Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Пӑчӑрлӑ Пашьел вӑтам шкулӗ

Пӑчӑрлӑ Пашьел вӑтам шкулӗ — Шӑмӑршӑ муниципаллӑ округне кӗрекен Пӑчӑрлӑ Пашьел ялӗнче вырнаҫнӑ вӑтам шкул.

Адресӗ: 429175, Чӑваш Республики, Шӑмӑршӑ муниципаллӑ округӗ, Пӑчӑрлӑ Пашьел ялӗ, Мичурин урамӗ, 13-мӗш ҫурт.

Шкул директорӗ — Можаева Эльвира Самуиловна[1].

Историйӗ

Чӑваш Республикинчи Шӑмӑршӑ муниципаллӑ округӗнчи Пӑчӑрлӑ Пашьел ялӗнче (ун чухне Чӗмпӗр кӗпӗрнинчи Пӑва уесне кӗнӗ) шкул 1889 ҫулта уҫӑлнӑ, земство шкулӗ шутланнӑ. Пӗрремӗш учитель Чӗмпӗр чӑваш шкулӗнче вӗренсе халах училищисен вӗрентекенӗ ята илнӗ Павел Михайлович Михайлов (Чаткас ялӗнчен, 1869 ҫулта ҫуралнӑскер) пулнӑ. Ӑна Иван Яковлевич Яковлев хӑй пиллесе янӑ[2].

1900 ҫултанпа шкулта Чӗмпӗрти тӗн семинарине вӗренсе пӗтернӗ Николай Аркадьевич Голодаевский ӗҫленӗ. Ҫак вӑхӑтра шкул валли ятарласа уйрӑм ҫурт туса лартнӑ, унччен ачасене харпӑр ҫуртсенче вӗрентнӗ[2].

1908 ҫулта шкула Матрёна Ивановна Архипова ӗҫлеме килнӗ, вӑл шкулта пурӗ 50 ҫула яхӑн вӑй хунӑ[2].

1932 ҫулта Колхоз ҫамрӑкӗсен шкулне уҫнӑ. Пӗрремӗш ертӳҫи М. И. Архипова пулнӑ, 1933 ҫултанпа — Зиновий Родионович Родионов. 1934 ҫулта пӗрремӗш ушкӑн вӗренсе тухнӑ, пурӗ 15 ҫамрӑк: Симурзин Георгий, Кокуркин Аркадий, Борисов Петр, Матвеев Николай, Родионова Анна, Кольцов Александр, Пахомова Маргарита тата ыттисем те[2].

1935 ҫулта тулли мар вӑтам шкул туса хунӑ. Ҫак ҫултан пуҫласа ялти кашни ачана вӗрентме пуҫланӑ.

Тӑван Ҫӗршывӑн Аслӑ вӑрҫи пуҫлансан ерипен пур вӗрентекене те фронта илсе кайнӑ: Падиаров Л. И., Матвеев Н. А., Карсаков Г. А., Сачков И. В., Чекушкин П. К., Бахтин В. Ф., Мресов В. Н., Ильин Г. С., Анисимов А. Д., Поляков Н. Г. тата ыттисем те[2].

1949 ҫултан — вӑтам шкул. 7 вӗренекен шкула ылтӑн медальпе пӗтернӗ: Козлов А. А., Козлова К. А., Пордуреева М. Н., Ермолаев Н. К., Симурзин Е. И., Старшинина И. Н., Кучеров А. Н.; 22-н кӗмӗл медальпе: Корчагин Г. Л., Козлов П. А., Базарова Н. П., Тайруков В. В., Кавалеров А. П., Степанов В. П., Еливанова С. В., Чегаева Е. Н., Москалева Н. И., Козлова Т. Ю., Павлова О. П., Угарина И. Ю., Тимофеева С. П., Борисова Л. И., Угарина А. Ю., Кудряшов А. С. Прохорова Е. В., Чернова М. Н., Чегаева А. В., Савельева Т. Ю., Савельев В. Н., Матвеев А. В. [2]

1959—2000 ҫулсенче шкулта вӗренекенсен производство бригади ӗҫленӗ. Производство бригадисен Пӗтӗм Союзри ӑмӑртӑвӗнче 1985 ҫулта 1-мӗш вырӑн йышӑннӑ, «Москвич» ҫӑмӑл автомобиле тивӗҫнӗ. Чылай хушӑ производство бригадин ӗҫне Чӑваш Республикин тава тивӗҫлӗ вӗрентекенӗ Атнекеев И. И. йӗркелесе пынӑ.

1981 ҫулта шкулӑн хальхи икӗ хутлӑ ҫуртне туса хута янӑ.

Шкулта ӗҫленӗ чылай вӗрентекен патшалӑх наградисене тивӗҫнӗ: Ленин орденне — Архипова Матрена Ивановна, Бахтина Олимпиада Федоровна; Ӗҫлӗх Хӗрлӗ Ялав орденне — Гришин Николай Семенович; «Хисеп Палли» ордена — Архипова Анна Ефремовна; «Ӗҫри хастарлӑхшӑн» медале — Драгунова Вера Ивановна, Атнекеев Иван Ильич[2].

6 вӗрентекен «Чӑваш АССРӗн тава тивӗҫлӗ вӗрентекенӗ» («Чӑваш Республикин тава тивӗҫлӗ вӗрентекенӗ») ята тивӗҫнӗ: Гармонщиков А. И., Малеев А. С., Атнекеев И. И., Карсакова Р. Ф., Укин Н. С., Петрова Г. А. [2]

12 вӗрентекен «Халӑха вӗрентес ӗҫ отличникӗ» палла тивӗҫ пулнӑ: Данилова Г. Т., Павлова С. Т., Падюкин Л. И., Урнеева А. Ф., Драгунова В. И., Пахомова М. М., Гришин А. Н., Петров А. Г., Уркина О. Н., Ванюшин М. Н., Кучерова З. Г., Угарина Г. Г. [2]

Хальхи вӑхӑтра

Шкула 2017 ҫулта тӗпрен юсаса ҫӗнетнӗ. Шкул 2 пайран тӑрать: пӗр хутлӑ кирпӗч ҫуртра — шкул ҫулне ҫитмен ачасем, икӗ хутлӑ кирпӗч ҫуртра — шкул ачисем. 2024—2025 веренӳ ҫулӗнче 138 шкул ачи, 12 шкул ҫулне ҫитмен ача шутланать[3].

Шкулта 17 класс пӳлӗмӗ, спорт залӗ, акт залӗ, мастерской, 80 ача вырнаҫмалӑх столовӑй пур[3].

2020 ҫултан пуҫласа шкулта «Хальхи шкул» регион проектне хутшӑнса цифра тата гуманитари профилӗсен «Точка роста» центрӗ ӗҫлет[3].

Шкулта Гармонщиков А. И. таврапӗлӳҫӗ-вӗрентекен ертсе пыракан таврапӗлӳ музейӗ ӗҫлет.

Шкул директорӗсем

  • Гусев В. Г. (вӑтам шкул уҫсан — пӗрремӗш директор),
  • Гармонщиков А. И. (1950—1985),
  • Петров А. Г. (1985—1990, 1995—2014),
  • Атнекеев И. И. (1990—1993),
  • Тимофев П. А. (1993—1995),
  • Можаева Э. С. (2014 ҫултанпа).

Шкулта вӗреннӗ паллӑ ҫынсем

  • Ермолаев Владимир Фёдорович — предприниматель, Чӑваш Республикин Патшалӑх Канашӗн депутачӗ пулнӑскер,
  • Кадеев Валентин Васильевич — Чӑваш АССРӗн тава тивӗҫлӗ летчикӗ,
  • Козлов Михаил Алексеевич — биологи ӑслӑлӑхӗсен докторӗ, профессор, академик,
  • Кокуркин  Геннадий  Васильевич — И. Н. Ульянов ячӗллӗ Чӑваш патшалӑх университечӗн профессорӗ, медицина ӑслӑлӑхӗсен докторӗ,
  • Корчаков Иван Павлович — Чӑваш АССРӗн тава тивӗҫлӗ механизаторӗ,
  • Корчаков Николай Васильевич — театр актерӗ, режиссер-постановщик, Чӑваш Республикин ӳнерсен тава тивӗҫлӗ ӗҫченӗ, Чӑваш Республикин халӑх артисчӗ,
  • Судуков Валентин Николаевич — Чӑваш Республикин тава тивӗҫлӗ механизаторӗ,
  • Угарин  Николай  Васильевич — драматург.
  • Драгунова Оксана Юрьевна — К. В. Иванов ячӗллӗ Чӑваш патшалӑх академи драма театрӗ артистки.

Ӑнлантарусем

  1. ^ Руководство (выр.). Муниципальное бюджетное общеобразовательное учреждение "Бичурга-Баишевская средняя общеобразовательная школа" Шемуршинского муниципального округа Чувашской Республики.
  2. ^ 1, 2, 3, 4, 5, 6, 7, 8, 9 О школе. Историческая справка (выр.). Муниципальное бюджетное общеобразовательное учреждение "Бичурга-Баишевская средняя общеобразовательная школа" Шемуршинского муниципального округа Чувашской Республики.
  3. ^ 1, 2, 3 Материально-техническое обеспечение и оснащенность образовательного процесса. Доступная среда (выр.). Муниципальное бюджетное общеобразовательное учреждение "Бичурга-Баишевская средняя общеобразовательная школа" Шемуршинского муниципального округа Чувашской Республики.

Вуламалли

  • Энциклопедия Шемуршинского района / [сост. Г. Н. Ларшников, П. И. Фомин, В. К. Андронов, 2018. — 382 с. — 51 стр.

Каҫӑсем

Категорисем