Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Корнилаев Сергей Григорьевич

Disambig gray.svg Корнилаев хушаматлă урăх çынсем çинчен РУВИКИ-ре статьясем пур.

Корнилаев Сергей Григорьевич (ҫур. 1955 ҫулхи нарӑсӑн 20-мӗшӗ, Чăваш Кăпавĕ, Пушкăрт АССР) — совет саманинчи ирӗклӗ мел кӗрешӳҫи. 48 кг таранхи ҫӑмӑл виҫе категорийӗнче(выр.)чăв. ӑмӑртнӑ. «Трудовые резервы» спорт обществинче тӑнӑ[1].

СССР тава тивӗҫлӗ спорт мастерӗ(выр.)чăв. (1978), тӑватӑ хутчен тӗнче чемпионӗ (1978, 1979, 1981, 1982), Европа чемпионӗ (1984), XXII Олимп вӑййисен бронза призёрӗ (1980), Тӗнче кубокӗн ҫӗнтерӳҫи. Халӑхсен туслӑхӗн орденӗн кавалерӗ[1].

Пурнӑҫӗпе ӗҫӗ-хӗлӗ

1955 ҫулхи нарӑсӑн 20-мешӗнче Пушкӑрт АССРӗн Иглино районӗнчи Чӑваш Кӑпавӗ ялӗнче ҫуралнӑ. 11 ҫулта ашшӗ-амӑшӗсӗр тӑрса юлнӑ, тӑлӑх ачана аппӑшӗпе йыснӑшӗ Мускава илсе кайнӑ. Йыснӑшӗ ирӗклӗ кӗрешӳ(выр.)чăв. секцине В. И. Баринов тренер патне илсе кайнӑ. Пӗтӗм спорт карьери тӑршшӗпе пӗр тренер — СССР тава тивӗҫлӗ тренерӗ Баринов Василий Иванович — патӗнче ӑсталӑхне туптанӑ. 1976—1987 ҫулсенче Совет Союзӗн пӗрлештернӗ командин пайташӗ пулнӑ[2].

Мускав физкультура институтне(выр.)чăв. вӗренсе пӗтернӗ (1983)[1].

1984 ҫултанпа тренер ӗҫӗнче. Мускав хулин Спорт департаменчӗн 42-мӗш Олимп резервӗн спортшкулӗнче тренер пулса вай хурать.

1990-мӗш ҫулсен пуҫламӑшӗнче Мускаври Перово районӗнче Сергей Корнилаев ячӗллӗ «Витязь» спортклуб уҫнӑ. Корнилаев С. Г. унӑн хисеплӗ президенчӗ[2].

«Мускаври ирӗклӗ кӗрешӳ федерацийӗ» обществӑлла организацин попечительсен канашӗн председателӗ. 2025 ҫултанпа Чӑвааш Республикинче ҫуралса ӳснӗ офицерсен «Тӑван Ҫӗршыв ывӑлӗсем» обществӑлла организацийӗн пайташӗ. Мускаври чӑвашсен ентешлӗхӗн хастар пайташӗ.

Ӑмӑртусем

Корнилаев ячӗпе Раҫҫейре 4 ӑмӑрту ирттереҫҫӗ:

  • Чӑваш Республикинчи Канаш районӗнче ҫулсерен Пӗтӗм Раҫҫейри ӑмӑрту (1987 ҫултанпа);
  • Пушкӑртстан Республикинчи Иглино районӗнчи Чӑваш Кӑпавӗ ялӗнче республика ӑмӑртӑвӗ;
  • Мускавра «Трудовые резервы» спорткомплексра Пӗтӗм тӗнчери ӑмӑрту;
  • Мускаври Перово районӗнчи «Луч» спорткомплексра Ҫӗнӗ ҫул ӑмӑртӑвӗ[2].

Спортри ҫитӗнӗвӗсем

Олимп вӑййисем

«Дружба-84»

Тӗнче чемпионачӗсем

Европа чемпионачӗсем

СССР чемпионачӗсем

  • 1976 ҫул — кӗмӗл;
  • 1977 ҫул — ылтӑн;
  • 1978 ҫул — ылтӑн;
  • 1979 ҫул — ылтӑн;
  • 1980 ҫул — кӗмӗл;
  • 1981 ҫул — ылтӑн;
  • 1982 ҫул — ылтӑн;
  • 1983 ҫул — кӗмӗл.

Ыттисем

  • СССР халӑхӗсен Спартакиадин ҫӗнтерӳҫи (1983);
  • Тбилисири Пӗтӗм тӗнчери ӑмӑрту ҫӗнтерӳҫи (1980);
  • тата ыттисем те.

Хисепӗсем

  • СССР тава тивӗҫлӗ спорт мастерӗ (1978);
  • Халӑхсен туслӑхӗн орденӗ;
  • Чӑваш Республикин тава тивӗҫлӗ физкультурӑпа спорт ӗҫченӗ (2010)[1];
  • «Чӑваш Республики умӗнчи тава тивӗҫлӗ ӗҫсемшӗн» орден медалӗ (2015)[1];
  • «Чӑваш Республики умӗнчи тава тивӗҫлӗ ӗҫсемшӗн» орден (2025)[3].

Ӑнлантарусем

  1. ^ 1, 2, 3, 4, 5 Сидоров П. П. Корнилаев Сергей Григорьевич (выр.). Чувашская энциклопедия. Чувашский государственный институт гуманитарных наук.
  2. ^ 1, 2, 3 Николаев В. Д. Самый титулованный чувашский вольник (выр.). Газета «Республика» Государственного Совета Чувашской Республики (3 ҫурлан 2022).
  3. ^ Сергей Корнилаев удостоен ордена "За заслуги перед Чувашской Республикой" (выр.). www.cheboksary.ru. Информационный сайт столицы Чувашии Чебоксары.ру (13 нарӑсӑн 2025).

Вуламалли

  • Ачча, В. Ильинапа Корнилаев парнисемшӗн / В. Ачча ; автор сӑн ӳкерчӗкӗсем // Канаш ен (Канаш районӗ). — 2012. — ҫу, 5 — С. 3;
  • Иванов, Б. Заслужил именем своим / Б. Иванов // Советская Чувашия. — 2010. — 24 марта. — С. 4;
  • Пример для сильных людей : [о встрече Главы Чувашии Михаила Игнатьева с гл. тренером сбор. команды России по жен. вольн. борьбе Юрием Шахмурадовым и обладателем кубка мира по вольн. борьбе Сергеем Корнилаевым] // Советская Чувашия. — 2013. — 23 нояб. — С. 1;
  • Сидоров, П. П. Корнилаев Сергей Григорьевич / П. П. Сидоров // Чувашская энциклопедия. — Чебоксары, 2008. — Т. 2 : Ж-Л. — С. 322;
  • Николаев В. Самый титулованный чувашский вольник // Республика. — 2022. — ҫурла, 3;
  • Николаев В. Здесь продолжают славный путь // Республика. — 2025. — ҫӗртме, 11 ҫурла.

Каҫӑсем

Категорисем