Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Козлов Геннадий Васильевич (ӳкерçĕ)

РУВИКИ-ре ҫак хушаматлӑ ытти ҫынсем пирки те статьясем пур: Козлов.

Козло́в Генна́дий Васи́льевич (ҫур. 1962 ҫулхи утӑн 16-мӗшӗ, Тăвай районĕ, Чăваш Автономиллĕ Социализмлă Совет Республики) — чăваш художникӗ, педагогика ӑслӑлӑхӗсен кандидачӗ. Хальхи вӑхӑтра Чӑваш патшалӑх ӳнер музейӗн директорӗ. Чӑваш Республикин тава тивӗҫлӗ художникӗ (2017)[1], Чӑваш Республикин халӑх художникӗ (2025)[2].

Пурнӑҫӗ

1962 ҫулхи утӑн 16-мӗшӗнче Чӑваш АССРӗн Тӑвай районӗнчи Вӑрманхӗрри ялӗнче нумай ачаллӑ чӑваш ҫемйинче ҫуралнӑ, унта ҫиччӗмӗш ача пулса тӑнӑ. 1979 ҫулта Тӑвайри вӑтам шкултан вӗренсе тухнӑ. 1980–1982 ҫулсенче СССР Хӗҫпӑшаллӑ вӑйӗсенче Германири совет ҫарӗсен ушкӑнӗ (ГСВГ) шутӗнче пулнӑ.

Профессиллӗ пӗлӗве И. Я. Яковлев ячӗллӗ Чӑваш патшалӑх педагогика институчӗн ӳнерпе графика факультетӗнче илнӗ. 1988 ҫулта вӗренсе тухнӑ. 1998 ҫулта «Освоение студентами художественно-графических факультетов традиций русской иконографии в процессе профессиональной подготовки учителей изобразительного искусства» темӑпа кандидат диссертацине хӳтӗленӗ[3].

Преподаватель ӗҫне тӑван аслӑ вӗренӳ заведенийӗнче пуҫланӑ, 1992 ҫултанпа Чӑваш патшалӑх педагогика университечӗн ӳнерпе графика факультечӗн живопись кафедрин доценчӗ ӗҫ вырӑнне йышӑнать. Автор лекци курсӗсене хатӗрлесе вулать.

2003 ҫулхи пуш уйӑхӗн 19-мӗшӗнчен пуҫласа Чӑваш патшалӑх ӳнер музейӗн директорӗ шутланать[4]. 2023 ҫулхи утӑ уйӑхӗнче Чӑваш Республикин пуҫлӑхӗ Олег Николаев ҫак должноҫрах хӑварнӑ[5]. Козлов ертсе пынипе музей курав тата ҫутӗҫ ӗҫӗ енӗпе хастар ӗҫлет, ҫав шутра регионти пысӑк проектсене, калӑпӑр, хальхи ӳнерӗн II Чӑваш биенналӗне (2025) йӗркелеме хутшӑннӑ[6].

2024 ҫулта унӑн юлашки вунӑҫуллӑхра пултарулӑхне пӗтӗмлетекен «Родные мотивы» кӗнеке-альбом пичетленсе тухнӑ[7].

Ҫемье

  • Ашшӗ: Козлов Василий Григорьевич.
  • Амӑшӗ: Козлова Наталья Михайловна.
  • Пиччӗшӗпе аппӑшӗсем:
    • Сорокина (Козлова) Валентина Васильевна;
    • Козлов Михаил Васильевич;
    • Ирбитская (Козлова) Зоя Васильевна;
    • Козлов Анатолий Васильевич;
    • Козлов Владимир Васильевич (1957 ҫ.ҫ.) — психологи ӑслӑлӑхӗсен докторӗ, профессор;
    • Козлов Виталий Васильевич.
  • Мӑшӑрӗ: Медведева Ирина Александровна.
  • Ачисем: Евгения хӗрӗ.

Ӗҫӗсем

Ӳнерҫӗ ӗҫӗсем ЧПХМ фончӗсенче пур. Пултарулӑхӑн тӗп теми — тӑван кӗтесӗпе (Вӑрманхӗрри ялӗ) Атӑл тавралӑхӗпе ҫыхӑннӑ лирика сӑнӗсем.

2024 ҫулхи раштав уйӑхӗнче Чӑваш кӗнеке издательствинче «Родные мотивы. Геннадий Козлов. Живопись» альбом тухнӑ, унта 2014—2024 ҫулсен тапхӑрӗнче ӳкернӗ картинӑсем кӗнӗ.

ЧПӲМ фондĕнчи ĕçĕсем

  • Владимирская горка. — 2002, КП-16865
  • Зимняя пора. — 2003, КП-16356
  • После грозы. — 2003, КП-16357
  • Сура. — 2003, КП-17134
  • Зимний вечер. — 2004, КП-16961
  • После грозы. — 2004, КП-16662
  • Блуждающий остров. — 2005, КП-17411
  • Солнце уходящего дня. — 2005, КП-17286
  • Зимнее утро на Родине. — 2006, КП-17346
  • Февральское утро на Богданке. — 2007, КП-17417

Кĕнекесем

  • Козлов Г. В. Освоение студентами художественно-графических факультетов традиций русской иконографии в процессе профессиональной подготовки учителей изобразительного искусства: Дис. … канд. пед. наук. — М.: ПроСофт-М, 2003.
  • Козлов Г. В. Родные мотивы. Живопись [Текст]: [альбом-каталог] / Г. В. Козлов; [ред. В. Н. Алексеев]. — Чебоксары: Чувашское книжное издательство, 2024. — 1000 экз.
  • Информационные компьютерные технологии в Чувашском государственном художественном музее: доклад на 10-й юбилейной междунар. конф. «EVA 2007 Москва»[8].
  • Матрица многомерности // Книга поздравлений Козлова В. В.[9].
  • Козлов Г. В. Родные мотивы. Живопись [Текст]: [альбом-каталог] / Г. В. Козлов; [ред. В. Н. Алексеев]. — Чебоксары: Чувашское книжное издательство, 2024. — 1000 экз.

Профессиллӗ пӗрлӗхсене хутшӑнни

  • РФ Художниксен пӗрлӗхӗн членӗ.
  • Тӗнчери психологи ӑслӑлӑхӗсен академийӗн чӑн пайташӗ[10][11].
  • Петровсен ӑслӑлӑхпа ӳнер академийӗн чӑн пайташӗ (2020 ҫултанпа).

Хисепӗсем

  • Чӑваш Республикин тава тивӗҫлӗ художникӗ (2017)[1].
  • Раҫҫей Федерацийӗн профессиллӗ аслӑ вӗрентӗвӗн хисеплӗ ӗҫченӗ (2010) — педагогика профессиллӗ вӗрентӗвӗн системи валли вӗрентӳпе методика литературине хатӗрлес ӗҫре чылай ӳсӗм тунӑшӑн[12].
  • РФ Культура министерствин «Культурӑри ҫитӗнӳсемшӗн» кӑкӑр ҫине ҫакмалли паллӑ.
  • Пӗтӗм тӗнчери психологи ӑслӑлӑхӗсен академийӗн тата Раҫҫейӗн регионсен хушшинчи эргономи ассоциацийӗн «Ҫын факторӗ» медаль (2007) — ӑслӑлӑхра пысӑк ҫитӗнӳсем тунӑшӑн тата ӑслӑлӑх кадрӗсене хатӗрленӗшӗн[13].
  • Чӑваш Республикин халӑх художникӗ (2025)[2].

Ӑнлантарусем

  1. ^ 1, 2 О награждении государственными наградами Чувашской Республики (выр.). Глава Чувашской Республики (14 раштавӑн 2017). Пӑхнӑ кун: 2026 ҫулхи кӑрлачӑн 13-мӗшӗ.
  2. ^ 1, 2 Глава Чувашии Олег Николаев вручил государственные награды выдающимся жителям Чувашии (25 ҫӗртмен 2025). Пӑхнӑ кун: 2026 ҫулхи кӑрлачӑн 13-мӗшӗ.
  3. ^ Козлов, Геннадий Васильевич. Освоение студентами художественно-графических факультетов традиций русской иконографии... Российская государственная библиотека. Пӑхнӑ кун: 2024 ҫулхи кӑрлачӑн 13-мӗшӗ.
  4. ^ Чувашия: Назначен новый директор Художественного музея. ИА REGNUM (20 пушӑн 2003). Пӑхнӑ кун: 2013 ҫулхи кӑрлачӑн 20-мӗшӗ.
  5. ^ Геннадий Козлов назначен директором ЧГХМ. MySeldon (9 утӑн 2023).
  6. ^ Объявлена программа II Чувашской биеннале современного искусства. ArtUzel (13 утӑн 2025).
  7. ^ Вышла в свет книга-альбом Геннадия Козлова «Родные мотивы». Чувашское книжное издательство (31 раштавӑн 2024).
  8. ^ Всероссийская государственная библиотека иностранной литературы имени М. И. Рудомино; 3—6 декабря 2007 г.
  9. ^ Книга поздравлений. Пӑхнӑ кун: 2012 ҫулхи утӑн 20-мӗшӗ. Архивланӑ 2012 ҫулхи ҫӗртмен 9-мӗшӗ.
  10. ^ МАПН. Пӑхнӑ кун: 2009 ҫулхи раштавӑн 6-мӗшӗ. Архивланӑ 2013 ҫулхи раштавӑн 3-мӗшӗ.
  11. ^ Ю. В. Викторов. Козлов Геннадий Васильевич. Чӑваш энциклопедийӗ. Пӑхнӑ кун: 2026 ҫулхи кӑрлачӑн 13-мӗшӗ.
  12. ^ Приказ Министерства образования и науки РФ от 26 января 2010 года № 87/к-н (пр. о награждении № 10).
  13. ^ Награжденные медалью «Человеческий фактор». zi-kozlov.ru. Пӑхнӑ кун: 2025 ҫулхи юпан 14-мӗшӗ.

Каҫӑсем

Темӑпа ҫыхӑннисем

Категорисем