Социализмла Ӗҫ Паттӑрӗ
Социализм Ӗçĕн Паттăрĕ́ — 1938 — 1991 çулсенчи ССРП гражданинĕн ĕçре палăрнăшăн чи çӳллĕ степенлĕ ССРП чыславĕ.
Социализм Ӗçĕн Паттăрĕсене Ленин орденӗпе, «Çурлапа Мăлатук» медалĕпе тата ССРП АК Президиумĕн грамотипе тивĕçтернĕ, вĕсене Социализм Ӗçĕн Паттăрĕ хисепе темиçе хут та тивĕç тума пултарнă.
Истори
Социализм Ӗçĕн Паттăрĕн пĕрремĕш чыслă ятне 1939 çулта Иосиф Сталин тивĕç пулнă.
Историре Паттăра тивĕçлĕ пулнă юлашки çын, Казахстанри опера юрăçи Б. Тулегенова, ăна 1991 çулхи раштавăн 21-мĕшĕнче ССРП президенчĕн № УП-3122 хутайĕпе чысланă.[1][2] Халĕ Раççей Ӗç Паттăрĕ тивĕçе пурнăçа кĕртес ыйтăва сӳтсе яваççĕ.[3]
Кăсăклă хыпарсем
- ССРП историнче виçĕ хутчен Социализм Ӗçĕн Паттăрĕ чыслă ята 16 çын тивĕçнĕ: А. П. Александров, Я. Б. Зельдович, М. В. Келдыш, И. В. Курчатов, Ю. Б. Харитон, К. И. Щёлкин академиксем, А. Н. Туполев тата С. В. Ильюшин авиаконструкторсем, йывăр танксен конструкторĕ Н. Л. Духов, хӳтĕлев промăçлăхне йĕркелекенсем Б. Л. Ванников тата Е. П. Славский, колхоз председателĕ Х. Турсункулов, Казахстан КП ТК пĕрремĕш секретарĕ Д. А. Кунаев тата ССКП ТК Тĕп секретарĕК. У. Черненко; унсăр пуçне ССКП ТК пĕрремĕш секретарĕ Н. С. Хрущёв виçĕ хутчен Социализм Ӗçĕн Паттăрĕсĕр пуçне Совет Союзӗн Паттӑрӗ пулнă, виçĕ хутчен Социализм Ӗçĕн Паттăрĕ А. Д. Сахаров совет влаçне хирĕç пулнăшăн ССРП Аслă Канашĕн Хушăвĕпе çак чыслă ятсене, виçĕ «çурлапа Мăлатук» медале тавăрма тивнĕ.
- Хăшпĕр Социализм Ӗçĕн Паттăрĕсем çаплах Совет Союзӗн Паттӑрӗ пулнă. Вĕсенчен чи паллăраххисем: Совет Союзĕн Маршалĕ Д. Ф. Устинов (икĕ хутчен Социализм Ӗçĕн Паттăрĕ тата Совет Союзĕн Паттăрĕ); ССРП Аслă Канаш Президиумĕн Ертӳçи Совет Союзĕн Маршалĕ К. Е. Ворошилов (Социализм Ӗçĕн Паттăрĕ тата икĕ хутчен Совет Союзĕн Паттăрĕ пулнă), ССКП ТК Тĕп секретарĕ Л. И. Брежнев Социализм Ӗçĕн Паттăрĕ тата тăватă хутчен Совет Союзĕн Паттăрĕ пулнă.
- ССРП богема тата артист хутлăхĕнче Социализм Ӗçĕн Паттăрне «Гертруда» тенĕ.[4]
Ҫавӑн пекех пӑхӑр
- Совет Союзӗн Паттӑрӗ
- Раççей Федерацин Паттăрĕ
- Социализмла Ӗҫ Паттӑрӗ (сӑмах йышӗ) — ҫак хисепе тивӗҫнӗ ҫынсен списокӗ.
- Чӑваш Республикин Социализмла Ӗҫ Паттӑрӗсем
Ӑнлантарусем
- ^ УКАЗ Президента СССР от 21.12.1991 № УП-3122 «О ПРИСВОЕНИИ ТУЛЕГЕНОВОЙ Б. А. ЗВАНИЯ ГЕРОЯ СОЦИАЛИСТИЧЕСКОГО ТРУДА»
- ^ Герой Социалистического Труда. История медали 2012 ҫулхи раштавӑн 26-мӗшӗнче архивланӑ.
- ^ В России возродят звание Герой Труда( ӗҫлемен каҫӑ)//Российская газета. 20.09.2007
- ^ Сарнов Б. М. Наш советский новояз. М.: Материк, 2002. — ISBN 5-85646-059-6 — С. 184
Каçăсем
- Положение об орденах, медалях и почётных званиях 2006 ҫулхи юпан 7-мӗшӗнче архивланӑ.
- Колесников Г., Рожков А. «Ордена и медали СССР»