Ермолаев Владимир Фёдорович
Ермолаев Владимир Фёдорович (ҫур. 1962 ҫулхи раштавӑн 14-мӗшӗ, Пăчăрлă Пашьел, Чăваш Автономиллĕ Социализмлă Совет Республики) — Раҫҫей усламҫи тата патшалӑх ӗҫченӗ. Чӑваш Республикин Патшалӑх Канашӗн депутачӗ пулнӑскер[1]. 2020 ҫулта Владимир Ермолаева уйрӑмах пысӑк виҫепе куланай тӳлессинчен пӑрӑннӑшӑн пӗтӗмӗшле режимлӑ колоние 3 ҫуллӑха хупма йышӑннӑ. 2022 ҫулта УДО мелӗпе ирӗке тухнӑ[2][3].
Пурнӑҫӗпе ӗҫӗ-хӗлӗ
1962 ҫулхи раштавӑн 14-мӗшӗнче Чӑваш АССРӗн Шӑмӑршӑ районӗнчи Пӑчӑрлӑ Пашьел ялӗнче чӑваш ҫемйинче ҫуралнӑ. Пӑчӑрла Пашьел вӑтам шкулӗнче вӗреннӗ[4].
1979—1980 ҫулсенче Шупашкар хулин 19-мӗш профессиллӗ училищере вӗреннӗ. 1980—1982 ҫулсенче 19-мӗш училищере производство вӗрентӗвӗн ӑсти пулса вӑй хунӑ. 1982—1984 ҫулсенче Совет Ҫарӗн ретӗнче хӗсметре тӑнӑ.
1987 ҫулта СССР ШӖМӗн Шупашкарти ятарлӑ вӑтам шкулӗнчен, 1992 ҫулта РФ ШӖМӗн аслӑ юридици куҫӑн мар шкулӗнчен вӗренсе тухнӑ.
1984—1992 ҫулсенче Чӑваш Республикин Шалти ӗҫсен министерствин тытӑмӗнче ӗҫленӗ[5].
Услам
1992—1994 ҫулсенче «Елена» пӗчӗк предприяти (Шупашкар хули) тӗп директорӗ. 1994—2006 ҫулсенче «Березка» сутӑ-илӳпе промышленность компанийӗ» АХО тӗп директорӗ. 2006 ҫулхи пуш уйӑхӗнчен пуҫласа 2019 ҫулччен — «Юрма» агрохолдинг» ТМЯО тӗп директорӗ.
Чӑваш Республикинче вырнаҫнӑ ҫак предприятисен хуҫи шутланнӑ:
- «СУОР» ТМЯО 38041790.00 (28.62 %) (2019 ҫулта банкрота тухиччен);
- «Юрма» агрохолдинг» ТМЯО 212888033.81 (48.88 %) (2019 ҫулта сутса яриччен);
- «Шупашкар чӑлхапа трикотаж фабрики» ТМЯО 765000.00 (0.20 %) (2018 ҫулта банкрота тухиччен).
Уголовлӑ ӗҫ пуҫарсан следстви пынӑ вӑхӑтра активӗсене арестленӗ.
Политика
Чӑваш Республикин Патшалӑх Канашӗн 4-меш суйлаври депутачӗ пулнӑ (Патӑрьелти пӗр мандатлӑ 2-мӗш суйлав округӗнчен (Патӑрьел тата Шӑмӑршӑ районӗсем)). 2006 ҫулхи юпан 8-мӗшӗнче суйланнӑ. Чӑваш Республикин Патшалӑх Канашӗн бюджет, налук, предпринимательство тата харпӑрлӑх енӗпе ӗҫлекен комитечӗн пайташӗ; экономика политики, агропромышленноҫ комплексӗ тата экологи енӗпе ӗҫлекен комитечӗн пайташӗ пулнӑ[1].
Харпӑр пурнӑҫ
Пӗрремӗш арӑмӗ — Елена, иккӗмӗш арӑмӗ — Ермолаева Ксения Владимировна.
Ывӑлӗсем — Ермолаев Кирилл Владимирович, Ермолаев Константин Владимирович; хӗрӗ — Евгения Владимировна.
Уголовлӑ ӗҫ
2020 ҫулхи раштав уйӑхӗнче Владимир Ермолаева уйрӑмах пысӑк виҫепе куланай тӳлессинчен (РФ УК 199 ст. 2) пӑрӑннӑшӑн пӗтӗмӗшле режимлӑ колоние 3 ҫуллӑха хупмалла тунӑ. Следстви версийӗ тӑрӑх, 2014 ҫулхи кӑрлач уйӑхӗнчен пуҫласа 2016 ҫулхи авӑн уйӑхӗччен Ермолаев «СУОР» ТМЯО ертӳҫи пулса хушма хакран илекен тата организацин пӗтӗмӗшле тупӑшӗнчен илекен 107 млн тенкӗлӗх куланай тӳлессинчен пӑрӑннӑ[6].
2021 ҫулхи пуш уйӑхӗн 3-мӗшӗнче Чӑваш Республикин Аслӑ сучӗн уголовлӑ ӗҫсен суд коллегийӗ приговор ҫине апелляци ҫӑхавне пӑхса тухнӑ та айӑплав срокне ҫур ҫуллӑха — пӗтӗмӗшле режимлӑ колонин икӗ ҫул ҫурӑччен — чакарнӑ[7].
2022 ҫулхи ака уйӑхӗнче Ермолаев УДО мелӗпе тухнӑ[8].
Хисепӗсем
- Даниил Московский орденӗ (Вырӑс православи чиркӗвӗ);
- «Шупашкар умӗнчи тава тивӗҫлӗ ӗҫсемшӗн» медаль (2014)[9];
- Шӑмӑршӑ районӗн хисеплӗ гражданинӗ (2015)[5].
Ӑнлантарусем
- ^ 1, 2 Государственный Совет Чувашской Республики » Ермолаев Владимир Федорович (выр.). old-gs.cap.ru. Пӑхнӑ кун: 2025 ҫулхи утӑн 29-мӗшӗ.
- ^ Владимира Ермолаева осудили на 3 года за неуплату многомиллионных налогов - ГТРК Чувашия (выр.). chgtrk.ru. Пӑхнӑ кун: 2025 ҫулхи утӑн 29-мӗшӗ.
- ^ Оборотная сторона олигарха. Тӗрӗсленӗ: 2025 ҫулхи утӑн 29-мӗшӗ.
- ^ Верховный суд Чувашии на полгода уменьшил срок Владимиру Ермолаеву. Тӗрӗсленӗ: 2025 ҫулхи утӑн 29-мӗшӗ.
- ^ 1, 2 https://chuvenc.ru/show_Person/2491 (англ.). chuvenc.ru. Пӑхнӑ кун: 2025 ҫулхи чӳкӗн 18-мӗшӗ.
- ^ Ленинский районный суд г. Чебоксары Чувашской Республики. leninsky.chv.sudrf.ru. Пӑхнӑ кун: 2021 ҫулхи ҫӑвӑн 30-мӗшӗ. Архивланӑ 2021 ҫулхи ҫӗртмен 2-мӗшӗ.
- ^ Верховный суд Чувашии сократил срок колонии Владимиру Ермолаеву на полгода (2021-03-04). Тӗрӗсленӗ: 2025 ҫулхи утӑн 29-мӗшӗ.
- ^ Ермолаева выпустили из колонии по УДО. Тӗрӗсленӗ: 2025 ҫулхи утӑн 29-мӗшӗ.
- ^ Ермолаев, Владимир Федорович (организатор производства; 14.12.1962) (выр.). Наследие Чувашии. Национальная библиотека Чувашской Республики. Пӑхнӑ кун: 2025 ҫулхи чӳкӗн 18-мӗшӗ.
Вуламалли
- Димитриев, В. Д. Ермолаев Владимир Федорович / В. Д. Димитриев // Чувашская энциклопедия. — Чебоксары, 2006. — Т. 1 : А-Е. — С. 570;
- Ермолаев Владимир Федорович // Строители Чувашии / сост. Петр Сымкин. — Чебоксары, 2015. — С. 85 : фот.;
- Петров, Г. И агропром, и строительство жилья / Г. Петров // Советская Чувашия. — 2015. — 13 окт. — С. 2.