Ветлуга (юханшыв)

Ветлуга ((ту çинчи мари Вӹтлӓ; улăхри мари Вӱтла, маларах Энер^{[çăлкуç?]})) — Раççейĕн тĕп пайĕ тăрăх юхакан юханшыв, Атӑл юппи. Юханшыв Киров, Кострома, Чулхула облаçĕсем тата Мари Эл республики тăрăх юхать.

Юханшыв тăршшĕ 889 çухрăм, бассейн лаптăкĕ — 39 400 çх². Атăла юхса кĕнĕ вырăнта пĕр çеккунтра 255 м³ шыв юхать.

Ытларах енĕпе юр шывĕпе тулать. Чӳк уйăхĕн пуçламăшĕнче пăрланса ларать те ака уйăхĕнче пăртан тасалать.

[[

Юханшывăн сулахай çыранĕ çӳллĕ мар, сылтăмми вара чăнкă, 100 метр тарана çитет. Хăвăртлăхĕ пĕчĕк, кив çулĕсенчен юлнă шыв кӳлленчĕкĕсем нумай.

Юханшывăн юпписем нумай. Чи пысăккисем: Нея, Мăн Какша, Уста, Юранкă (выр. Юронга) — сулахайисем; Вохма, Люнда — сылтăм юпписем.

Юханшыв хĕрринче Шарьйăпа Ветлуга ятлă хуласем, Варнавино, Ветлужски, Хĕрлĕ Бак, Воскресенски хула евĕрлĕ посёлоксем вырнаçнă. Шупашкар шывуправне юхса кĕнĕ вырăнта Юрино хула евĕрлĕ посёлок ларать.

^ Ресурсы поверхностных вод СССР: Гидрологическая изученность. Т. 10. Верхне-Волжский район / под ред. В. П. Шабан. — Л.: Гидрометеоиздат, 1966. — 528 с.

Ку — ҫырса пӗтермен статья. Эсир статьяна тӳрлетсе е хушса проекта пулăшма пултаратăр.
Çак асăрхаттарнине май пулсан тĕрĕсреххипе улăштармалла.

Тавралăхĕ