Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Куренков Александр Вячеславович

РУВИКИ-ре ҫак хушаматлӑ ытти ҫынсем пирки те статьясем пур: Куренков; Куренков Александр.

Куренков Александр Вячеславович (ҫур. 1972 ҫулхи ҫӗртмен 2-мӗшӗ, Софрино[d], Мускав облаҫӗ) — Раҫҫейри патшалӑх ӗҫченӗ. 2022 ҫулхи ҫу уйӑхӗн 25-мӗшӗнчен пуҫласа Гражданла хӳтӗлев, чрезвычайлӑ лару-тӑру тата ҫутҫанталӑк инкекӗсен сиенне пӗтерес ӗҫӗн министрӗ (2024 ҫулхи ҫу уйӑхӗн 7-мӗшпе 13-мӗшӗсенче ҫак тивӗҫе вӑхӑтлӑха пурнӑҫлакан пулнӑ), генерал-полковник (2022)[1]. 2022 ҫулхи ҫӑвӑн 30-мӗшӗнчен пуҫласа Раҫҫей Федерацийӗн Хӑрушсӑрлӑх Канашӗн пайташӗ[2].

Пурнӑҫӗпе ӗҫӗ-хӗлӗ

Александр Куренков Мускав облаҫӗнче ҫуралнӑ. 1998 ҫулта Мускав патшалӑх физкультура академине, 2004 ҫулта Мускаври психологипе социаллӑ институтӗнчен, 2021 ҫулта Раҫҫей Федерацийӗн Хӗҫпӑшаллӑ вӑйсен Тӗп штабӗн Ҫар академийӗ ҫумӗнчи аслӑ курссенче вӗренсе тухнӑ, генерал-майор ҫар званине илнӗ[3][4].

1995—1999 ҫулсенче Куренков Мускаври 312-мӗш шкулта физкультура учителӗ пулса ӗҫленӗ. 1999 ҫулта патшалӑх хӑрушсӑрлӑх органӗнче хӗсметре тӑнӑ. ФСБ-ра (1999—2002) тата Федераллӑ хурал службинче (2002—2021; сӑмахран, Виктор Зубков[ru] премьер-министрӑн хуралӗнче ӗҫленӗ) хӗсметре тӑнӑ. Каярах Росгвардие куҫнӑ, унта вӑл малтан Виктор Золотов[ru] ведомство ертӳҫин пулӑшаканӗ пулнӑ, кайран ҫумӗ пулса тӑрӑшнӑ, ҫар хатӗрлевӗпе ҫыхӑннӑ ыйтусемшӗн яваплӑ пулнӑ[5]. РБК пӗлтернӗ тӑрӑх, 2015 ҫултанпа вӑл Владимир Путинӑн адъютанчӗ пулнӑ, каярах — аслӑ адъютант должноҫне куҫнӑ[6].

2022 ҫулхи ҫу уйӑхӗн 23-мӗшӗнче Раҫҫей президенчӗ Куренкова Гражданла хӳтӗлев, чрезвычайлӑ лару-тӑру тата ҫутҫанталӑк инкекӗсен сиенне пӗтерес ӗҫӗн министрне лартма сӗннӗ[7]. Патшалӑх пуҫлӑхӗн пресс-секретарӗ Дмитрий Песков каланӑ тӑрӑх, ӑна суйласси ҫак сӑлтавпа ҫыхӑннӑ: «Путин Куренкова хӑй лайӑх пӗлет. Патшалӑх пуҫлӑхӗн шухӑшӗпе ӑна суйлани Куренковӑн пахалӑхӗсем, ҫав шутра служба тата професси тивӗҫӗсене пурнӑҫласси те, ҫак ӗҫе питӗ лайӑх пурнӑҫлама май панине пӗлтерет»[8]. Куренков кандидатурине Федераци Канашӗ ҫу уйӑхӗн 25-мӗшӗнче ырланӑ, ҫав кунах президент хушӑвӗпе ӑна министр пуканне шанса панӑ[9].

2024 ҫулхи ҫу уйӑхӗн 14-мӗшӗнче ҫӗнӗ правительствӑна йӗркеленӗ май Куренкова РФ МЧС пуҫлӑхӗн вырӑнӗнче хӑварнӑ[10].

2022 ҫулхи ҫу уйӑхӗн 30-мӗшӗнчен пуҫласа — Раҫҫей Федерацийӗн Хӑрушсӑрлӑх канашӗн[ru] пайташӗ[11].

2022 ҫулхи ҫӗртмен 2-мӗшӗнче Куренкова генерал-лейтенант ҫар ячӗпе чысланӑ.

2022 ҫулхи юпан 21-мӗшӗнчен Куренков — Раҫҫей Федераци правительстви ҫумӗнчи Хӗҫпӑшаллӑ Вӑйӗсене, ытти ҫарсене, ҫар формированийӗсене тата органӗсене кирлипе тивӗҫтерекен координаци канашӗн членӗ[12].

АПШ, Европӗрлӗх, Аслӑ Британи, Швейцари, Австрали тата Ҫӗнӗ Зеланди ун тӗлӗшпе санкцисем пуҫарнӑ.

2025 ҫулхи ҫӗртмен 4-мӗшӗнче Владимир Путин МЧС пуҫлӑхне Александр Куренкова генерал-полковник ҫарти ята панӑ[1].

Ҫемйи

Александр Куренков 2019 ҫулта авланнӑ. Мӑшӑрӗ Елена Игоревна Мильская (1980 ҫур.) — «Ҫухалнӑ тата шар курнӑ ачасене пулӑшакан наци центрӗн» попечительсен канашӗн председателӗ, Аслӑ Василий Святитель фончӗн вице-президенчӗ (тӗп директорӗ).

Хисепӗсем

  • II степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗ (2015);
  • Суворов медалӗ;
  • «Ятарлӑ заданисене пурнӑҫланӑ чухне палӑрнӑшӑн» медаль (ФСО);
  • «Ҫарти хастарлӑхшӑн» медаль (ФСО);
  • I, II тата III степеньлӗ «Ҫар хӗсметӗнче палӑрнӑшӑн» медальсем (ФСО);
  • «Патшалӑх хӑрушсӑрлӑхӗн органӗсем 100 ҫул тултарни» медаль (ФСО);
  • «Раҫҫейӗн патшалӑх хӑрушсӑрлӑхӗн органӗсем 125 ҫул тултарни» медаль (ФСО);
  • «Раҫҫей ФСО-ра службӑра тӑнӑшӑн» кӑкӑр палли;
  • «Крыма тавӑрнӑшӑн» медаль;
  • «Данк» орден (2023, Киргизи)[13];
  • «Аҫтӑрхан облаҫӗ умӗнчи тава тивӗҫлӗ ӗҫсемшӗн» орден медалӗ (2024 ҫулхи раштавӑн 12-мӗшӗ) — Аҫтӑрхан облаҫӗн территорийӗнче гражданла хӳтӗлев, халӑха тата территорисене ҫутҫанталӑкпа техногенлӑ характерӑн инкеклӗ лару-тӑрӑвӗнчен хӳтӗлессишӗн, шыв объекчӗсенчи ҫынсене хӑрушлӑхран тата пушар хӑрушсӑрлӑхӗпе тивӗҫтерессишӗн тухӑҫлӑ ӗҫленӗшӗн.

Ӑнлантарусем

  1. ^ 1, 2 Путин присвоил главе МЧС Куренкову звание генерал-полковника (2025-06-04). Тӗрӗсленӗ: 2025 ҫулхи авӑнӑн 29-мӗшӗ.
  2. ^ Куренков, Александр Вячеславович. 2023 ҫулхи юпан 2-мӗшӗнче архивланӑ. Тӗрӗсленӗ: 2025 ҫулхи авӑнӑн 29-мӗшӗ.
  3. ^ Путин предложил на пост главы МЧС экс-сотрудника ФСО. Пӑхнӑ кун: 2022 ҫулхи ҫӑвӑн 23-мӗшӗ. Архивланӑ 2022 ҫулхи ҫӑвӑн 23-мӗшӗ.
  4. ^ Появились подробности о возможном кандидате на пост главы МЧС России. Пӑхнӑ кун: 2022 ҫулхи ҫӑвӑн 23-мӗшӗ. Архивланӑ 2022 ҫулхи ҫӑвӑн 23-мӗшӗ.
  5. ^ В Госдуме уточнили биографию кандидата на пост главы МЧС Куренкова. Пӑхнӑ кун: 2022 ҫулхи ҫӑвӑн 23-мӗшӗ. Архивланӑ 2022 ҫулхи ҫӑвӑн 23-мӗшӗ.
  6. ^ Путин предложил на пост главы МЧС экс-сотрудника ФСО. Тӗрӗсленӗ: 2025 ҫулхи авӑнӑн 29-мӗшӗ.
  7. ^ Путин выбрал нового главу МЧС. О нем известно только, что он из спецслужб. bbc. Пӑхнӑ кун: 2022 ҫулхи ҫӑвӑн 24-мӗшӗ. Архивланӑ 2022 ҫулхи ҫӑвӑн 24-мӗшӗ.
  8. ^ Песков: Путин хорошо знает предложенного на пост главы МЧС Александра Куренкова. Пӑхнӑ кун: 2022 ҫулхи ҫӑвӑн 24-мӗшӗ. Архивланӑ 2022 ҫулхи ҫӑвӑн 24-мӗшӗ.
  9. ^ Александр Куренков назначен главой МЧС. Пӑхнӑ кун: 2022 ҫулхи ҫӑвӑн 25-мӗшӗ. Архивланӑ 2022 ҫулхи ҫӑвӑн 25-мӗшӗ.
  10. ^ Президент подписал указы о назначении членов Правительства Российской Федерации и директоров служб. kremlin.ru (14 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  11. ^ Указ Президента Российской Федерации от 30.05.2022 № 327 «О внесении изменения в состав Совета Безопасности Российской Федерации, утверждённый Указом Президента Российской Федерации от 25 мая 2012 г. № 715». Пӑхнӑ кун: 2022 ҫулхи ҫӗртмен 8-мӗшӗ. Архивланӑ 2022 ҫулхи ҫӗртмен 4-мӗшӗ.
  12. ^ Указ Президента Российской Федерации от 21.10.2022 № 763 ∙ Официальное опубликование правовых актов (выр.). publication.pravo.gov.ru. Пӑхнӑ кун: 2025 ҫулхи авӑнӑн 29-мӗшӗ. Архивланӑ 2025 ҫулхи ҫӗртмен 21-мӗшӗ.
  13. ^ Садыр Жапаров наградил главу МЧС России орденом "Данк" — фото. Пӑхнӑ кун: 2025 ҫулхи авӑнӑн 29-мӗшӗ. Архивланӑ 2023 ҫулхи юпан 17-мӗшӗ.

Каҫӑсем

Темӑпа ҫыхӑннисем

Категорисем