Алексеев Михаил Алексеевич (актёр)

Михаил Алексеевич Алексеев
Ӳкерчĕк:М. А. Алексеев (актёр).jpg
Ҫуралнӑ	1917, авӑн, 24
Ҫуралнӑ вырӑн	Çĕнĕ Тинкеш ялĕ, Етӗрне уесӗ, Хусан кĕперни, Раççей республики
Вилнӗ	1995, утӑ, 13
Вилнӗ вырӑн	Шупашкар Чăваш Республики
Гражданлӑх	СССР РФ
Професси	театральный актёр
Хастар ҫулӗсем	1944-1987
Амплуа	пукане актёрĕ
Театр	Чăваш патшалăх пукане театрĕ
Наградӑсем

Михаил Алексеевич Алексеев (авӑн, 24, 1917, Çĕнĕ Тинкеш, Етӗрне уесӗ, Хусан кĕперни, Раççей республики — утӑ, 13, 1995, Шупашкар, Чăваш Республики, РФ) — совет театр актёрĕ, режиссёр, тăлмач. РСФСР тава тивӗҫлӗ артисчӗ.

Чăваш патшалăх пукане театрне никĕс хураканĕсенчен пĕри.

Биографи

1917 çулта авăнăн 24-мĕшĕнче Хусан кĕпернине кĕнĕ Етĕрне уесĕнчи Çĕнĕ Тинкеш ялĕнче çуралнă. Шкулта пĕлӳ илсен почтальон пулса ĕçленĕ. 1939 çулта Чăваш педагогика институтчĕн рабфакĕнче вĕренсе тухнă.

1940 çулта вăл кĕçĕн командирсен шкулĕнче вĕренсе тухнă, отделени командирĕ, взвод командирĕ вырăнне йышăннă. Тӑван Ҫӗршывӑн Аслӑ вӑрҫине хутшăннă.

Сцена çине 1944 çулта Чăваш патшалăх филармонийĕ çумĕнчи пуканеçĕсен бригадин актёрĕ пулса тухнă. Ăна вĕрентекенĕ — С. М. Мерзляков театр ĕçченĕ. Чăваш пукане театрĕнче 1945 çулта ĕçлеме тытăннă та 1987 çулчен тăрăшнă. С. М. Мерзляков пьесипе лартнă «Виçĕ тус-тантăш» спектаклĕнче (премьера 1945 çулта акан 15-мĕшĕнче иртнĕ) Жучка тата Кашкăр, кайранрах Хĕл Мучи ролĕсене вылянă.

30 çул ытла театрта ертӳçĕ тата режиссёр-педагог пулса ĕçленĕ. Спектакльсенче 150 ытла роле сăнарланă. 1950-60-мĕш çулсенче С. М. Мерзляков малтан лартнисене çĕнетсе кăларнă.

Чылай хушă чирленĕ хыççăн 1995 çулта утăн 13-мĕшĕнче вилнĕ.

Чысланисем

• III степеньри Мухтав орденĕ (1950);
• «Тăван Çĕршывăн 1941—1945 çулсенчи Аслă вăрçинче Германие çĕнтернĕшĕн» медаль (1945);
• I степеньри Тăван Çĕршывăн вăрçин орденĕ (1985 - юбилейпе);
• РСФСР тава тивӗҫлӗ артисчӗ (1970);
• Чăваш АССР çамрăксене тава тивĕçлĕ вĕрентекенĕ (1986);
• медальсем.

Асăрхавсем

Каçăсем

• Справка
• слайды 2020 ҫулхи чӳкӗн 7-мӗшӗнче архивланӑ.
• тут 2018 ҫулхи пушӑн 19-мӗшӗнче архивланӑ.
• тут 2020 ҫулхи чӳкӗн 8-мӗшӗнче архивланӑ.
• ещё один источник.
• был приглашён
• Биография 2018 ҫулхи раштавӑн 11-мӗшӗнче архивланӑ.
• Справка
• Ученик 2020 ҫулхи чӳкӗн 15-мӗшӗнче архивланӑ.
• Слава
• Справка