Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Пукаш Анатолий Владимирович

Максимов Анатолий Владимирович (псевдонимӗ Пукаш; ҫур. 1946 ҫулхи юпан 2-мӗшӗ, Вăта Пукаш, Сӗнтӗрвӑрри районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2024 ҫулхи ҫӑвӑн 3-мӗшӗ, Вăта Пукаш, Сӗнтӗрвӑрри районӗ, Чӑваш Республики — Чӑваш Ен, Раҫҫей Федерацийӗ) — чӑваш ҫыравҫи, сӑвӑҫи, таврапӗлӳҫи, право органӗсен ӗҫченӗ. Раҫҫей Ҫыравҫисен пӗрлешӗвӗн пайташӗ (2003), Раҫҫей Журналисчӗсен пӗрлешӗвӗн пайташӗ (2003), А. Канаш ячӗллӗ преми лауреачӗ (2006), Чӑваш Республикинн хисеплӗ таврапӗлӳҫи[1].

Кун-ҫулӗ

1946 ҫулхи юпан 2-мӗшӗнче Чӑваш АССРӗн Сӗнтӗрвӑрри районӗнчи Вӑта Пукаш ялӗнче ҫуралнӑ[2]. Ултӑ ачаран чи кӗҫӗнни пулнӑ[2].

1965 ҫулта Хуракасси вӑтам шкулне вӗренсе пӗтернӗ те ҫара кайнӑ. Чӑваш АССРӗн обкомӗн ВЛКСМ путевкипе В. И. Чапаев ячӗллӗ дивизине лекнӗ[2][3]. 1966 ҫулта Вольски аслӑ ҫар училищине вӗренме кӗнӗ. Училищӗре вӗреннӗ вӑхӑтра аманнӑ та вӗренӗве пӑрахма тивнӗ[2].

Ҫар хыҫҫӑн МВД органӗсенче ӗҫленӗ. Чӑваш АССРӗн Шалти ӗҫсен министерствин ятарлӑ шкулне, Елабугӑри СССР МВД шкулне, кайран И. Н. Ульянов ячӗллӗ Чӑваш патшалӑх университетне вӗренсе пӗтернӗ[1]. 1969–1996 ҫулсенче Чӑваш Республикин ШӖМ тытӑмӗнче хӗсметре тӑнӑ. Чукоткӑри УВД-ра участковӑй уполномоченнӑй милиционер пулса темиҫе ҫул ӗҫленӗ[1]. 2006–2008 ҫулсенче Чӑваш Республикин коррупцие хирӗҫ кӗрешекен комиссин аслӑ инспекторӗ пулнӑ[1].

2024 ҫулхи майӑн 3-мӗшӗнче вилнӗ[1].

Пултарулӑхӗ

1960 ҫултанпа Сӗнтӗрвӑрри районӗнчи «пирӗн сӑмах» хаҫатӑн ялкорӗ пулнӑ[1]. Сӑвӑсем, очерксем тата калавсем ҫырнӑ. Пукаш литература псевдонимпа паллӑ. Тӑван ялӗн историйӗ ҫинчен, хресченсем ҫинчен материал пухнӑ[1].

30 ытла кӗнеке авторӗ[2]. Вӗсем хушшинче:

  • «На Чукотке»;
  • «По следам родства»;
  • «Марпосадцы на невидимом фронте»;
  • «Славные земляки вдоль Аниша и Цивиля»;
  • «Вспоминая пройденные годы»;
  • «Писатели в погонах»;
  • «Бичуринско-Бокашевская сторона» (Грековпа пӗрле ҫырнӑ).

Пӗрлӗх ӗҫӗ

В. И. Чапаев музейӗнчи Чапаевецсен пӗрлешӗвӗн пӗрремӗш ертӳҫи пулнӑ[3]. Сӗнтӗрвӑрри районӗнчи таврапӗлӳҫӗсен пӗрлешӗвӗн ертӳҫи, Сӗнтӗрвӑррисен ентешлӗхӗн председатель ҫумӗ, Чӑваш Республикин Чапаев дивизийӗн ветеранӗсен канашӗн председателӗ пулнӑ[2].

Хисепӗсем

  • «СССР МВД отличникӗ» паллӑ (1971);
  • А. Канаш ячӗллӗ преми (2006);
  • Чӑваш Республикин хисеплӗ тарвапӗлӳҫи[2].

Ҫемйи

  • Арӑмӗ — Максимова Людмила Сергеевна. Пӗрле 55 ҫул ытла пурӑннӑ[4].
  • Икӗ ывӑл, мӑнуксем[4].

Ӑнлантарусем

  1. ^ 1, 2, 3, 4, 5, 6, 7 Максимов, Анатолий Владимирович. Наследие Чувашии. Пӑхнӑ кун: 2026 ҫулхи утӑн 9-мӗшӗ.
  2. ^ 1, 2, 3, 4, 5, 6, 7 Максимов (Пукаш) Анатолий Владимирович. Respublika21. Пӑхнӑ кун: 2026 ҫулхи утӑн 9-мӗшӗ.
  3. ^ 1, 2 В Чебоксарах открывается выставка из серии «Современные чапаевцы». ИА REGNUM (5 юпан 2006). Пӑхнӑ кун: 2026 ҫулхи утӑн 9-мӗшӗ.
  4. ^ 1, 2 Фольклорный коллектив «Сентреш» поздравил Максимовых с изумрудной свадьбой. Централизованная библиотечная система Мариинско-Посадского района (31 ҫӑвӑн 2023). Пӑхнӑ кун: 2026 ҫулхи утӑн 9-мӗшӗ.

Вуламалли

  • Ӑсан Уҫӑпӗ. Паян пурӑнакансемшӗн, килес ӑрусемшӗн / Ӑсан Уҫӑпӗ // Хыпар. — 2011. — 1 нарӑс. — С. 3.
  • Краснова, Г. Пуҫ усмасть ветеран / Г. Краснова ; Т. Наумова сӑн ӳкерчӗкӗ // Пирӗн сӑмах = Наше слово (Сӗнтӗрвӑрри районӗ). — 2021. — 13 чӳк (№ 86). — С. 4 : сӑн ӳкерчӗк.
  • Михайлова, Р. Шкул ҫулӗсенче ҫуралнӑ ӑсталӑх / Р. Михайлова // Пирӗн сӑмах = Наше слово (Сӗнтӗрвӑрри районӗ). — 2018. — 13 юпа. — С. 2 : сӑн ӳкерчӗк.
  • Нестерова, О. «Сисмесӗрех 55 ҫул иртрӗ» / О. Нестерова ; автор сӑн ӳкерчӗкӗ // Пирӗн сӑмах = Наше слово (Сӗнтӗрвӑрри районӗ). — 2023. — 9 ҫӗртме (№ 22). — С. 5 : сӑн ӳкерчӗк
  • Борзунина, Т. Г. Щедрость чувашского сердца / Т. Борзунина // Наше слово=Пирӗн сӑмах. (Мариинско-Посад. р-н). — 2007. — 12 дек. — С. 6.
  • Карпова, С. И. Максимов Анатолий Владимирович (Пукаш) / С. И. Карпова // Энциклопедия Мариинско-Посадского района. — Чебоксары, 2023. — С. 266 : фот.
  • Михайлова, Р. А. Пукаш — краевед, писатель / Р. Михайлова // Наше слово = Пирӗн сӑмах (Мариинско-Посад. р-н). — 2016. — 7 сент. — С. 1.
  • Максимов Анатолий Владимирович (Пукаш) // Энциклопедия чувашской журналистики и печати. — Чебоксары, 2014. — С. 251.
  • Ялгир, П. Пугаш (Максимов) Анатолий Владимирович / П. Ялгир // Литературный мир Чувашии / П. Ялгир. — Чебоксары, 2005. — С. 93-94.

Каҫӑсем

Категорисем