Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Баскакова Наталья Ивановна

Баскакова Наталья Ивановна (хӗр чухнехи хушамачӗ Ривера) ҫур. 1980 ҫулхи пушӑн 14-мӗшӗ, Колосовка[d], Омск облаçĕ) — Раҫҫейри вӗрентӳ йӗркелӳҫи, Чӑваш патшалӑх культурӑпа ӳнерсен институчӗн ректорӗ тата доценчӗ (2015 ҫултан; 2025 ҫулхи ҫӑвӑн 30-мӗшӗнче тепӗр хут суйланӑ[1]); филолог, философи ӑслӑлӑхӗсен кандидачӗ, «Пӗрлӗхлӗ Раҫҫей» партин Чӑваш Енри «Тӑван кӗтесӗн культури» общество канашӗн председателӗ[2].

Пурнӑҫӗпе кун-ҫулӗ

Ӑҫтан тухни

Наталья Ривера 1980 ҫулхи пушӑн 14-мӗшӗнче Омск облаҫӗнчи Колосовка районӗн район тӗпӗнче, Колосовка ялӗнче, пултаруллӑ ҫемьере ҫуралнӑ: ашшӗ Иван Семенович Ривера — Колосовка ялӗнче музыка вӗрентӗвӗн йӗркелӳҫи, 1974 ҫулта Колосовкӑри ача-пӑча музыка шкулне йӗркеленӗ ҫӗре хутшӑннӑ, амӑшӗ — истори вӗрентекенӗ[3] .

2002 ҫулта Омск патшалӑх педагогика университечӗн(выр.)чăв. Омск облаҫӗнчи Тара хулинчи филиалӗн филологи факультетне «Филологи» специальноҫпе вӗренсе тухнӑ, «Вырӑс чӗлхипе литературин вӗрентекенӗ» квалификаци илнӗ[4].

Омск облаҫӗнчи ӗҫӗ

Университетран вӗренсе тухнӑ хыҫҫӑн 2002 ҫултан пуҫласа 2003 ҫулччен хӑй ӑс пухнӑ аслӑ шкулта вырӑс чӗлхи кафедринче лаборант пулса ӗҫленӗ. 2003 ҫултан пуҫласа 2006 ҫулччен Омск патшалӑх педагогика университечӗн куҫӑн майпа вӗренмелли уйрӑмӑн аспиранчӗ пулнӑ (Павел Флоренский, интеллигенципе революци ҫинчен диссертаци ҫырнӑ); Омск университечӗн Тарӑри филиалӗнче — истори, вырӑнти колледжра философи вӗрентнӗ.

Ҫав вӑхӑтра Наталья калавсем, пьесӑсем, сӑвӑсем ҫырнӑ, аслӑ йӑмӑкӗпе (вӗрентекен) тата икӗ кушакпа университет общежитийӗнче пурӑннӑ. Режиссура курсне куҫӑн мар майпа вӗренме кӗнӗ, эротика сӑнӳкерчӗкӗсемпе кӑсӑкланма тытӑннӑ. 2003 ҫултанпа Наталья Ривера Омск облаҫӗнчи Тара хулинче ӗҫлекен «хулиганла» ятлӑ «Живое общество поэтического андеграунда» пӗрлӗхӗн идеологӗ тата ертӳҫи пулнӑ (аббревиатурине кӑтартма тӑрӑшман[5]); ҫавӑн пек ятпах Наталья Ривера редактор пулнипе поэзи пуххисем сахал тиражпа пичетленнӗ (самиздат альманахӗ), унта Риверӑн сӑввисемсӗр пуҫне вырӑнти поэтсен сӑввисем пичетленнӗ (сӑмахран, Знаменское(выр.)чăв. ялӗнчи поэт тата «Дребезги» юрӑ-кӗвӗ ушкӑнӗн лидерӗ Сергей Попиков, «Вечера на Александровской» клуб пайташӗ Сергей Ковалёв тата ыттисем пичетленнӗ). 2005 ҫулччен хулара поэзи тексчӗсене ҫыракансем пӗр-пӗринпе полемика тӑвакан икӗ пӗрлӗхе пайланнӑ («Ловцы слов», унта «традиционалистсем» кӗнӗ). «Живое общество поэтического андеграунда» «хӗрӳллӗ те хаваслисене» пӗрлештернӗ, вӗсен хайлавӗсем сборник хатӗрлекен Наталья Ривера патне лекнӗ (вӑл сӑвӑсене компьютерпа наборланӑ та 15-20 экземплярпа пичетленӗ, хутпа сӑрӑ хакне кӑларас тесе вӗсене 15-20 тенкӗпе сутнӑ).

2006 ҫултан пуҫласа 2007 ҫулччен Францири Гавр хулинче вырӑс чӗлхи преподавателӗн ассистенчӗ пулнӑ, унта Федераци вӗрентӳ агентствин квотипе стажировкӑра пулнӑ. Францирен таврӑнсан 2007—2009 ҫулсенче Омск патшалӑх педагогика университечӗн Тара хулинчи филиалӗнче историпе гуманитари дисциплинисен кафедрин аслӑ вӗрентекенӗ, истори-филологи факультечӗн деканӗн воспитани енӗпе ӗҫлекен ҫумӗ пулнӑ.

2009 ҫулта Омск патшалӑх педагогика университетӗнче Н. И. Баскакова философи ӑслӑлӑхӗсен кандидачӗн ӑслӑлӑх степеньне илме «Ментальные основания поведения русской интеллигенции „Серебряного века“» темӑпа диссертаци хӳтӗленӗ. Тӗпчевӗн положенийӗсемпе кӑтартӑвӗсене 2004 ҫулта Прешов университетӗнче иртнӗ «В поисках эквивалентности II» русистсен тӗнчери ӑслӑлӑх конференцийӗнче (Прешов, Словаки) сӳтсе явнӑ.

Чӑваш патшалӑх культурӑпа ӳнерсен институтӗнче

Качча тухсан Баскакова пулса тӑнӑ. 2009 ҫулта Шупашкара куҫса кайнӑ, унта Чӑваш патшалӑх культурӑпа ӳнерсен институчӗн гуманитари тата социаллӑ-экономика дисциплинисен кафедрин доценчӗ пулса ӗҫленӗ. 2010 ҫултан пуҫласа 2013 ҫулччен Ӑсчахсен канашӗн ӑслӑлӑх секретарӗ, ҫак аслӑ шкулӑн Ҫамрӑк ӑсчахсемпе специалистсен канашӗн председателӗ пулнӑ; 2011 ҫултан пуҫласа 2012 ҫулччен — проректорӑн ӑслӑлӑх енӗпе ӗҫлекен пулӑшуҫи; 2011—2014 ҫулсенче — йышӑну комиссийӗн яваплӑ секретарӗ. 2012 ҫултан пуҫласа 2015 ҫулччен институтӑн халӑх ӳнер пултарулӑхӗн кафедрин заведующине суйланӑ.

2015 ҫулхи кӑрлачӑн 12-мӗшӗнче Чӑваш Республикин культура, национальноҫсен тата архив ӗҫӗсен министрӗ Вадим Ефимов Чӑваш патшалӑх культурӑпа ӳнерсен институчӗн коллективне Наталья Баскаковӑпа ҫӗнӗ ректор пек паллаштарнӑ[6]; 2015 ҫултан — ҫавӑн пекех институтӑн Ӑсчахсен канашӗн председателӗ. 2025 ҫулхи ҫӑвӑн 30-мӗшӗнче ӑна тепӗр хут суйланӑ.

2022 ҫулта Баскакова ертсе пынипе институт федераци программисене хастар хутшӑннӑ: аслӑ шкул «Пушкин картти» тата «Тӗп ыйтусем ҫинчен калаҫни» проектсене хутшӑннӑ, «Раҫҫейре шухӑшласа кӑларнӑ» проектпа килӗшӳллӗн Креативлӑ индустрисен шкулне йӗркелемешкӗн хатӗрленме пуҫланӑ[7][8]. 2023 ҫулта Креативлӑ индустрисен шкулӗ уҫӑлнӑ[9]. Ҫав ҫулах институт йӗркеленӗ «Этнос культури» журнал ВАК списокне кӗнӗ[10], аслӑ шкул вара специалистсене ҫӗнӗ «Музеологи тата культурӑпа ҫутҫанталӑк еткерӗн объекчӗсене сыхласси» енпе хатӗрлеме лицензи илнӗ[11].

2024 ҫулхи кӑрлач уйӑхӗнче ҫулталӑкри чи пӗлтерӗшлӗ тӗллевсем «Вокал ӳнерӗ» (магистратура), «Массӑллӑ культура представленийӗсен тата концерт программисен сасӑ режиссури», «Спектакле илемлетмелли технологи» тата «Хореографи ӳнерӗ» енсемпе лицензи илесси пулнине пӗлтернӗ[11]. Аслӑ шкулшӑн юбилейлӑ 2025 ҫулта (Институт — 25 ҫул, Культура колледжӗ 80 ҫул тултарнӑ[12]) Баскакова ертсе пынипе вӗренсе тухнисен уявӗсем, регионсен хушшинчи форум-фестиваль[13] тата пӗрремӗш курссене студентсен йышне кӗртни иртнӗ[14].

2020 ҫулхи авӑнӑн 13-мӗшӗнче «Пӗрлӗхлӗ Раҫҫей» партинчен Шупашкар хулин депутатсен пухӑвӗн VII пухӑвӗн депутачӗсен суйлавне хутшӑннӑ, анчах суйланайман[15].

Ҫемйи тата харпӑр пурнӑҫӗ

Ҫемйи

Качча тухнӑ.

Ашшӗ — Иван Семенович Ривера — Омск облаҫӗнче пурӑннӑ, унта вӑл Украина ССРӗнчен (Киев патӗнчен) куҫса килнӗ; 1974 ҫултанпа Омск облаҫӗнчи Колосовка ялӗнчи ача-пӑча музыка шкулӗн директорӗ пулнӑ; романссем юрланӑ, ӳкернӗ. Ывӑлпа икӗ хӗр ӳстернӗ. Ялта географие тата музыка теорине вӗрентнӗ арӑмӗ вилнӗ хыҫҫӑн (Ф. Сафаргалиева, Тарӑри культурӑпа ҫутӗҫ шкулӗнче 1959—1961 ҫулсенче вӗренсе тухнӑ) арӑмсӑр пурӑннӑ. 2001 ҫулта вӗлернӗ, 63 ҫулта пулнӑ.

Йӑмӑкӗ — Ривера Альфия Ивановна — Ханты-Мансийск хулинчи 21-мӗш «Теремок» ача садӗн заведующийӗн ҫумӗ (2025 ҫул тӗлне)[16][17], малтан — Омск педагогика университечӗн Тара хулинчи филиалӗн психологипе ятарлӑ (дефектологи) вӗрентӳ кафедрин аслӑ вӗрентекенӗ.

Пиччӗшӗ — Ривера Андрей Иванович, Омск облаҫӗнчи Колосовка ялӗнче пурӑнать (2021), Хурӑн хуппипе ӗҫлекен халӑх ӑсти.

Чун киленӗҫӗсем тата ҫирӗп шухӑшӗсем

«Пӗрлӗхлӗ Раҫҫей» партире тӑрать; 2021 ҫулхи ҫурла уйӑхӗнче партин регионти конференцине хутшӑннӑ. «Культурӑра ӑнсӑртран лекнӗ ҫынсем пулмалла мар» тесе ҫирӗп шухӑшлать[18].

Организацисене хутшӑнни

  • Раҫҫейри ректорсен пӗрлӗхӗн пайташӗ
  • Раҫҫейри философи пӗрлӗхӗн пайташӗ
  • Чӑваш Республикинчи аслӑ шкулсен ректорӗсен канашӗн пайташӗ
  • «Культура» наци проекчӗпе унӑн йышне кӗрекен федераци проекчӗсене пурнӑҫлассипе ҫыхӑннӑ регион проекчӗсене пурнӑҫлассипе ӗҫлекен Проект комитечӗн пайташӗ
  • Раҫҫей Федерацийӗн Культура министерстви ҫумӗнчи Раҫҫей Федерацийӗн культура тата ӳнер институчӗсен ректорӗсен Координаци канашӗн пайташӗ
  • Республикӑри «Чӑваш Енӗн пултаруллӑ ачисем» форум комиссийӗн председателӗ
  • Тӗнчери культура тата ӳнер академийӗн пайташ-корреспонденчӗ

Ӗҫӗсем

Хисепӗсем

  • «Чӑваш автономи облаҫӗ йӗркеленнӗренпе — 100 ҫул» медаль (2020)[20] — Чӑваш Республикин социаллӑ-экономика аталанӑвне, унӑн халӑхне культура, ӑс-хакӑлпа патриотизм воспитанине парассине тӳпе хывнӑшӑн тата Чӑваш Республики умӗнчи ытти тава тивӗҫлӗ ӗҫсемшӗн
  • «Карели пӗрлӗхӗ» медаль — Карели культурине упранӑшӑн тата анлӑ сарнӑшӑн
  • «Культурӑра ҫитӗнӳсем тунӑшӑн» кӑкӑр палли (Чӑваш Республики)[21]
  • Чӑваш Республикин культурипе вӗрентӗвне тӳпе хывнӑшӑн «Чӑваш Енӗн тӗсӗсем» астӑвӑм медалӗ
  • Чӑваш Республикин Пуҫлӑхӗн Тав хучӗ[21]
  • Раҫҫей Федерацийӗн Культура министрӗн Тав хучӗ[21]
  • Раҫҫей Федерацийӗн Президенчӗн Атӑлҫи федераци округӗнчи яланхи представителӗн Тав хучӗ[21]
  • Раҫҫей Федерацийӗн Ҫутӗҫ министерствин Тав хучӗ[21]
  • Раҫҫей Федерацийӗн Хӳтӗлев министерствин Тав хучӗ[21]
  • Чӑваш Республикин Культура, национальноҫсен тата архив ӗҫӗсен министерствин, Чӑваш Республикин Вӗренӳпе ҫамрӑксен политикин министерствин, Чӑваш Республикин Патшалӑх канашӗн Тав ҫырӑвӗсемпе Тав хучӗсем
  • Чӑваш Республикин Муниципаллӑ пӗрлешӳсен канашӗн грамоти
  • Чӑваш Республикин Общество палатин Тав хучӗ
  • Раҫҫейри культура ӗҫченӗсен профсоюзӗн председателӗн Тав хучӗ

Ӑнлантарусем

  1. ^ Ректор Чувашского государственного института культуры и искусств Наталья Баскакова переизбрана на новый срок. chgiki.ru. Пӑхнӑ кун: 2026 ҫулхи ҫӗртмен 3-мӗшӗ.
  2. ^ Баскакова Наталья Ивановна — Чувашский государственный институт... (2020-03-12). Тӗрӗсленӗ: 2026 ҫулхи ҫӗртмен 3-мӗшӗ.
  3. ^ Труд: Кровавый "экспромт" (выр.). trud.ru. Пӑхнӑ кун: 2026 ҫулхи ҫӗртмен 3-мӗшӗ.
  4. ^ Преподавательский состав 2024-2025 г. Кудрово. koltdshi.ru. Пӑхнӑ кун: 2026 ҫулхи ҫӗртмен 3-мӗшӗ.
  5. ^ Александр Тихонов. Город писателей
  6. ^ Руководить ЧГИКИ будет доцент этого вуза (2015-01-13). Тӗрӗсленӗ: 2026 ҫулхи ҫӗртмен 3-мӗшӗ.
  7. ^ Ректор ЧГИКИ Наталья Баскакова: «Вклад в достижение национальных целей в сфере культуры». cheboksari.bezformata.com (21 нарӑсӑн 2023). Пӑхнӑ кун: 2026 ҫулхи ҫӗртмен 3-мӗшӗ.
  8. ^ Отчет о результатах самообследования за 2022 год (pdf). ЧГИКИ. Пӑхнӑ кун: 2026 ҫулхи ҫӗртмен 3-мӗшӗ.
  9. ^ Позитивно и торжественно: в институте культуры подвели итоги 2023 года. ЧГИКИ (29 раштавӑн 2023). Пӑхнӑ кун: 2026 ҫулхи ҫӗртмен 3-мӗшӗ.
  10. ^ Институт культуры подводит итоги 2023-го и ставит задачи на 2024-й. ЧГИКИ (16 кӑрлачӑн 2024). Пӑхнӑ кун: 2026 ҫулхи ҫӗртмен 3-мӗшӗ.
  11. ^ 1, 2 Ректор института Наталья Баскакова представила отчет по итогам работы вуза за 2023 год. ЧГИКИ (15 кӑрлачӑн 2024). Пӑхнӑ кун: 2026 ҫулхи ҫӗртмен 3-мӗшӗ.
  12. ^ В добрый путь, выпускники-2025: ЧГИКИ ждёт встречи с вами! ЧГИКИ (8 утӑн 2025). Пӑхнӑ кун: 2026 ҫулхи ҫӗртмен 3-мӗшӗ.
  13. ^ 8 октября 2025 года прошел первый день Открытого межрегионального форум-фестиваля, посвященного 85-летию системы профессионального образования. Ассоциация организаций профессионального образования (8 юпан 2025). Пӑхнӑ кун: 2026 ҫулхи ҫӗртмен 3-мӗшӗ.
  14. ^ Первокурсников ЧГИКИ посвятили в студенты. ЧГИКИ (24 юпан 2025). Пӑхнӑ кун: 2026 ҫулхи ҫӗртмен 3-мӗшӗ.
  15. ^ Список депутатов 7 созыва. Чебоксарское городское Собрание депутатов. Пӑхнӑ кун: 2026 ҫулхи ҫӗртмен 3-мӗшӗ.
  16. ^ Наш коллектив. МБДОУ "Детский сад № 21 "Теремок". Пӑхнӑ кун: 2026 ҫулхи ҫӗртмен 3-мӗшӗ.
  17. ^ МБДОУ "Детский сад № 21 "Теремок". Госуслуги. Пӑхнӑ кун: 2026 ҫулхи ҫӗртмен 3-мӗшӗ.
  18. ^ Рита Кириллова. Наталья Баскакова: В культуре не должно быть случайных людей — Советская Чувашия (выр.). sovch.chuvashia.com (29 пушӑн 2016). Пӑхнӑ кун: 2026 ҫулхи ҫӗртмен 3-мӗшӗ.
  19. ^ 1, 2, 3 Отчет о результатах деятельности за 2023 год (pdf). ЧГИКИ. Пӑхнӑ кун: 2026 ҫулхи ҫӗртмен 3-мӗшӗ.
  20. ^ Календарь знаменательных и памятных дат Чувашии. 2021 год (pdf). Национальная библиотека Чувашской Республики. Пӑхнӑ кун: 2026 ҫулхи ҫӗртмен 3-мӗшӗ.
  21. ^ 1, 2, 3, 4, 5, 6 Баскакова Наталья Ивановна. Российский союз ректоров. Пӑхнӑ кун: 2026 ҫулхи ҫӗртмен 3-мӗшӗ.

Каҫӑсем

Категорисем