Омск облаçĕ

Çурçĕр енче кăнтăралла область 600 çухрăма, хĕвеланăç енчен хĕвелтухăçалла 300 çухрăма сарăлса выртать.

Тĕп юханшыв Иртыш тата унăн юпписем — Ишим, Омь, Оша, Тара.

Облаçри климат континентри: хĕлсем сивĕ, хĕвеллĕ, юрлă; çусем вара типĕ те ăшă. Кăрлач уйăхĕнчи вăтам температура — -19°С, утă уйăхĕнчи вăтам температура — +19°С. Çулталăк тăршшĕпе 300−400 мм юр-çумăр çăвать.

Облаçе пĕрремĕш хут 1822 çулта М. М. Сперанский реформи вăхăтĕнче йĕркеленĕ. Каярахпа тĕрлĕ ятсем илнĕ:

• 1854 çултанпа — Çĕпĕр кăркăсĕсен облаçĕ;
• 1868 çултанпа — Акмола облаçĕ;
• 1917 çултанпа — Омск облаçĕ;
• 1918 çултанпа — Омск кĕперни.
• 1925 çултанпа — кĕпернене пĕтерсе Çĕпĕр Ене кĕртнĕ;
• 1934 çулхи раштавăн 7-мĕшĕнче — çĕнĕрен йĕркеленĕ;

Хальхи чиккисем 1943 çултанпа тытăнса тăраççĕ.

Халăх йышĕнчен 69% хула халăхĕ шутланать. Облаçри халăхăн çурри патнелле Омск хулинче пурăнать.

• «Омск кĕпернийĕ» информациллĕ портал (выр.)