Воробьёв Василий Петрович
| Василий Воробьёв | |
|---|---|
| Тулли ячӗ | Василий Петрович Воробьёв |
| Ҫуралнӑ вӑхӑт | 1887, пуш, 23 |
| Ҫуралнӑ вырӑн |
Элпуç ялĕ, Çĕрпӳ уесĕ, Хусан кĕперни (халĕ Чăваш Енĕн Тăвай районĕ), Раҫҫей империйӗ |
| Вилнӗ вӑхӑт | 1954, раштав, 10 |
| Вилнӗ вырӑн | Шупашкар, Чăваш АССР, РСФСР, СССР |
| Патшалӑх |
 Раççей империйĕ  СССР |
| Профессисем | XX ĕмĕрти совет, раççей, чăваш композиторĕ, дирижёрĕ, мусăк педагогĕ |
| Жанрсем | классика мусăкĕ |
| Наградӑсем |
 |
Воробьёв Василий Петрович (пуш, 11 (23), 1887, Элпуç ялĕ, Çĕрпӳ уесĕ (халĕ Тӑвай районӗ), Хусан кĕперни, Раççей империйĕ — раштав, 10, 1954, Шупашкар, Чăваш АССР, РСФСР, СССР) — чăваш композиторĕ, хор дирижёрĕ, педагог, Чăваш Енĕн профессилле мусăк культурине никĕслекенĕсенчен пĕрри[1].
Ывăлĕ — Г. В. Воробьёв.
Биографи
Шӑхасанти вĕретӳçĕсен шкулĕнче вĕренсе тухнă. 1912 çулчен ялти шкулта ĕçленĕ, чиркӳ хорĕн регенчĕ пулса хĕсметре тăнă. 1912 çулта Шупашкара куçнă, шкулсенче юрлама вĕрентнĕ, мусăк шкулĕнче, педтехникумрпа, мусăк-театр техникумĕнче тăрăшнă.
Шупашкарти мусăк шкулĕнче Чăваш халăх хорне йĕркеленĕ, ăна кайран 1924 Ф. П. Павлов композитор хорĕпе пĕрлештернĕ. Тепĕртакран çак хор халĕ паллă «Чăваш патшалăх академи юрăпа ташă ансамблĕ» пулса тăнă. Василий Петрович Чăваш Енре нумай ӳнер ĕçченне ӳстерсе хатĕрленĕ.
1940, юпа — СССР композиторĕсен пĕрлешĕвĕн пайташĕ.
1945—1948 çç. — Чăваш АССР композиторĕсен пĕрлешĕвĕн оргкомитечĕн председателĕ.
1947—1948 гг. — Шупашкар мусăк вĕрентĕшĕн директорĕ.
1948—1952 гг. — Музфонда СССР мусфондĕн Чăваш АССР-ĕнчи тивĕçлĕ элчи.
В. П. Воробьев 1954 çулхи раштавăн 10-мĕшĕнче Шупашкарта вилнĕ. Богдан Хмельницкий урамĕнчи кивĕ çăва çине пытарнă.
Пултарулăхĕ
800 ытла чăваш халăх юррисен çырса илнĕ, вĕсене усă курса паллă юрăсене кĕвĕленĕ (200 яхăн): «Кай, кай Ивана», «Килмен те курман Шупашкарне», «Вăрман урлă каçрăмăр», «Колхоз хирĕнче» т.ыт. те.
Тăван Çĕршывăн Аслă вăрçи вăхăтĕнче чылай патриотика юррине çырнă.
Унăн чи паха ĕçĕсем чăваш юррисен классика фондне кĕреççĕ.
Асăнмлăх
Литература
- Л.И. Бушуева, Ю.А. Илюхин, «Чăваш Енĕн композиторĕсем», Шупашкар, 2014.
Ӑнлантарусем
- ^ Государственный архив современной истории Чувашской Республики 2017 ҫулхи Нарӑс уйӑхӗн 27-мӗшӗнче архивланӑ.