Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иванов Павел Иванович (Совет Союзӗн Паттӑрӗ)

РУВИКИ-ре ҫак хушаматлӑ ытти ҫынсем пирки те статьясем пур: Иванов.

Иванов Павел Иванович (1910 ҫулхи авӑнӑн 16-мӗшӗ, Ивански, Ҫӗрпӳ уесӗ, Хусан кӗпӗрни, Раҫҫей империйӗ — 1944 ҫулхи юпан 7-мӗшӗ, Дьюла[d], Бекеш[d], Королевство Венгрия[d]) — лейтенант, Тӑван Ҫӗршывӑн Аслӑ вӑрҫисене хутшӑннӑ, Совет Союзӗн Паттӑрӗ (1945).

Пурнӑҫӗпе ӗҫӗ-хӗлӗ

1910 ҫулхи авӑн уйӑхӗн 16-мӗшӗнче Раҫҫей Империйӗн Хусан кӗпӗрнинчи Ҫӗрпӳ уесӗнчи (халӗ — Чӑваш Республикин Ҫӗрпӳ районӗ) Йӑвански сали ялӗнче ҫуралнӑ. Ирех ашшӗ-амӑшӗсӗр юлнӑ, малтан тӑванӗсем патӗнче, унтан ача ҫуртӗнче ӳснӗ. 1926 ҫулта сакӑр ҫул вӗренмелли шкул, унтан Вӑрнар зооветеринари техникумне вӗренсе пӗтернӗ. 1931—1941 ҫулсенче зоотехник пулса ӗҫленӗ. 1941 ҫулхи утӑ уйӑхӗнче Иванова Рабочи-хресченсен Хӗрлӗ Ҫарне хӗсмете илнӗ. 1942 ҫулта вӑл Горькири танк училищинчен вӗренсе тухнӑ. 1943 ҫулхи ҫу уйӑхӗнчен пуҫласа — Тӑван Ҫӗршывӑн Аслӑ вӑрҫин фрончӗсенче. Волхов, Брянск, 1-мӗш тата 2-мӗш Украина фрончӗсенчи ҫапӑҫусене хутшӑннӑ. 1944 ҫулхи юпа уйӑхӗ тӗлне Павел Иванов лейтенант 2-мӗш Украина фрончӗн 6-мӗш гварди кавалери корпусӗн 8-мӗш гварди кавалери дивизийӗн 136-мӗш танк полкӗн танк взвочӗн командирӗ пулнӑ. Дебрецен операцийӗ вӑхӑтӗнче палӑрнӑ[1].

1944 ҫулхи юпа уйӑхӗн 6-мӗшӗнче Ивановӑн взвочӗ чи малтан Шаркад хулине ҫӗмӗрсе кӗрсе тӑшманӑн темиҫе артиллери орудийӗсемпе миномёчӗсене, ҫавӑн пекех унӑн салтакӗсемпе офицерӗсене тӗп тунӑ. Юпан 7-мӗшӗнче взвод Шебеш-Кёрёш юханшывӗ урлӑ хывнӑ кӗпере ӑнӑҫлӑ ярса илнӗ. Ҫав ҫапӑҫура Иванов пуҫ хунӑ. Ӑна Дьюла хулинче пытарнӑ.

Хисепӗсем

  • Дебрецен операцинче хӑюлӑхпа паттӑрлӑх кӑтартнӑшӑн СССР Аслӑ Канашӗн Президиумӗн 1945 ҫулхи пушӑн 24-мӗшӗнчи Хушӑвӗпе Павел Иванов лейтенанта Совет Союзӗн Паттӑрӗ хисеплӗ ят панӑ (вилнӗ хыҫҫӑн)[1].
  • Тӑван Ҫӗршыв Аслӑ вӑрҫин орденӗн 2-мӗш степенӗ (13.09.1944)[2].

Астӑвӑм[3]

  • Чӑваш Республикинчи Ҫӗрпӳри пӗтӗмӗшле пӗлӳ паракан 2-мӗш вӑтам шкул Павел Иванов Совет Союзӗн Паттӑрӗн ячӗпе хисепленет.
  • Ҫӗрпӳри тата Ҫӗрпӳ районӗнчи Опытнӑй посёлокӗнчи урамсене Паттӑр ятне панӑ.
  • Ҫӗрпӳ районӗнчи Опытнӑй ялӗнчи Чӑваш ялхуҫалӑх сӑнав станцийӗн администраци ҫурчӗ ҫине асӑну хӑми вырнаҫтарнӑ.

Ӑнлантарусем

Вуламалли

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Пирӗн ентешсем — Совет Союзӗн Геройӗсем. — 3-е изд. – Шупашкар, 1980.
  • Плиев И. А. Дорогами войны. — М.: Книга, 1985.
  • Прокопьева, Ф. И. Герой Советского Союза Павел Иванович Иванов (16.09.1910-07.10.1944) / Ф. И. Прокопьева. — Цивильск, 2010. — 43, [3] с. : ил., портр.
  • Федоров, Н. Павел Иванович Ивановӑн вӑрҫӑри паттӑрлӑхӗ / Н. Федоров // Ҫӗрпӳ хыпарҫи. — 1995. — 13 ака.
  • Васильев, Л. Книга как памятник / Л. Васильев // Советская Чувашия. — 2010. — 18 сент. — С. 1.
  • Иванов Павел Иванович (16.09.1910-7.10.1944). — Изображение : непосредственное // Герои Советского Союза и полные кавалеры ордена Славы — уроженцы Чувашии : [комплект из 75 открыток]. — Чебоксары, 2005.
  • Иванов Павел Иванович // Край Цивильский : краткая энцикл. р-на. — Чебоксары, 2008. — С. 147.
  • Ильин, А. М. Танкист из села Иваново / А. М. Ильин // Цивильский вестник. — 2013. — 6 дек. — С. 5.
  • Их подвиг бессмертен // Цивильский вестник. — 2014. — 9 дек. — С. 3.
  • Книга о герое из Цивильского района // Республика. — 2010. — 22 сент. (№ 37). — С. 7.
  • Михайлов, В. М. Иванов Павел Иванович / В. М. Михайлов // Краткая чувашская энциклопедия. — Чебоксары, 2001. — С. 180.
  • Михайлов, В. М. Иванов Павел Иванович / В. М. Михайлов // Чувашская энциклопедия. — Чебоксары, 2008. — Т. 2 : Ж-Л. — С. 95.
  • Мурышкин, Н. Подвиг на венгерской земле / Н. Мурышкин // Наши земляки — Герои Советского Союза. — Чебоксары, 1980. — С. 338-342.
  • Чтят и помнят героя войны // Цивильский вестник. — 2013. — 24 сент. — С. 2.

Каҫӑсем

Категорисем