Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петухов Владимир Дмитриевич

Disambig gray.svg Петухов хушаматлă урăх çынсем çинчен РУВИКИ-ре статьясем пур.
Disambig gray.svg Петухов Владимир хушаматлă урăх çынсем çинчен РУВИКИ-ре статьясем пур.

Петухов Владимир Дмитриевич (1912 ҫулхи утӑн 15-мӗшӗ, Явӑш, Чикме уесӗ — 2004 ҫулхи нарӑсӑн 4-мӗшӗ, Тӑрмӑш, Тӑвай районӗ[1]) — Тӑван Ҫӗршывӑн Аслӑ вӑрҫине хутшӑннӑ ҫын, парти ӗҫченӗ[2].

Пурнӑҫӗпе ӗҫӗ-хӗлӗ

Ялти икӗ класлӑ шкулта пӗлӳ илнӗ, кайран Шупашкарти икӗ класлӑ шкулта вӗреннӗ, Горький ял хуҫалӑх институтӗнчи агрономи факультетне вӗренсе пӗтернӗ[3].

Колхозра счетовод пулса ӗҫленӗ, 1931–1936 ҫулсенче Шӑхасанти МТС-ра тӗп агроном ӗҫне пурнӑҫланӑ. 1937–1938 ҫулсенче Хӗрлӗ Ҫарта хӗсметре пулнӑ.

1938–1940 ҫулсенче Тӑвайри тырӑ сорчӗсене тӗрӗслекен участокӑн заведующий ҫумӗ, 1940_1941 ҫулсенче унтах заведующий пулса ӗҫленӗ.

1941–1945 ҫулсенче Тӑван Ҫӗршывӑн Аслӑ вӑрҫине хутшӑннӑ, ҫар техникин ротипе взвод командирӗ пулнӑ.

Вӑрҫӑран таврӑнсан 1945–1955 ҫулсенче Тӑвайри тырӑ сорчӗсене тӗрӗслекен участокӑн заведующийӗн ӗҫне пурнӑҫланӑ, кайран Тӑвай МТСӗн район агрономӗ пулнӑ. 1955 ҫулта ӑна Тӑвари КПСС райкомӗн секретарьне лартнӑ. 1957 ҫулта Тӑвай МТСӗн парти бюровӗн секретарӗ пулма шаннӑ.

1958–1959 ҫулсенче Тӑвай районӗн ял хуҫалӑх инспекцийӗн начальникӗ пулнӑ. Ленин ячӗллӗ тата Лачкассинчи «Звезда» колхозсене пӗрлештернӗ хыҫҫӑн ӑна пӗрлешнӗ хуҫалӑхӑн председателӗ пулма шаннӑ, кунта вӑл 7 ҫул ҫак ӗҫе пурнӑҫланӑ[3]. 1966–1973 ҫулсенче Тӑвайри ял хуҫалӑх управленийӗн район агрономӗ пулса ӗҫленӗ.

1957, 1961 ҫулсенче Чӑваш АССРӗн Аслӑ Канашӗн депутачӗ пулнӑ.

Хисепӗсем

Владимир Дмитриевич ҫак хисепсене тивӗҫнӗ:

  • Чӑваш АССРӗн тава тивӗҫлӗ агрономӗ (1960)[4];
  • РСФСР тава тивӗҫлӗ агрономӗ;
  • «Тӑван Ҫӗршыв вӑрҫин» II степеньлӗ орденӗ (1985)[1];
  • «Хисеп палли» орденӗ (1966)[1];
  • Жуков медалӗ;
  • «Ӗҫ ветеранӗ» медаль;
  • 7 юбилейлӑ медаль;
  • Чӑваш АССРӗн Аслӑ Канашӗн Хисеп хучӗ (2 хут).

Ӑнлантарусем

  1. ^ 1, 2, 3 http://энциклопедии.наследиечувашии.рф/a/article/4877.html
  2. ^ Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 319. — 505 с.
  3. ^ 1, 2 https://yantik.cap.ru/news/2015/04/10/galereya-slavi-ih-boevoj-i-trudovoj-podvigi-bessme
  4. ^ http://энциклопедии.наследиечувашии.рф/a/article/4877.html

Вуламалли

  • Н.М. Яклашкин. Тӑван енӗн сумлӑ ҫыннисем. Иккӗмӗш кӗнеке. — Шупашкар, 2001.
  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 319. — 505 с.
  • Энциклопедия Янтиковского района = Тӑвай районӗн энциклопедийӗ. — «Новое время», 2020. — Т. 1. — 636 с. — ISBN 978-5-907246-52-2.

Каҫӑсем

Категорисем