Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петров Юрий Филиппович

РУВИКИ-ре ҫак хушаматлӑ ытти ҫынсем пирки те статьясем пур: Петров.

Юрий Филиппович Петров (1936 ҫулхи акан 19-мӗшӗ, Упи (Трак ен районĕ), Красноармейски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2012 ҫулхи ҫурлан 24-мӗшӗ, Иваново, Раҫҫей Федерацийӗ) — ветеринари ӑслӑхӗсен тухтӑрӗ (1981), профессор (1982), Раҫҫейри ялхуҫалӑх ӑслӑхӗсен академийӗн академикӗ (2005), паразитологи, паразитоценологи, выльӑхсен пӗрлехи чирӗсем тата экологи енӗпе паллӑ ӑсчах[1].

Нумай ҫул хушши диссертаци канашне ертсе пынӑ. Раҫҫейри ялхуҫалӑх ӑслӑлӑхӗсен академийӗн академикӗ (2005). Нумай ҫул хушши ВАК пайташӗ пулнӑ.

Пурнӑҫӗпе ӗҫӗ-хӗлӗ

1936 ҫулхи ака уйӑхӗн 19-мӗшӗнче Чӑваш АССРӗн Красноармейски районӗнчи Упи ялӗнче ҫуралнӑ.

1951 ҫулта Чӑваш АССРӗн Вӑрнарти ял хуҫалӑх техникумӗн ветеринари уйрӑмӗнче вӗреннӗ, ӑна пӗтернӗ хыҫҫӑн, чи лайӑх вӗренекенсенчен пӗри пулнӑ май, Ленинградри ветеринари институтне(выр.)чăв. вӗренме янӑ, ӑна 1960 ҫулта ана хӗрлӗ дипломпа вӗренсе пӗтернӗ[1].

Карьера

  • 1960—1961 ҫҫ. — Ленинград облаҫӗнчи «Хӗрлӗ сухаҫӑ» совхозӑн тӗп ветеринари тухтӑрӗ;
  • 1962—1963 ҫҫ. — Казах ССРӗнчи Кокчетав облаҫӗнчи «Арык-Балыкский» совхозӑн тӗп ветеринари тухтӑрӗ;
  • 1962—1963 ҫҫ. — Кокчетав облаҫӗн ветеринари пайӗн пуҫлӑхӗн ҫумӗ;
  • 1963—1964 ҫҫ. — Чӑваш АССРӗн ветеринари лабораторийӗн пай пуҫлӑхӗ;
  • 1965—1974 ҫҫ. — аспирант, Пӗтӗм Раҫҫейри кайӑк-кӗшӗк чирӗсен НИИ (Ленинград) ӑслӑлӑх ӗҫченӗ;
  • 1974 ҫултанпа — Иваново патшалӑх ял хуҫалӑх академинче, ассистентран пуҫласа (1977 ҫулччен) паразитологи кафедрин пуҫлӑхӗ[1].

Ӑслӑлӑх ӗҫӗ-хӗлӗ

Ӑсчахӑн тӗпчев ӗҫӗ-хӗлне гельминтсен биологине, эпизоотологине, патогенезне, гельминтозсен клиникине тӗпчессине халалланӑ. 3 ҫӗнӗ антгельминтик шутласа кӑларнӑ. 500 ытла ӑслӑлӑх ӗҫӗн, ҫав шутра 10 монографи, федераци шайӗнчи 16 рекомендаци, 30 свидетельство тата ӑслайлӑх 2 патент авторӗ. Вӑл ертсе пынипе 26 доктор тата 69 кандидат диссертацине хатӗрленӗ. РФ ВАК эксперт канашӗн пайташӗ, Иваново патшалӑх ял хуҫалӑх академийӗ ҫумӗнчи диссертаци канашӗн председателӗ, Чӑваш патшалӑх ял хуҫалӑх академийӗн диссертаци канашӗн председателӗн ҫумӗ, РАСХН ветеринари медицинин уйрӑмӗн бюро пайташӗ, «Ял хуҫалӑх чӗрчунӗсен инвази чирӗсем» секци председателӗн ҫумӗ пулнӑ[2].

1993 ҫулта Раҫҫей ялхуҫалӑх академийӗн ветеринари медицинин уйрӑмӗн член-корреспондентне, 2005 ҫулта — академикне (гельминтологи) суйланӑ[2].

1985 ҫулта КПСС партине кӗнӗ, унтан КПРФ партинче тӑнӑ, хӑйӗн кунӗсем вӗҫлениччен те унтан тухман.

Паллӑ ӗҫӗсем

  • Петров Ю. Ф. Паразитоценозы и ассоциативные болезни сельскохозяйственных животных. — Л.: Агропромиздат. Ленингр. отд-ние, 1988. — 176 с. — (Библиотечка практического ветеринарного врача). — 36 000 экз. — ISBN 5-10-000062-7.
  • Петров Ю. Ф. Функциональная активность желёз внутренней секреции при гельминтозах животных. — Иваново, 1992.
  • Петров Ю. Ф. Ассоциативные болезни свиней и их профилактика. — Иваново, 1994. — 55 с.
  • Петров Ю. Ф., Большакова А. Ю. и др. Научно обоснованная система профилактики паразитарных болезней животных в хозяйствах Костромской области / Адм. Костром. обл.. — Кострома, 1996. — 75 с.
  • Петров Ю. Ф., Ащеулов В. И. Шмели — опылители сельскохозяйственных растений в теплицах. — Иваново, 2001. — 233 с.
  • Петров Ю. Ф., Гудкова А. Ю., Ащеулов В. И. Болезни шмелей. — Иваново, 2003. — 107 с[3].

Хисепӗсем

  • Раҫҫей Федерацин тава тивӗҫлӗ ӑслӑлӑх ӗҫченӗ (1994);
  • К. И. Скрябин ячӗллӗ ылтӑн медаль(1998);
  • Раҫҫейри ялхуҫалӑх куравӗн 7 ылтӑн, 6 кӗмӗл, 5 йӗс медалӗсем тата 7 диплом;
  • Халӑхсем хушшинчи информатизаци академийӗн академикӗ (1994);
  • Санкт-Петербургри патшалӑх ветеринари медицина институчӗн хисеплӗ докторӗ (2001);
  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн(выр.)чăв. 2-мӗш степенӗ (2007)[4];
  • Чӑваш Республикин Патшалӑх Канашӗн Хисеп хучӗ (2006)[1].

Ҫемье

  • Ашшӗ — Филипп Петрович Петров — Тӑван Ҫӗршывӑн Аслӑ вӑрҫине хутшӑннӑ.
  • Амӑшӗ — Елизавета Кирилловна Петрова — «Ача амӑшӗ-героиня» ордена тивӗҫнӗ.
  • Ҫемьере 10 ача пулнӑ, пиллӗкӗшӗ вӑрҫӑччен ҫуралнӑ, пиллӗкӗшӗ — вӑрҫӑ хыҫҫӑн.
  • Пӗртӑванӗсенчен пӗри — Вениамин Филиппович Петров (1930—1999) — медицина ӑслӑхӗсен докторӗ, профессор[5].
  • Хӗрӗ — Гудкова Алла Юрьевна — ветеринари ӑслӑлӑхӗсен докторӗ, профессор.

Ӑнлантарусем

  1. ^ 1, 2, 3, 4 Н. И. Косяев. Петров Юрий Филиппович (выр.). Чувагшская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 1-мӗшӗ.
  2. ^ 1, 2 Петров, Юрий Филиппович (ученый-паразитолог; 19.04.1936-24.08.2012) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи пушӑн 17-мӗшӗ.
  3. ^ Петров Юрий Филиппович (выр.). https://acad.cnshb.ru. Пӑхнӑ кун: 2026 ҫулхи пушӑн 17-мӗшӗ.
  4. ^ Указ Президента Российской Федерации от 21.09.2006 г. № 1039. Тӗрӗсленӗ: 2026 ҫулхи пушӑн 1-мӗшӗ.
  5. ^ Елена Тры. Был профессионалом и стремился помочь людям (выр.). Советская Чувашия (7 ҫӑвӑн 2019). Пӑхнӑ кун: 2026 ҫулхи пушӑн 1-мӗшӗ.

Вуламалли

  • Артемьев, И. Ю. Ф. Петров профессор — 60 ҫулта / И. Артемьев // Ял пурнӑҫӗ (Красноармейски районӗ). — 1996. — 14 май.
  • Борзин, Г. Ҫуралнӑ тӑрӑх — ҫӗр-шыв мухтавӗ / Г. Борзин ; О. Макарова сӑн ӳкерчӗкӗ // Ял пурнӑҫӗ (Красноармейски районӗ). — 2014. — 20 ҫу. — С. 3 : сӑн ӳкерчӗк.
  • Борисов, Ю. Атте — ҫемье пуҫӗ, ҫул маякӗ, вӗрентекен… : [Красноармейски районне кӗрекен Упи ялӗнчи Петровсен ҫемйи ҫинчен] / Ю. Борисов, Г. Михайлова, А. Николаева // Ял пурнӑҫӗ (Красноармейски районӗ). — 2019. — 6 ҫурла. — С. 2 : сӑн ӳкерчӗк.
  • Борисов, Ю. Пӗр килтен икӗ академик тухнӑ / Ю. Борисов // Ял пурнӑҫӗ (Красноармейски районӗ). — 2022. — 12 ҫу/май (№ 18). — С. 6 : сӑн ӳкерчӗксем.
  • Данилов, В. Ентеш-ӑслӑлӑхҫӑ — ҫитмӗлте / В. Данилов // Ял пурнӑҫӗ (Красноармейски районӗ). — 2006. — 18 ака.
  • Косяев, Н. Ветеринари докторӗ / Н. Косяев // Ял пурнӑҫӗ (Красноармейски районӗ). — 2012. — 21 авӑн. — С. 2.
  • Листопад, Ю. Ентеш халӗ академик / Ю. Листопад // Хыпар. — 2005. — 3 пуш.
  • Сидоров, П. Ашшӗ-амӑшӗн пилӗпе / П. Сидоров // Хыпар. — 2007. — 6 раштав.
  • Славин, Г. Петров академике хапӑл турӗҫ / Г. Славин // Хыпар. — 1997. — 25 чӳк.
  • Косяев, Н. И. Петров Юрий Филиппович / Н. И. Косяев // Краткая чувашская энциклопедия. — Чебоксары, 2001. — С. 322—323.
  • Косяев, Н. И. Петров Юрий Филиппович / Н. И. Косяев // Чувашская энциклопедия. — Чебоксары, 2009. — Т. 3 : М-Се. — С. 415.
  • Косяев, Н. И. Петров Юрий Филиппович / Н. И. Косяев // Энциклопедия Красноармейского района. — Чебоксары, 2018. — С. 439.
  • Петров Юрий Филиппович // Красноармейский район. Люди и судьбы : [энцикл.]. — Чебоксары, 2005. — С. 68.
  • Тры, Е. Был профессионалом и стремился помочь людям / Е. Тры // Советская Чувашия. — 2019. — 7 мая (№ 48). — С. 3 : фот.

Каҫӑсем

Категорисем