Петров Вячеслав Петрович
Петров Вячеслав Петрович (1948 ҫулхи юпан 11-мӗшӗ, Шăпăрлăвар, Красноармейски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2007 ҫулхи раштавӑн 5-мӗшӗ, Мускав, Раҫҫей Федерацийӗ) — производствӑра малта пыракан. СССР патшалӑх премийӗн лауреачӗ (1986), Ӗҫ Мухтавӗн орденӗн тулли кавалерӗ[1].
Пурнӑҫӗпе ӗҫӗ-хӗлӗ
1948 ҫулхи юпа уйӑхӗн 11-мӗшӗнче Чӑваш АССРӗн Красноармейски районӗнчи Шӑпӑрлӑвар ялӗнче ҫуралнӑ.
Ямайкасси шкулӗнчен, Мӑн Шетмӗ вӑтам шкулӗнчен вӗренсе тухнӑ. Шкул хыҫҫӑн Красноармейски районӗнчи «Большевик» колхозра механизатор, 1969—1972 ҫулсенче Чӑваш АССРӗн Ҫӗрпӳ районӗнчи «Октябрь ҫулӗ» (халӗ — «Ҫӗрпӳ хыпарҫи») хаҫат корреспонденчӗ пулса вӑй хунӑ. 1967—1969 ҫулсенче Совет Ҫарӗн ретӗнче хӗсметре тӑнӑ.
1972 ҫултанпа Мускавра пурӑннӑ. 1972—1991 ҫулсенче И. А. Лихачёв ячӗллӗ заводӑн(выр.)чăв. шӑрату цехӗнче формовщик пулса ӗҫленӗ[1].
2007 ҫулхи раштавӑн 5-мӗшӗнче вилнӗ. Мускав хулин Домодедов ҫӑвинче пытарнӑ[2].
Хисепӗсем
- СССР патшалӑх премийӗн(выр.)чăв. лауреачӗ (1986);
- Ӗҫ Мухтавӗн орденӗн тулли кавалерӗ:
- 3-мӗш степеньлӗ Ӗҫ Мухтавӗн орденӗ (16.01.1981);
- 2-мӗш степеньлӗ Ӗҫ Мухтавӗн орденӗ (10.06.1986);
- 1-мӗш степеньлӗ Ӗҫ Мухтавӗн орденӗ (25.07.1991);
- медальсем[2].
Ӑнлантарусем
- ^ 1, 2 Н. Б. Малясова. Петров Вячеслав Петрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 1-мӗшӗ.
- ^ 1, 2 Петров Вячеслав Петрович. warheroes.ru. Пӑхнӑ кун: 2026 ҫулхи пушӑн 1-мӗшӗ.
Вуламалли
- Борисов, Ю. Пикшиксем хӑйсен ӗҫӗсемпе кӑмӑллӑ / Ю. Борисов, Г. Михайлова, А. Николаева // Ял пурнӑҫӗ (Красноармейски районӗ). — 2021. — 16 авӑн (№ 63/64). — С. 7 : сӑн ӳкерчӗк.
- Малясова, Н. Б. Петров Вячеслав Петрович / Н. Б. Малясова // Чувашская энциклопедия. — Чебоксары, 2011. — Т. 4 : Си-Я. — С. 782.
- Малясова, Н. Б. Петров Вячеслав Петрович / Н. Б. Малясова, В. М. Михайлов // Энциклопедия Красноармейского района. — Чебоксары, 2018. — С. 434.