хутшӑннӑ, вӑл Щукин ячӗллӗ театр училищинчен куҫса килнӗ.
2003 ҫулта Алексейпе Андрей Чадовсем Мускаври Раҫҫей патшалӑх академи Кӗҫӗн театрӗ ҫумӗнчи М. С. Щепкин ячӗллӗ Аслӑ театр училищин (институчӗн)(выр.)чăв. актёр факультетӗнчен (Николай Николаевич Афонин, Владимир Прохорович Селезнёв курсӗ) вӗренсе тухнӑ[2].
Карьера
Кинокарьерӑна студент ҫулӗсенче пуҫланӑ[1]. Вӑл ӳкерӗннӗ пӗрремӗш фильм Алексей Балабанов(выр.)чăв. режиссёрӑн «Война» (2002) пулса тӑнӑ[1]. Ҫак ҫар драминчи Иван Ермаков сержант ролӗшӗн Монреальти (Канада) Тӗнчери кинофестиваль парнине «Чи лайӑх актёр» номинацире тивӗҫнӗ[1]. Часах Хӗрлӗ ҫар рядовойӗн Николай Малаховӑн ролӗнче «На безымянной высоте» (2004) тӑватӑ сериллӗ илемлӗ фильмра ӳкерӗннӗ. 2004 ҫулта Андрей Прошкинӑн «Игры мотыльков» драми тухнӑ, унта Алексей Чадов Костя Зотиковӑн тӗп рольне вылянӑ. Ҫак ӗҫшӗн «Чи лайӑх арҫын ролӗшӗн» номинацире «Московская премьера» Мускаври 2-мӗш тӑван кино фестивалӗнче куракансен парнине[3] тата Бердянскри (Украина) VII Пӗтӗм тӗнчери «Бригантина» кинофестивалӗнче ятарлӑ парнене тивӗҫнӗ.
Ҫак ҫулах Балабанов «Американец» илемлӗ фильм ӳкерме пуҫланӑ, унти тӗп рольсене Майкл Бинпа Алексей Чадов вылямалла пулнӑ. Картинӑн чылай эпизодне Иркутскра ӳкернӗ, анчах Норильскра Майкл Бин вӑрахлаха ӗҫке ерсе кайнӑ та ӳкерме чарӑннӑ. Фильмпа ӗҫлеме пӑрахнӑ[4].
2004 ҫулта Алексей Чадов Тимур Бекмамбетов(выр.)чăв. «Ночной дозор» блокбастерӗнче Костя Саушкин вампир сӑнарне калӑпланӑ. 2005 ҫулта ҫак сӑнар фильмӑн тӑсӑмӗнче — «Дневной дозор» — те пур.
2005 ҫулта Александр Велединский Алексей Чадова «Живой» (2006) картинӑна Пересвет священникӗн рольне выляма чӗннӗ. Алексей пӗрремӗш хут Чечняри ҫапӑҫусенчен урасӑр таврӑннӑ Кир (Сергей) контрактник-салтак рольне вылянӑ пиччӗшӗпе пӗрле ӳкерӗннӗ[1].
«9 рота» (2005), «Жара» (2006), «Любовь в большом городе» (2009) кинокартинӑсенче хутшӑннӑ[1].
2017 ҫулхи нарӑс уйӑхӗнче «НТВ» телеканалпа эфира тухнӑ «Дело чести» (2014) драма сериалӗнче Чадовсем ашшӗ-амӑшӗшӗн тавӑракан тӑванӗсен ролӗсенче каллех пӗрле ӳкерӗннӗ, анчах пӗртӑвансем-сӑнарсем тӗрлӗ ҫул суйлаҫҫӗ: пӗри криминала каять, тепри — правӑна сыхлакан органсене[5].
2018 ҫулта Чадов «Улётный экипаж» камит телесериалӗнче Алексей Кулагин рольне калӑпланӑ.
2020 ҫулта Егор Барановӑн(выр.)чăв. «Аванпост» фильмӗ тухнӑ, унта Чадов тӗп рольсенчен пӗрне калӑпланӑ[6].
2020 ҫулхи ҫулла «Джон» илемлӗ фильм (каярах «Своя война» ят ҫирӗплетнӗ)[7] ӳкерме пуҫланӑ, унта Чадов сценари авторӗ тата режиссёр, ку статуссенче — пӗрремӗш хут. Картина продюсерӗ — Сергей Сельянов[8].
2025 ҫулта «Камбэк» сериалта тӗп рольсенчен пӗрне вылянӑ. Ҫулталӑк вӗҫӗнче проекта 2026 ҫул валли палӑртнӑ иккӗмӗш сезона тӑсни паллӑ пулнӑ[9].
Общество ӗҫӗ-хӗлӗ
2012 ҫулхи нарӑсӑн 6-мӗшӗнче Алексей Чадова РФ ЦИКӗ Раҫҫей Федерацийӗн Президенчӗн Владимир Владимирович Путин кандидатӑн шаннӑ ҫынни тесе официаллӑ майпа регистрациленӗ[10].
Темиҫе вӑрҫӑ фильмӗнче ӳкерӗннӗ актёр Донбасра пурӑнакансем валли гуманитари пулӑшӑвӗ пухас ӗҫе хутшӑнать[11].
Харпӑр пурнӑҫ
2006—2009 ҫулсенче Алексей Чадов Агния Дитковските (1988, ҫу, 11, Вильнюс) актрисӑпа ҫыхӑнура тӑнӑ. Ӑна «Жара» (2006) фильмпа ӗҫленӗ чухне тӗлпулнӑ. Темиҫе ҫул иртсен, «Дело чести» сериал ӳкернӗ ҫӗрте (2014) вӗсем каллех тӗлпулма пуҫланӑ, 2012 ҫулхи ҫурла уйӑхӗн вӗҫӗнче мӑшӑрланнӑ. Вӗсен ывӑлӗ Фёдор Чадов 2014 ҫулхи ҫӗртмен 5-мӗшӗнче ҫуралнӑ. 2015 ҫулхи утӑ уйӑхӗнче мӑшӑр уйрӑлнӑ.
2023 ҫулхи раштав уйӑхӗнче Лейсан Галимовӑна качча илнӗ, унпа 2017 ҫултанпа тӗл пулнӑ. Вӑл — йогӑпа медитаци енӗпе вӗрентекен. 2024 ҫулхи авӑн уйӑхӗнче вӗсен Айя ятлӑ хӗр ҫуралнӑ[12].
Пӗртӑвансем
Андрей Чадов(выр.)чăв. – Алексейӗн пиччӗшӗ, ҫавӑн пекех ӑнӑҫлӑ актёр. Пӗртӑвансем пултарулӑхра тупӑшнӑран, пӗр хӗре юратса пӑрахнӑран чылай вӑхӑт хушши хутшӑнман. Алексей мирлешме пӗрремӗш утӑм тунӑ, вӑл каланӑ тӑрӑх, Турра ӗненни те ҫывӑхланма пулӑшнӑ. Пӗртӑвансем — Турра ӗненекен ҫынсем[13].
Пӑтӑрмах
2023 ҫулта Чадовпа унӑн ҫывӑх тусӗ Максим Боев продюсер хушшинче хирӗҫӳ тухнӑ. Сӑлтавӗ – «За Палыча!» фильм. Фильм ӑнӑҫлӑ пулса тухнӑ, прокатра 3,3 млн доллар ытла пухнӑ[14]. Чадов фильмӑн концепцийӗпе сценарийӗшӗн яваплӑ пулнӑ, анчах гонорар илеймен. Ҫапах та Боев ӗҫтешӗ обязательствӑсене пурнӑҫламан тесе суда панӑ, Чадов хирӗҫ ҫырса панӑ. Юлашкинчен суд Чадовӑн пӗтӗмлетӗвӗсене витӗмлӗ тесе шутланӑ та ӑна 74 млн тенкӗ тӳлемелле йышӑннӑ[15].
Фильмографи
Актёр
| Ҫул | Ят | Сӑнар | |
|---|---|---|---|
| 2002 | ф | Война | Иван Ермаков, сержант |
| 2004 | ф | Игры мотыльков | Костя Зотиков, пуҫлакан музыкант |
| 2004 | с | На безымянной высоте | Николай Малахов, Хӗрлӗ ҫар рядовойӗ, разведчик |
| 2004 | ф | Ночной дозор | Костя Саушкин, вампир, Антон Городецкийӗн кӳрши |
| 2004 | ф | 32 декабря | Антон / Сергей Петрович (ҫамрӑк чух) |
| 2004 | ф | Американец | Алексей Болотов, Ҫӗпӗрти тӗрмерен тарнӑскер, Катя Болотован пиччӗшӗ |
| 2005 | ф | Второй фронт | Быков |
| 2005 | ф | 9 рота | Владимир Воробьёв («Воробей»), рядовой |
| 2005 | ф | Дневной дозор | Костя Саушкин, вампир, Антон Городецкийӗн кӳрши |
| 2006 | ф | Серко | Дмитрий Пешков, вырӑс ҫулҫӳревҫи, Серко лаша хуҫи |
| 2006 | ф | Граф Монтенегро | Андрей Телешев |
| 2006 | ф | Живой | Пересвет, священник |
| 2006 | ф | Жара | Алексей Нахимов, моряк, хӗсметрен таврӑннӑскер |
| 2007 | ф | Оранжевая любовь | Роман, корреспондент |
| 2007 | ф | Слуга государев | Энжи |
| 2008 | ф | Стритрейсеры | Степан Мохов, стритрейсер |
| 2008 | ф | Мираж | Миша |
| 2008 | ф | Танец горностая | Александр Бережной, капитан |
| 2008 | ф | Валерий Харламов. Дополнительное время | Валерий Борисович Харламов, совет хоккеисчӗ |
| 2009 | ф | Любовь в большом городе | Артём Исаев |
| 2010 | ф | Любовь в большом городе 2 | Артём Исаев |
| 2010 | ф | Ирония любви | Иван, массажист |
| 2011 | ф | Slove. Прямо в сердце | Алексей Романович Ронин, аслӑ лейтенант, «Slove» агент |
| 2011 | ф | Мой любимый раздолбай | Миша (Михаил Анатольевич) Воробьёв, Сергейӗн «репетиторӗ» |
| 2011 | с | Двойная сплошная. Любовь
(новелла «Полоса») |
Алексей |
| 2013 | ф | Любовь в большом городе 3 | Артём Исаев |
| 2014 | с | Дело чести[5] | Иван Петрович Назаров |
| 2014 | ф | Чемпионы | Илья Валерьевич Ковальчук, хоккеист |
| 2014 | ф | Ч/Б | Ярослав Коренев |
| 2014 | ф | Вий | Петрусь |
| 2016 | ф | Молот | Виктор Строев («Молот»), ҫапӑҫуҫӑ |
| 2016 | ф | Танкист | Андрей Градов, танк ҫарӗсен офицер |
| 2016 | ф | Любовь с ограничениями | Алексей Викторович |
| 2017 | ф | О любви[16] | Александр Валентинович Сазонов, лингвистика докторӗ |
| 2017 | с | Мёртв на 99% | Артём Викторович Артов, архитектор |
| 2017 | с | Оперетта капитана Крутова | Денис Александрович Калугин, актёр |
| 2018 | с | Улётный экипаж | Алексей Кулагин, пилот, экипаж командирӗ |
| 2018 | с | Четвёртая смена | Данила Четков |
| 2019 | ф | Аванпост | Олег |
| 2019 | ф | Успех | Юрий Талисман, музыка продюсерӗ |
| 2020 | с | Игра на выживание | хӑйне хӑй вылянӑ |
| 2020 | с | Аванпост | Олег Озёрин |
| 2021 | с | Московский роман | Юрий Тычкин |
| 2021 | ф | Красные пророчества | Антон Зацепин |
| 2021 | ф | Своя война | Иван |
| 2023 | с | Соседка | Серёга, Алёнан малтанхи упӑшки |
| 2024 | ф | Водитель-олигарх | Антон |
| 2025 | с | Камбэк | Дрон |
Режиссёр
- 2021 — Своя война;
- 2025 — (Не)искусственный интеллект.
Сасӑлани
- 2007 — Комната потерянных игрушек — кадр хыҫӗнчи текст;
- 2010 — 127 часов — Арон Ралстон (Джеймс Франко);
- 2011 — Восстание планеты обезьян — Уилл Родман (Джеймс Франко)[17].
Телекураври ӗҫ
- 2007 — «PRO-Кино» («Муз-ТВ» телеканал);
- 2018 — «Союзники» («СТС» телеканал);
- 2022 — «Фактор страха» («СТС» телеканал).
Клипсенчи рольсем
- 2016 — «Он и Она» (Валерия feat. Алексей Глызин);
- 2017 — «Пьяная» (Наталья Гордиенко).
Хисепӗсем
- 2003 — Монреальти (Канада) Тӗнчери кинофестивалӗн парни, «Чи лайӑх актёр» номинацире — «Война» (2002) фильмри Иван Ермаков сержант ролӗшӗн[1];
- 2004 — Бердянскри (Украина) VII Пӗтӗм тӗнчери «Бригантина» кинофестивалӗн «Ҫамрӑксен хальхи ыйтӑвӗсене ҫутатнӑшӑн» ятарлӑ парни — «Игры мотыльков» (2004) фильмри Костя Зотиков сӑнарӗшӗн;
- 2004 — «Московская премьера» Мускаври 2-мӗш тӑван кино фестивалӗн «Чи лайӑх арҫын ролӗшӗн» номинацире куракансен парни — «Игры мотыльков» (2004) фильмри Костя Зотиков сӑнарӗшӗн[3];
- 2006 — «Кинонаграда MTV Россия» парне «Чи лайӑх арҫын ролӗ» номинацире — «9 рота» (2005) фильмри Владимир Воробьёв (Ҫерҫи) сӑнарӗшӗн[18];
- 2006 — Благовещенскри «Амурская осень» кинопа театрӑн IV уҫӑ фестивалӗн «Чи лайӑх арҫын актёр ансамблӗ» номинацире парни (Алексей Чадов, Андрей Чадов, Максим Лагашкин, Владимир Епифанцев) — «Живой» (2006) фильмри рольсемшӗн[19][20].
Ӑнлантарусем
- ^ 1, 2, 3, 4, 5, 6, 7, 8, 9 Алексей Чадов. Биография (выр.). // cosmo.ru. Пӑхнӑ кун: 2011 ҫулхи авӑнӑн 22-мӗшӗ. Архивланӑ 2012 ҫулхи ҫӑвӑн 8-мӗшӗ.
- ^ Чадов Алексей Александрович. В 2003 году окончил ВТУ имени М. С. Щепкина (западный округ, курс Н. Афонина, В. Селезнёва). Официальный сайт Высшего театрального училища (института) имени М. С. Щепкина при Государственном академическом Малом театре России (Москва) // shepkinskoe.ru
- ^ 1, 2 Призы 2-го Московского фестиваля отечественного кино «Московская премьера» (27 августа — 5 сентября 2004 года). Официальный сайт Московского фестиваля отечественного кино «Московская премьера» // mospremiera.com. Пӑхнӑ кун: 2014 ҫулхи ҫӑвӑн 29-мӗшӗ. оригиналтан архивланӑ 2014 ҫулхи ҫӑвӑн 30-мӗшӗ.
- ^ Елена Ковалёва. Полис кадровой защиты. // Журнал «Коммерсантъ-Деньги». — 2008. — Вып. 21. — .
- ^ 1, 2 ВИДЕО. Драматический телесериал «Дело чести» (Россия, 2014 год, 16 серий). Официальный сайт телеканала «НТВ» // ntv.ru (февраль 2017 года)
- ^ Российский фильм "Аванпост" стал лидером онлайн-проката во Франции. ТАСС. Пӑхнӑ кун: 2020 ҫулхи авӑнӑн 27-мӗшӗ.
- ^ Появился трейлер фильма Алексея Чадова "Своя война". Российская газета. Пӑхнӑ кун: 2021 ҫулхи юпан 19-мӗшӗ.
- ^ Артур Чачелов. «СТВ» начала съемки дебютного фильма Алексея Чадова «Джон» (выр.). Бюллетень кинопрокатчика (30 утӑн 2020). Пӑхнӑ кун: 2021 ҫулхи ҫурлан 31-мӗшӗ.
- ^ Сериал «Камбэк» продлили на второй сезон | | SRSLY.RU (выр.). srsly.ru. Пӑхнӑ кун: 2025 ҫулхи раштавӑн 8-мӗшӗ.
- ^ Постановление ЦИК РФ № 96/767-6 от 6 февраля 2012 года «О регистрации доверенных лиц кандидата на должность Президента Российской Федерации Владимира Владимировича Путина». Официальный сайт Центральной избирательной комиссии Российской Федерации (ЦИК РФ) // cikrf.ru
- ^ Суд на 74 млн, личная жизнь, помощь Донбассу: где сейчас Алексей Чадов (2025-07-30). Тӗрӗсленӗ: 2025 ҫулхи раштавӑн 10-мӗшӗ.
- ^ Жураковская, Дарья. История любви Алексея Чадова и Лейсан Галимовой: сколько лет вместе, когда поженились, общие дети, кто бывшая жена Алексея Чадова, совместные фото (2025-09-02). Тӗрӗсленӗ: 2025 ҫулхи раштавӑн 10-мӗшӗ.
- ^ Алексей Чадов: биография, личная жизнь, карьера, последние новости, где сейчас. Тӗрӗсленӗ: 2025 ҫулхи раштавӑн 10-мӗшӗ.
- ^ За Палыча! (2023). Пӑхнӑ кун: 2025 ҫулхи раштавӑн 10-мӗшӗ.
- ^ «Мы заслужили эту победу»: Алексей Чадов отсудил 74 миллиона у бывшего друга (2025-08-12). Тӗрӗсленӗ: 2025 ҫулхи раштавӑн 10-мӗшӗ.
- ^ Кристина Манжула. Алексей Чадов: «Для безумия ради влюблённости я уже взрослый». — 23 марта 2017 года на российские экраны выйдет картина Владимира Бортко «О любви», в которой Алексей Чадов исполнил одну из главных ролей вместе с Аней Чиповской и Дмитрием Певцовым. Информационный портал для профессионалов кинобизнеса «Профисинема» // proficinema.ru (6 февраля 2017 года)
- ^ «Ранеты»: Актёр Дмитрий Филимонов об озвучании зарубежных кинолент
- ^ Названы обладатели премии «Кинонаграды MTV Россия». // ruskino.ru (23 апреля 2006 года)
- ^ IV Открытый фестиваль кино и театра «Амурская осень» в Благовещенске. Награды фестиваля 2006 года. // амурская-осень.рф
- ^ Стали известны все победители «Амурской осени». // amur.info (28 сентября 2006 года)
Каҫӑсем
- Алексей Чадов. «Россия-1— телеканалӑн официаллӑ сайчӗ
- Алексей Чадов. Биография (выр.). // cosmo.ru. Пӑхнӑ кун: 2011 ҫулхи авӑнӑн 22-мӗшӗ. Архивланӑ 2012 ҫулхи ҫӑвӑн 8-мӗшӗ.