Ҫамрӑксен кунӗ (Раҫҫей)

	Уяв
	Ҫамрӑксен кунӗ
Тӗсӗ	Официаллӑ уяв
Урӑхла	Раҫҫей ҫамрӑкӗсен кунӗ, Ҫамрӑксен кунӗ
Ҫирӗплетнӗ	1993, ҫӗртме, 27
Палӑртаҫҫӗ	кашни ҫул
Кун	ҫӗртме, 27
	РУВИКИ.Медиа ҫинчи материалсем

Ҫамрӑксен кунӗ (Раҫҫей) — ҫамрӑксен наци уявӗ, 1993 ҫултанпа Раҫҫей Федерацийӗнче ҫулсерен, ҫулла, ҫӗртме уйӑхӗн 27-мӗшӗнче^[1] паллӑ тунӑ, 2023 ҫултанпа Раҫҫей Федераци Президенчӗн Владимир Путинӑн ҫу уйӑхӗн 2-мӗшӗнчи 132-рп № «Ҫамрӑксен кунӗ ҫинчен» хушӑвӗпе ҫӗртме уйӑхӗн юлашки шӑматкунне куҫарнӑ^[2].

Уяв историйӗ

Ҫак уявӑн кун-ҫулӗ 1958 ҫулхи нарӑсӑн 7-мӗшӗнче Совет Союзӗнче пуҫланнӑ, ун чухне СССР Аслӑ Канашӗн Президиумӗн «Совет ҫамрӑкӗсен кунне йӗркелесси ҫинчен» Хушӑвӗпе «Совет ҫамрӑкӗсен кунне» йӗркеленӗ, ӑна ҫӗртме уйӑхӗн юлашки вырсарникунӗнче палӑртнӑ^[3].

1993 ҫулхи ҫӗртмен 24-мӗшӗнче, СССР арканнӑ хыҫҫӑн вӑхӑт нумаях иртмен чухне, Раҫҫей Федерацинчи ҫамрӑксен ӗҫӗсен патшалӑх комитечӗ тата Раҫҫейри ҫамрӑксемпе ача-пӑчасен пӗрлешӗвӗсен Наци Канашӗ сӗннипе пӗрремӗш Раҫҫей президенчӗ Б. Н. Ельцин «Ҫамрӑксен кунне уявласси ҫинчен» 459-рп № хушу кӑларнӑ, унпа килӗшӳллӗн уява ҫӗртмен 27-мӗшӗнче паллӑ тума палӑртнӑ пулнӑ. Раҫҫей патшалӑхӗн пуҫлӑхӗ ҫавӑн пекех ҫапла хушнӑ:

«Раҫҫей Федерацийӗн шутне кӗрекен республикӑсен, крайсен, облаҫсен, автономи йӗркеленӗвӗсен, Мускавпа Санкт-Петербург хулисен ӗҫ тӑвакан органӗсен ҫамрӑксен кунне уявланине халалланӑ тӗл пулусем, концертсем, куравсем ирттерессине, ҫамрӑксен пултарулӑх коллективӗсем хӑйсен ӑсталӑхне кӑтартмашкӑн май туса парассине тата ытти акцисем ирттерессине йӗркелемелле… Раҫҫей Мининформпичетӗн ҫамрӑксен кунне уявланине массӑллӑ информаци хатӗрӗсенче анлӑн ҫутатакан мероприятисене хатӗрлесе пурнӑҫа кӗрмелле… Пӗтӗм Раҫҫейри патшалӑх телевиденипе радиовещани компанийӗн «Раҫҫей» канал урлӑ уяв мероприятийӗсене пурне те анлӑн ҫутатмалла^[4].

Уяв датине Борис Ельцин ҫӗртмен 27-мӗшне куҫарнӑ пулин те, хӑш-пӗр хуласенче тӗп мероприятисене ҫавах «малтанхи пекех» ҫӗртмен юлашки вырсарникунӗнче ирттереҫҫӗ, сӑлтавӗ — ҫӗртмен 27-мӗшӗнче час-часах, ҫулталӑка кура, ӗҫ кунӗ шутланать, канмалли куна лекмест. Ҫак кун Раҫҫейӗпех уяв мероприятийӗсем, концертсем, викторинӑсем, спорт ӑмӑртӑвӗсем, дискотекӑсем, конкурссем иртеҫҫӗ, халӑх уҫӑ сывлӑш синче уҫӑлса ҫӳрет, канать.

Ҫӗртмен 27-мӗшӗнче, Раҫҫейпе пӗрлех, Ҫамрӑксен кунне Кӑнтӑр Осетире те палӑртаҫҫӗ^[5].

2023 ҫултанпа уява ҫӗртме уйӑхӗн юлашки шӑматкунне куҫарнӑ.

Ӑнлантарусем

[1] День молодежи в 2023 году: история и традиции праздника

[2] Распоряжение Президента Российской Федерации от 02.05.2023 № 132-рп «О Дне молодежи»

[3] Ҫамрӑксен кунӗ (Раҫҫей) — ПСЭ

[4] Распоряжение Президента Российской Федерации от 24.06.1993 г. № 459-рп

[5] День молодежи: праздник юности и молодости

[1]

[2]

[3]

[4]

[5]