Ҫатра-Лапсар тӗп шкулӗ
Ҫатра-Лапсар тӗп шкулӗ — Шупашкар районӗнчи Ҫатракасси ялӗнче (Лапсар ял тӑрӑхӗ) вырнаҫнӑ тӗп шкул.
Адресӗ: Шупашкар районӗ, Ҫатракасси ялӗ, Шкул урамӗ, 9А ҫурт[1].
Директор: Наумов Тимофей Евгеньевич
Историйӗ
Шкула 1912 ҫулхи пуш уйӑхӗн 20-мӗшӗнче уҫнӑ[1]. Ун чухне вӑл тӑватӑ класлӑ чиркӳ прихучӗн шкулӗ пулнӑ.
1923 ҫулта шкул Ҫатракассинчи ултӑ ҫул вӗренмелли шкул пулса тӑнӑ. 1933–1958 ҫулсенче «Ҫатра-Лапсарти тулли мар вӑтам шкул» ятлӑ пулнӑ. 1959 ҫултанпа «Ҫатра-Лапсарти сакӑр ҫул вӗренмелли шкул» ятлӑ пулнӑ. Каярах каллех тулли мар вӑтам шкул пулса тӑнӑ, хальхи вӑхӑтра пӗтӗмӗшле пӗлӳ паракан тӗп шкул шутланать.
Вӑрҫа ҫулӗсенче шкул ачисем хастар ӗҫленӗ. Тӗслӗхрен, 1941–1942 ҫулсенче вӗсем 36 сысна ҫури, 24 пӑру, 14 тиха, 51 путек пӑхса ӳстерме шантарнӑ[2].
2013-2014 вӗренӳ ҫулӗнче шкулта 48 ача вӗреннӗ[3].
Паллӑ вӗренекенӗсем
Шкултан вӗренсе тухнӑ:
- Александрова Елена Викторовна (1937 ҫ.ҫ.) — ветеринар.
- Иванов-Орков Геннадий Николаевич (1953 ҫ.ҫ.) — чӑваш наци тумӗн тепчевҫи.
- Кудрявцев Илья Фёдорович (1908–1968) — скульптор.
- Плотников Николай Алексеевич (1977 ҫ.ҫ.) — «Чӑваш халӑх сайчӗ» кӑларӑмӑн тӗп редакторӗ;
- Смирнова Анна Филипповна (1918—?) — Шупашкар районӗнчи ВЛКСМ пӗрремӗш секретарӗ;
- Фёдоров Афанасий Фёдорович (1923—?) — Тӑван Ҫӗршывӑн Аслӑ вӑрҫине хутшӑннӑскер.
- Фёдорова Любовь Владимировна (1951 ҫ.ҫ.) — Чӑваш Республикин халӑх артисчӗ.
Хальхи вӑхӑтра
Шкул пӗр хутлӑ кирпӗч ҫуртра (1967 ҫулта хута янӑ) вырнаҫнӑ. Шкулта 10 класс пӳлӗмӗ вырнаҫнӑ, ҫавӑн пекех спорт залӗ, стадион, спорт хатӗр-хӗтӗрӗсем вырнаҫтарнӑ спорт лапамӗ, 1 компьютер кабинечӗ пур. Вӗренӳ процесне тивӗҫлӗ шайра ирттермешкӗн шкулта 16 компьютер, 1 ноутбук, 8 принтер, 4 мультимеди проекторӗ пур[4].
Шкула тӗнче тетелӗпе ҫыхӑнтарнӑ[4].
Шкулӑн ҫавӑн пекех вулавӑш та пур, унта пурӗ 6283 кӗнеке вырнаҫнӑ[4].
Вӗренекен ачасене вӗри апатпа тивӗҫтереҫҫӗ. Ку енӗпе «Атлашевски» агрофирма» ТМЯП-па килӗшӳ тунӑ. Шкулта 14 ача ҫимелӗх столовӑй пур, унӑн лаптӑкӗ — 29 тӑваткал метр[5].
Таврапӗлӳ музейӗ
Шкулта таврапӗлӳ музейӗ вырнаҫнӑ. Ӑна 1987 ҫулта уҫнӑ. Музее хатӗрлекенӗ — Иванов Николай Иванович (1921–1981). Вӑл шкула уҫнӑ Семёнов Михаил Семёнович пурӑннӑ пӳлӗмре вырнаҫнӑ. Музей шкул пирки, ҫывӑхри ялсенчи колхозсем ҫинчен, Тӑван Ҫӗршывӑн Аслӑ вӑрҫи пирки тата ытти тематикӑпа паллаштарать[6].
Николай Иванович хыҫҫӑн музей ӗҫне Михайлов И.М., Терентьева Тамара Григорьевна, Фёдорова Анан Ивановна, Трофимова Тамара Ивановна, Иванова Светлана Юрьевна малалла тӑснӑ[6].
Музейра пурӗ 298 япала пур, вӗсенчен сӑн-сӑнскеррисем — 240. Ҫав шутра патшалӑх музейӗнче регистрациленмелли — 1 экспонат[6].
Музея уҫнӑранпа кунта 7,5 пин ҫын килсе курнӑ[6].
Сӑнсен пуххи
Ӑнлантарусем
- ^ 1, 2 Основные сведения (выр.). МБОУ "Сятра-Лапсарская ООШ".
- ^ Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 111. — 505 с.
- ^ Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 381. — 505 с.
- ^ 1, 2, 3 Материально-техническое обеспечение и оснащенность образовательного процесса (выр.). МБОУ "Сятра-Лапсарская ООШ".
- ^ Организация питания (выр.). МБОУ "Сятра-Лапсарская ООШ".
- ^ 1, 2, 3, 4 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 453. — 505 с.
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 381. — 505 с.
Каҫӑсем
Темӑпа ҫыхӑннисем
 |
|---|
