Мягков Андрей Васильевич
Андрей Васильевич Мягков (1938 ҫулхи утӑн 8-мӗшӗ[1], Ленинград — 2021 ҫулхи нарӑсӑн 18-мӗшӗ[2], Мускав[3]) — совет тата Раҫҫей театрпа кино тата сасҫырав актёрӗ, театр режиссёрӗ, ҫыравҫӑ; РСФСР халӑх артисчӗ (1986), СССР патшалӑх премийӗн лауреачӗ (1977) тата пӗртӑван Васильевсен ячӗллӗ РСФСР патшалӑх премийӗн лауреачӗ (1979).
Тӑван Ҫӗршыв ӳнерӗн историне «саманан тӗп интеллектуаллӑ актерӗ» ятпа кӗнӗ, XX ӗмӗрти паллӑ киноартистсенчен пӗри.
Пурнӑҫӗпе ӗҫӗ-хӗлӗ
1938 ҫулхи утӑ уйӑхӗн 8-мӗшӗнче Ленинградра ҫуралнӑ.
Ашшӗ — Василий Дмитриевич Мягков (1908—1978), техника ӑслӑхӗсен кандидачӗ, Технологи институчӗн доценчӗ. Амӑшӗ — Зинаида Александровна Мягкова (1913—1989) — инженер-механик, Ленинградри полиграфи техникумӗнче 1946—1968 ҫулсенче ӗҫленӗ. Аппӑшӗ — Татьяна Васильевна Мягкова (1936).
Ашшӗ хистенипе Андрей Ленинград технологи институтне (халӗ — Санкт-Петербург патшалӑх технологи институчӗ(выр.)чăв.) вӗренсе пӗтернӗ, нумай вӑхӑт пластика массисен институтӗнче ӗҫленӗ. Театра юратакансем лартнӑ «Вӑрман юрри» спектакльте МХАТ шкул-студийӗн(выр.)чăв. педагогӗсенчен пӗри асӑрханӑ, вӑл ӑна хӑйсем патӗнче вӑй-халне тӗрӗслесе пӑхма сӗннӗ.
1965 ҫулта ӑнӑҫлӑ вӗренсе тухнӑ та (В. П. Марков курсӗ) тӳрех «Современник» театрӗн(выр.)чăв. актёрӗ пулса тӑнӑ.
Карьера
Театр ролӗсенчен пӗрремӗшӗ «Дядюшкин сон» постановкӑра Дядюшка ролӗ пулса тӑнӑ.
Театр сцени ҫинче Мягков ҫавӑн пекех «На дне», «Балалайкин и Ко», «Обыкновенная история», «Большевики» тата ытти нумай спектакльсенче вылянӑ.
Кинора пӗрремӗш хут 1965 ҫулта «Похождения зубного врача» кинокамитри Чесноков шӑл тухтӑрӗн сӑнарӗнче ӳкерӗннӗ. Чылай ҫул Эльдар Рязанов режиссёр патӗнче ӳкерӗннӗ, ҫав шутра «Ирония судьбы, или С лёгким паром!» , «Служебный роман», «Гараж» тата «Жестокий романс» фильмсенче. Пӗтӗм халӑх чапне илсен, чи малтан, камит актёрӗ пулнӑ май, театрта тата кинора пысӑк драма ролӗсене вылянӑ — Алёша («Братья Карамазовы», Иван Пырьев(выр.)чăв.), Алексей Турбин («Дни Турбиных», Владимир Басов), ӑсчах-карьерист Швырков («Послесловие», Марлен Хуциев(выр.)чăв.), «Современник» театрта Галина Волчек(выр.)чăв. лартнӑ «Обыкновенная история» спектакльте Александр Адуев, «На дне» спектакльте Барон.
1973 ҫулта Алексей Коренев(выр.)чăв. режиссёр Мягкова «Большая перемена» камит-телефильмӗнче Нестор Петрович ролӗнче ӳкерме килӗшмен, мӗншӗн тесен Мягков режиссёра услови лартнӑ — Светлана Афанасьевна вӗрентекенӗн сӑнарне хӑйӗн арӑмне Анастасия Вознесенскаяна выляттарма ыйтнӑ. Унашкал ыйтусем Мягков ытти режиссёрсене те тӑратнӑ, хӑшӗсем килӗшнӗ, ҫапла вара мӑшӑр 13 фильмра пӗрле ӳкерӗннӗ.
1965—1977 ҫулсенче — Мускаври «Современник» театрӗн артисчӗ.
Пысӑк чап ӑна «Ирония судьбы, или С лёгким паром!» (1976) фильм кӳнӗ, унта вӑл тӗп роле — Женя Лукашин сӑнарне — калӑпланӑ. 1976 ҫулта, «Ирония судьбы» проката тухсан, Андрей Мягкова «Советский экран» журнал ыйтӑмӗпе ҫулталӑкри чи лайӑх актёр тесе йышӑннӑ тата СССР Патшалӑх премине панӑ.
— Ку фильм ман карьера ҫине хӗрес лартрӗ, — тенӗ актёр. — Пурте мана алкоголик тесе шутлаҫҫӗ, чӑн пурнӑҫра эпӗ эрех-сӑра юратмастӑп пулин те, мунчана вара пачах кураймастӑп! Эпӗ ку фильма 20 ҫул хушши пӑхман ӗнтӗ. Кашни Ҫӗнӗ ҫул каҫӗнче ӑна кӑтартни куракана пусмӑрлани тетӗп.
1977 ҫулта МХАТ-а(выр.)чăв. куҫнӑ; 1987 ҫулта театр пайланнӑ хыҫҫӑн Олег Ефремовпа — А. П. Чехов ячӗллӗ МХТ-ра(выр.)чăв. юлнӑ, унта 2013 ҫулччен ӗҫленӗ.
МХАТ шкул-студинче вӗрентнӗ.
КВН Аслӑ лигинче жюри пайташӗ пулнӑ.
Виҫӗ детективлӑ роман авторӗ, хӑй каласа панӑ тӑрӑх, «арӑмне вулама интереслӗ литература ҫитменнипе ҫырнӑскерсем». Александр Бородянский сценарист Мягков кӗнеки тӑрӑх сериал ӳкернӗ, унӑн «Сивый мерин» детективӗсен трилогийӗ тухнӑ.
Харпӑр пурнӑҫ тата юлашки ҫулсем
1963 ҫултанпа мӗн ӗмӗрӗ вӗҫлениччен мӑшӑрӗ Анастасия Вознесенская(выр.)чăв. (1943—2022), актриса, РФ халӑх артистки (1997) пулнӑ. Вӗсен ачи-пӑчи пулман. Ачасем мӗншӗн ҫукки пирки ыйтсан Мягковпа Вознесенская ҫамрӑк чухне пуҫӗпех ӗҫе халалланӑ тесе хуравланӑ, мӗн те пулин урӑххи валли те вӑхӑт юлман-мӗн.
Портрет живопиҫӗпе кӑсӑкланнӑ. Тусӗн тата вӗрентекенӗн Олег Ефремовӑн, Михаил Горбачёвпа Галина Волчек портречӗсене ҫырнӑ. Юлашки ҫулсенче улах пурнӑҫ йӗркине тытса пынӑ, интервьюсем паман.
2010 ҫултанпа кинора ӳкерӗнмен, ҫакна Раҫҫей кинематографӗ американсенчен тӗслӗх илме пуҫланипе ӑнлантарнӑ:
Юлашки хут А. П. Чехов ячӗллӗ МХТ сцени ҫине хӑйӗн мӑшӑрӗпе, Анастасия Вознесенская актрисӑпа, 2013 ҫулхи ҫу уйӑхӗнче «Шурӑ кролик» спектакльте тухнӑ.
Андрей Мягков Мускавра 2021 ҫулхи нарӑсӑн 18-мӗшӗнче пурнӑҫӗн 83-мӗш ҫулӗнче вилнӗ. Вилӗм сӑлтавӗ — чӗре ҫитменлӗхӗ.
2021 ҫулхи нарӑсӑн 20-мӗшӗнче А. П. Чехов ячӗллӗ МХТ-ра сывпуллашу церемонийӗ иртнӗ. Ӑна Троекурово масарӗнче(выр.)чăв. хӑйӗн тусӗ, РСФСР халӑх артисчӗ Валентин Гафт вил тӑприпе юнашар пытарнӑ.
Пултарулӑх
Театр
«Современник» Мускав театрӗ (1965—1977)
- 1965 — «Голый король», Е. Л. Шварц. Режиссёрсем: О. Ефремов тата М. Микаэлян — Генрих (спектакле кӗртнӗ);
- 1965 — «Белоснежка и семь гномов», Лев Устинов, Олег Табаков. Режиссёр: О. П. Табаков — Воскресенье (спектакле кӗртнӗ);
- 1965 — «Всегда в продаже», В. П. Аксёнов. Режиссёр: О. Ефремов — Евгений Кисточкин;
- 1966 — «Ночная повесть», Кшиштоф Хоиньски. Режиссёр: Владимир Салюк — Марек, фотограф;
- 1966 — «Обыкновенная история», В. С. Розов А. И. Гончаровӑн романӗпе. Режиссёр: Г. Волчек — Александр Адуев, Поспелов;
- 1967 — «Большевики», М. Ф. Шатров. Режиссёрсем: О. Ефремов тата Г. Волчек — Покровский, Луначарский;
- 1967 — «Декабристы», Л. Г. Зорин. Режиссёр: О. Ефремов — Трубецкой Сергей Петрович;
- 1967 — «Народовольцы», А. П. Свободин. Режиссёр: О. Ефремов — Александр Михайлов;
- 1967 — «Баллада о невесёлом кабачке», Э. Олби. Эйви Эрлендссон (Исланди) лартнӑ — Лаймон;
- 1967 — «Традиционный сборник»; В. Розов. Режиссёр: О. Ефремов — Игорь;
- 1968 — «Мастера», Рачо Стоянов. Режиссёр: Вилли Цанков — Живко;
- 1968 — «На дне», М. Горький. Г. Б. Волчек лартнӑ — Барон, Актёр;
- 1971 — «Тоот, другие и майор», И. Эркень. В. Алов тата В. Наумов лартнӑ — Священник;
- 1973 — «Восхождение на Фудзияму», Ч. Айтматов тата К. Мухаметжанов. Режиссёр: Г. Волчек — Исабек Мергенов;
- 1973 — «Балалайкин и Ко», С. В. Михалков М. Е. Салтыков-Щедринӑн «Современная идиллия» романӗпе. Режиссёр: Г. Товстоногов — Редедя, ҫулҫӳревҫӗ ҫарпуҫ;
- 1974 — «Из записок Лопатина», К. М. Симонов. И. Райхельгауз лартнӑ — Вячеслав;
- 1974 — «Четыре капли», В. С. Розов. Валерий Фокин лартнӑ — Денисов;
- 1976 — «Вишнёвый сад», А. П. Чехов. Г. Б. Волчек лартнӑ — Трофимов Пётр Сергеевич, студент.
А. П. Чехов ячӗллӗ Мускав ӳнер театрӗ (1977—2013)
- 1977 — «Чайка», А. П. Чехов, Борис Ливанов — Треплев (спектакле кӗртнӗ);
- 1978 — «Три сестры», А. П. Чехов (реж. О. Ефремов) — Тузенбах;
- 1978 — «Утиная охота», А. Вампилов (реж. О. Ефремов) — Зилов;
- 1980 — «Чайка», А. П. Чехов (реж. О. Ефремов) — Треплев, Тригорин;
- 1985 — «Дядя Ваня», А. П. Чехов (реж. О. Ефремов) — Войницкий;
- 1987 — «Перламутровая Зинаида», М. Рощин (реж. О. Ефремов) — Аладьин;
- 1990 — «Иванов», А. П. Чехов (реж. О. Ефремов) — Лебедев Павел Кириллыч, ял управин председателӗ ( 1976 ҫулхи спектакле ҫӗнӗрен чӗртни);
- 1992 — «Горе от ума», А. С. Грибоедов (реж. О. Ефремов) — Репетилов;
- 1994 — «Борис Годунов», А. С. Пушкин (реж. О. Ефремов) — Мисаил;
- 1994 — «Мишин юбилей», А. Гельманпа Р. Нельсон (реж. О. Ефремов) — Валерий;
- 1997 — «Три сестры», А. П. Чехов (реж. О. Ефремов) — Кулыгин;
- 1997 — «Путь издалека», Я. Кабанеллис (реж. К. Хатзииоаннидис) — Пориотис;
- 1999 — «Привидения», Г. Ибсен (реж. Н. Скорик) — Пастор Мандерс;
- 2004 — «Мещане», М. Горький (реж. К. Серебренников) — Бессеменов;
- 2008 — «Белый кролик», М. Чейз (реж. Е. Каменькович) — Элвуд.
Режиссёр ӗҫӗсем
- 1989 — «Спокойной ночи, мама», Марк Норман, А. П. Чехов ячӗллӗ МХТ;
- 2002 — «Ретро», А. Галин, А. П. Чехов ячӗллӗ МХТ.
Фильмографи
| Ҫул | Ячӗ | Роль | |
|---|---|---|---|
| 1965 | ф | Похождения зубного врача | Сергей Петрович Чесноков, шӑл тухтӑрӗ |
| 1966 | ф | Симфония, рождённая заново | Вершинин, композитор |
| 1967 | ф | Бедная Лиза (телеспектакль) | Эраст |
| 1968 | ф | Братья Карамазовы | Алёша Карамазов |
| 1969 | ф | Старый дом (фильм, 1969) | Александр Герцен |
| 1971 | ф | Серебряные трубы | Аркадий Гайдар |
| 1972 | ф | На дне (телеспектакль) | Барон |
| 1972 | ф | Нежданный гость (фильм, 1972) | Нечаев |
| 1972 | ф | Гроссмейстер | Хлебников |
| 1973 | ф | Надежда (фильм, 1973) | Ленин |
| 1974 | тф | Моя судьба (фильм) | Сабуров, ЧК ӗҫченӗ |
| 1975 | ф | Страх высоты (фильм, 1975) | Антон Тихомиров |
| 1975 | тф | Ирония судьбы, или С лёгким паром! | Женя Лукашин, врач-хирург |
| 1975 | ф | Из записок Лопатина (фильм) | Вячеслав, Лопатин ҫыракан повеҫри сӑнар |
| 1976 | ф | Дни Турбиных (фильм) | Алексей Васильевич Турбин |
| 1976 | ф | Вы мне писали… | Юрий Звягин |
| 1976 | ф | Отпуск, который не состоялся | Юрий |
| 1977 | ф | Садись рядом, Мишка! | Генка ашшӗ |
| 1977 | ф | Служебный роман | Анатолий Ефремович Новосельцев, аслӑ статистик |
| 1979 | тф | Активная зона (фильм) | Артем Николаевич, обком секретарӗ |
| 1979 | ф | Гараж | Семён Александрович Хвостов, НИИ лаборанчӗ |
| 1979 | ф | Примите телеграмму в долг | Линёвӑн ашшӗ |
| 1979 | ф | Утренний обход (фильм) | Лёва Нечаев, врач |
| 1980 | ф | Расследование (фильм, 1980) | Ермилов |
| 1982 | ф | 4:0 в пользу Танечки | Пётр Семёнович, шкул директорӗ |
| 1983 | ф | Гонки по вертикали (фильм) | Станислав Тихонов, МУР инспекторӗ |
| 1983 | ф | Летаргия (фильм) | Бекасов |
| 1983 | ф | Оглянись! (фильм) | Психотерапевт |
| 1983 | ф | Послесловие | Владимир Швырков, ӑсчах |
| 1983 | ф | Не было бы счастья… (фильм, 1983) | Анатолий Бреднёв («Аскольд»), журналист |
| 1984 | ф | Полоса препятствий (фильм) | Виктор Петрович Корабельников |
| 1984 | ф | Жестокий романс (фильм) | Юлий Капитоныч Карандышев |
| 1986 | ф | Последняя дорога | Дубельт |
| 1986 | ф | Человек, который брал интервью | Нэли профессор |
| 1986 | ф | От зарплаты до зарплаты (фильм) | Павлищев |
| 1987 | ф | Свободное падение (фильм, 1987) | следователь |
| 1987 | ф | Ваш специальный корреспондент (фильм, 1987) | Ион Браниште |
| 1987 | ф | Кувырок через голову | Ася ашшӗ |
| 1992 | ф | На Дерибасовской хорошая погода, или На Брайтон-Бич опять идут дожди | Мишша тете («Артист»), вырӑс мафийӗн пуҫлӑхӗ |
| 1992 | ф | Виновата ли я… | Борисов |
| 1993 | ф | Осенние соблазны | Лангмайер |
| 1998 | ф | Контракт со смертью | Игнатовский врач-хирург |
| 1998 | с | Чехов и Ко («В пансионе» новелла) | Дырявин, математика вӗрентекенӗ |
| 2001 | ф | Сказ про Федота-стрельца | патша |
| 2004 | ф | 32 декабря (фильм) | Сергей Петрович |
| 2006 | ф | Кто приходит в зимний вечер | Николай Иванович Филаретов |
| 2007 | ф | Ирония судьбы. Продолжение | Евгений Михайлович Лукашин, Костя ашшӗ |
| 2010 | с | Туман рассеивается | Владимир Крючков, СССР Патшалӑх хӑрушсӑрлӑхӗн комитечӗн Пӗрремӗш тӗп управленийӗн пуҫлӑхӗ |
Сасӑ ҫырни
- 1980 — Фантазия на тему любви — Александр (Юрий Овчинников фигурист вылярнӑ роль);
- 1996 — Привет, дуралеи! — Юрий Каблуков / Огюст Дерулен (Вячеслав Полунин клоун вылянӑ рольсем).
Библиографи
- Сивый Мерин / М: АСТ, 2007 ISBN 978-5-17-049854-3 (переиздание — 2011 г.) (кӗнекепе пӗр ятлӑ сериал ӳкернӗ);
- Скрипка Страдивари, или Возвращение Сивого Мерина / М: АСТ, 2011 ISBN 978-5-17-075557-8;
- Осторожно, стекло! Сивый мерин. Начало. / М. Астрель, 2012 ISBN 978-5-271-43414-3.
Хисепӗсем
Ӳкерчĕк:Andrey Myagkov and Vladimir Putin.jpeg
Владимир Путин Туслӑх орденӗпе чысланӑ самант, 25.12.2013
Патшалӑх наградисем:
- РСФСР тава тивӗҫлӗ артисчӗ (1976, раштав, 31) — совет киноӳнерӗ енӗпе тава тивӗҫлӗ ӗҫсемшӗн;
- СССР патшалӑх премийӗ(выр.)чăв. (1977) — «Ирония судьбы, или С лёгким паром» фильмри Лукашин сӑнарӗшӗн;
- Пӗртӑван Васильевсен ячӗллӗ РСФСР патшалӑх премийӗ(выр.)чăв. (1979) — «Служебный романс» фильмри Новосельцев сӑнарӗшӗн;
- РСФСР халӑх артисчӗ (1986, раштав, 5) — совет театр ӳнерӗнчи тава тивӗҫлӗ ӗҫсемшӗн;
- Хисеп орденӗ (1998, утӑ, 8) — Тӑван Ҫӗршыв ӳнерӗн аталанӑвне пысӑк ӳсӗм кӳнӗшӗн;
- «Тӑван ҫӗршыв умӗнчи тава тивӗҫлӗ ӗҫсемшӗн» орденӑн IV степенӗ (2003, авӑн, 1) — Тӑван Ҫӗршыв ӳнерӗн аталанӑвне пысӑк тӳпе хывнӑшӑн;
- Раҫҫей Федерацийӗн Президенчӗн Тавӗ(выр.)чăв. (2008, ҫӗртме, 23) — театрпа кинематографи ӳнерне аталантарас ӗҫре пысӑк ҫитӗнӳсем тунӑшӑн;
- Туслӑх орденӗ (2013, раштав, 21) — тӑван культурӑпа искусствӑна аталантарас ӗҫре пысӑк ҫитӗнӳсем тунӑшӑн, нумай ҫул тухӑҫлӑ ӗҫленӗшӗн;
- «Тӑван ҫӗршыв умӗнчи тава тивӗҫлӗ ӗҫсемшӗн» орденӑ III степенӗ (2019, ҫу, 29) — тӑван культурӑпа искусствӑна аталантарас ӗҫе пысӑк тӳпе хывнӑшӑн, нумай ҫул тухӑҫлӑ ӗҫленӗшӗн.
Ытти наградӑсемпе премисем:
- «Балтийский дом» фестивалӗн Станиславский ячӗллӗ театр парни (1997, юпа, 3) — «Три сестры» спектакльти Кулыгин сӑнарӗшӗн, МХТ;
- «Чайка» театр премийӗ(выр.)чăв. (2004) — «Мещане» спектакльти (МХТ) сцена ҫинчи партнёрлӑхшӑн (партнёрӗ А. Б. Покровская пулнӑ);
- «Ылтӑн питлӗх» ятарлӑ преми «Театр ӳнерӗн аталанӑвне пысӑк тӳпе хывнӑшӑн» хисеплӗ номинацире (2021).
Астӑвӑм
Актёр пултарулӑхне тата астӑвӑмне халалланӑ документлӑ фильмсемпе телекӑларӑмсем :
- «Ирония судьбы Андрея Мягкова» («Пӗрремӗш канал», 2003);
- «Андрей Мягков. …И никакой иронии судьбы…» («Пӗрремӗш канал», 2011);
- «Другой Андрей Мягков» («Пӗрремӗш канал», 2013);
- «Андрей Мягков. «Тишину шагами меря …» («Пӗрремӗш канал», 2018);
- «О чём молчит Андрей Мягков» («ТВ Центр», 2018);
- «Ирония судьбы. С любимыми не расставайтесь…» («Пӗрремӗш канал», 2020).
Ӑнлантарусем
- ^ 1, 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #128926783 // Gemeinsame Normdatei (нем.) — 2012—2016.
- ^ 1, 2 РИА Новости (выр.) — Россия сегодня, 1941.
- ^ 1, 2 The Moscow Times (англ.) / H. Amos — Alexander Gubsky, 1992. — ISSN 1563-6275
Каҫӑсем
- Мягков Андрей Васильевич (выр.). mxat.ru. МХТ им. А. П. Чехова. Пӑхнӑ кун: 2025 ҫулхи юпан 14-мӗшӗ.
- Александр Куров. Мягков Андрей Васильевич (выр.). tass.ru. ТАСС. Пӑхнӑ кун: 2025 ҫулхи юпан 14-мӗшӗ.