Степанов Валериан Фёдорович

1935 ҫулхи раштавӑн 15-мӗшӗнче Чӑваш АССРӗн Элӗк районӗнчи Мӑн Тукташ (Тукташ) ялӗнче ҫуралнӑ.

Мӑн Тукташри 7 ҫул вӗренмелли шкултан (1950), Ҫӗмӗрлери 1-мӗш вӑтам шкултан (1954), И. Я. Яковлев ячӗллӗ Чӑваш патшалӑх педагогика институчӗн историпе филологи факультетӗнчен (1959) вӗренсе тухнӑ.

Пурнӑҫне педагогикӑпа, журналистикӑпа тата патшалӑх ӗҫӗпе ҫыхӑнтарнӑ:

• 1959—1962 ҫулсенче — Тӑвай районӗнчи Енӗш Нӑрвашри вӑтам шкулта вырӑс чӗлхипе литература учителӗ,
• 1962—1972 ҫулсенче — Канаш хулипе районӗн «За коммунизм» пӗрлештернӗ хаҫачӗн редакцийӗнче: литература сотрудникӗ, куҫаруҫӑ, редактор ҫумӗ, хаҫат редакторӗ,
• 1972—1975 ҫулсенче — КПСС Канаш райкомӗн пай заведующийӗ.

1975—1993 ҫулсенче «Коммунизм ялавӗ» хаҫатра вӑй хунӑ:

• 1975—1977 ҫулсенче — пропаганда пайӗн корреспонденчӗ,
• 1977—1986 ҫулсенче — совет строительствипе пурнӑҫӗн пайӗн ертӳҫи,
• 1986—1988 ҫулсенче — яваплӑ секретарь,
• 1988—1991 ҫулсенче — тӗп редактор ҫумӗ,
• 1991—1993 ҫулсенче — совет ӗҫӗпе правин пайӗн редакторӗ.

1993—1994 ҫулсенче Чӑваш Республикин Тӗп патшалӑх архивӗнче публикацисемпе документсене усӑ курас пай ертӳҫи пулнӑ.

1994—1996 ҫулсенче – Элӗк районӗн «Ленин ҫулӗпе» (1996 ҫултан — «Пурнӑҫ ҫулӗпе») хаҫачӗн тӗп редакторӗ^[1].

Таврапӗлӳҫӗ, Элӗк район музейне йӗркелеме хастар хутшӑннӑ.

В. Степанов «Чӑваш Республикин Президенчӗн библиотеки» ярӑмпа тухнӑ «Военачальники»^[2] , ҫавӑн пекех «Страницы немеркнущей славы», «Краткая чувашская энциклопедия» кӗнекесене хатӗрленӗ ҫӗре хутшӑннӑ. Элӗк районӗн энциклопедин редакци коллегийӗн пайташӗ пулнӑ.

Уйрӑмах паллӑ ӗҫӗсем:

• Кудявнин, В. И., Степанов, В. Ф. Адмиралы — наши земляки / В. И. Кудявнин, авт. В. Ф. Степанов. - Чебоксары : [б. и.], 2001. - 56 с. : ил.^[3]
• Степанов, В. Ф. Валериан Степанов журналист Элӗксем ҫинчен ҫырнисем / В. Ф. Степанов. — Шупашкар, 2006. — 47 с.

• Чӑваш Республикин тава тивӗҫлӗ культура ӗҫченӗ (2005):
• «Ҫерем ҫӗрсене уҫнӑшӑн» медаль (1957);
• «Хастар ӗҫленӗшӗн. В. И. Ленин ҫуралнӑранпа 100 ҫул ҫитнине халалласа» медаль (1970);
• «Ӗҫ ветеранӗ» медаль (1985);
• «СССР лётчик-космонавчӗ А. Г. Николаев» медаль (2005);
• Чӑваш АССРӗн Аслӑ Канашӗн Президиумӗн Хисеп грамоти;
• КПСС Чӑваш обкомӗн тата Чӑваш АССР Министрсен Канашӗн Хисеп грамоти (1978);
• Чӑваш Республикин Журналистсен союзӗн Хисеп грамоти;
• Чӑваш халах академикӗ (2005),
• В. Ф. Степанов ячӗллӗ литература премийӗн лауреачӗ.

• 2006 ҫулта Раҫҫей ДОСААФӗн Чӑваш регион уйрӑмӗ унӑн историйӗпе кунҫулӗ ҫинчен ҫырнӑ чи лайӑх материалсемшӗн тата кӗнекесемшӗн паракан премие Валериан Степанов ятне панӑ.