Жюль Лядумег
Жюль Лядумег (Жюль Лядумег; фр. Jules Ladoumègue; 1906 ҫулхи раштавӑн 10-мӗшӗ, Бордо — 1973 ҫулхи пушӑн 2-мӗшӗ, Париж) — вӑтам тата вӑрӑм дистанцисене чупассипе чи пысӑк ҫитӗнӳсем тунӑ Францин ҫӑмӑл атлечӗ. Тӑватӑ хут тӗнче рекордне ҫӗнетнӗ, 1928 ҫулхи Олимп вӑййисенче 1500 метр дистанцире кӗмӗл призёр пулса тӑнӑ.
Пурнӑҫӗ
Жюль Лядумег Бордо хулин Ла-Бастид пайӗнче ҫуралнӑ.
Спортсмен карьерине 5000 метрлӑ дистанцине чупассинчен пуҫланӑ, анчах тренер сӗннипе 1500 метрли ҫине куҫнӑ[3].
1928 ҫулта Шарль Пуленар паллӑ тренер ертсе пыракан «Француз стадионӗ» команда йышне кӗнӗ, ҫакӑн хыҫҫӑн унӑн ӑсталӑхӗ лайӑхланнӑ.
1928 ҫулхи Олимп вӑййисенче 1500 метрлӑ дистанцире кӗмӗл медаль ҫӗнсе илнӗ, Харри Ларве финна ҫеҫ мала ирттерсе янӑ (дистанци вӗҫнелле унӑн икӗ финнпа тупӑшма тивнӗ; Эйно Пуржене вӑл иртсе кайнӑ).
1955 ҫулта «Dans ma foulée» ятлӑ автобиографи пичетлесе кӑларнӑ. 1973 ҫулта Парижра (Иль-де-Франс регионӗ) вилнӗ[3].
Тӑван Ҫӗршывӑн Аслӑ вӑрҫиччен Лядумег СССР-а килсе кайнӑ, кунта вӑл хӑйӗн чупассин техникипе паллаштарнӑ. Ӑсталӑха вӗрентнӗ чухне чӑваш спортсменӗ Петров Тимофей Ильич та пулнӑ, ҫавна май каярах унӑн чупу стильне хакланӑ май ӑна «чӑваш Лядумегӗ» тесе каланӑ[4].
Ӑнлантарусем
- ^ Jules Raymond LadoumÈgue // base Léonore (фр.) — ministère de la Culture.
- ^ 1, 2, 3, 4 Fichier des personnes décédées
- ^ 1, 2 Cordner Nelson and Roberto Quercetani (1985) The Milers, Tafnews Press, ISBN 0-911521-15-1, pp. 53-63
- ^ Александр Егоров. В Чебоксарах вышла в свет книга «Чувашский Лядумег: прерванная дистанция» (выр.). Советская Чувашия (26 нарӑсӑн 2015).
Каҫӑсем
- olympiady.ru сайтри профиль (выр.)