Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чекушкина Лолита Васильевна

Чекушкина Лолита Васильевна (ҫур. 1965 ҫулхи авӑнӑн 24-мӗшӗ, Шупашкар) – чӑваш композиторӗ, педагогӗ, Раҫҫей Федерацийӗн Композиторсен пӗрлешӗвӗн пайташӗ (1996).

Чӑваш Республикин тава тивӗҫлӗ ӳнер ӗҫченӗ (2011), Чӑваш Республикин патшалӑх премийӗн лауреачӗ (литературӑпа ӳнер, 2012), Республикӑри театр ӳнерӗн «Чӗнтӗрлӗ чаршав» конкурсӗн темиҫе хутчен лауреачӗ (2001, 2008, 2009, 2010, 2013, 2018, 2022).

Пурнӑҫӗпе ӗҫӗ-хӗлӗ

Шупашкар хулинче 1965 ҫулхи авӑн уйӑхӗн 24-мӗшӗнче ҫуралнӑ[1]. Ф. П. Павлов ячӗллӗ Шупашкар музыка училищине (А. Г. Васильев класӗ, 1984) вӗренсе пӗтернӗ, М. И. Глинка ячӗллӗ Чулхула патшалӑх консерваторинче(выр.)чăв. (Б. С. Гецелев(выр.)чăв. профессор[2] класӗ, 1989) аслӑ пӗлӳ илнӗ.

1989–2000 ҫулсенче Лолита Чекушкина Шупашкарти Вырӑс драма театрӗн музыка пайне ертсе пынӑ, ҫав вӑхӑтрах 1993–1997 ҫулсенче Г. С. Лебедев ячӗллӗ интернат-лицейра композици вӗрентӳҫи пулса тӑрӑшнӑ. 2001 ҫултанпа Ҫӗнӗ Шупашкарти ача-пӑча ӳнер шкулӗнче музыка теорийӗн дисциплинисен вӗрентӳҫи[3].

2013 ҫулта Л. В. Чекушкина С. А. Васильев режиссёрпа тата М. Ф. Степанова драматургпа пӗрле Ҫеҫпӗл Мишши ячӗллӗ Чӑваш патшалах ҫамрӑксен театрӗ лартнӑ «Кӗмӗл тумлӑ ҫар» спектакльшӗн Чӑваш Республикин патшалӑх премине (2012 ҫулшӑн) тивӗҫнӗ[1].

2022 ҫулта Чӑваш Республикин композиторсен пӗрлӗхӗн правленийӗн председательне суйланӑ[4]. Ку должнӑҫри чи курӑмлӑ ӗҫсенчен пӗри — Чӑваш Республикинчи композиторсем хушшинче 3 ҫулта пӗрре ирттерекен пултарулӑх конкурсне йӗркелени, ҫӗнтерӳҫӗсене 3 номинаципе палӑртаҫҫӗ, кашни номинаци ҫӗнтерӳҫине 100 пин тенкӗ парне тивӗҫет[5].

Пултарулӑхӗ

Лолита Васильевна симфони оркестрӗ валли «Тӗлӗксем» поэма-каприччио (1989), камера оркестрӗ валли «Георгий Степанова асӑнмалӑх постскриптум» поэма-каприччио (1999), камера оркестрӗпе хӗрарӑм сасси валли фантази-концерт (1994), ачасем валли темиҫе фортепиано пьесине, 30 яхӑн солопа хор юррисене, спектакльсем валли музыка хайланӑ[1].

1998 ҫулта унӑн «Зора» балетне Чӑваш патшалӑх оперӑпа балет театрӗнче лартнӑ[6]. Чӑваш патшалӑх юрӑпа ташӑ академи ансамблӗ валли вокалпа хореографи композицисене, вӗсен шутӗнче «Сурхури», ҫырнӑ[1].

Ӑнлантарусем

  1. ^ 1, 2, 3, 4 Л. И. Бушуева. Чекушкина Лолита Васильевна (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи юпан 15-мӗшӗ.
  2. ^ Новости. nnovcons.ru. Пӑхнӑ кун: 2025 ҫулхи юпан 15-мӗшӗ.
  3. ^ Чекушкина Лолита Васильевна (выр.). www.unioncomposers.ru. Пӑхнӑ кун: 2025 ҫулхи юпан 15-мӗшӗ.
  4. ^ Чекушкина, Лолита Васильевна (композитор; 24.09.1965) (выр.). Наследие Чувашии. Национальная библиотека Чувашской Республики. Пӑхнӑ кун: 2025 ҫулхи юпан 15-мӗшӗ.
  5. ^ Минкультуры Чувашии приглашает композиторов к участию в новом творческом конкурсе (выр.). Официальный портал органов власти Чувашской Республики. Министерство культуры, по делам национальностей и архивного дела Чувашской Республики (28 раштавӑн 2022). Пӑхнӑ кун: 2025 ҫулхи юпан 15-мӗшӗ.
  6. ^ Super User. Национальная библиотека Чувашской Республики(паллӑ мар). www.nbchr.ru. Пӑхнӑ кун: 2025 ҫулхи юпан 15-мӗшӗ.

Вуламалли

  • Л.И. Бушуева, Ю.А. Илюхин, «Чӑваш Енӗн композиторӗсем», Шупашкар, 2014;
  • Чувашская Республика. Глава (2012-2020 ; М. В. Игнатьев). О присуждении Государственных премий Чувашской Республики 2012 года : указ Главы Чувашской Республики [от 18 июня 2013 года] : [о присуждении Государственной премии Чувашской Республики в области литературы и искусства: С. А. Васильеву, М. Ф. Степановой, Л. В. Чекушкиной за спектакль «Кӗмӗл тумлӑ ҫар» (Серебряное войско) в Чувашском государственном ордена Дружбы народов театр юного зрителя им. М. Сеспеля] // Вести Чувашии. — 2013. — 29 июня (№ 24). — С. 1;
  • Чекушкина, Л. В. «Ячӗшӗн ӗҫлеме юрамасть» / Л. В. Чекушкина // Хыпар. — 2020. — 26 ҫӗртме/июнь (№ 69/70). — С. 11 : сӑн ӳкерчӗксем;
  • Бушуева, Л. И. Чекушкина Лолита Васильевна / Л. И. Бушуева // Чувашская энциклопедия. — Чебоксары, 2011. — Т. 4 : Си-Я. — С. 478;
  • По страницам детской музыки : [о творческом вечере Лолиты Васильевны Чекушкиной] // Родники Чувашии (г. Новочебоксарск). — 2012. — 24 мая (№ 28). — С. 5;
  • Чекушкина, Л. В. В поисках огня жизни : Впервые прозвучит оратория, написанная на стихи Иосифа Дмитриева : [беседа с композитором / записала М. Готлиб] // Советская Чувашия. — 2022. — 13 декабря (№ 142). — С. 5 : фот.;
  • Чекушкина, Л. Лолита Чекушкина: Я очень люблю все национальное : [беседа с многократ. лауреатом Респ. конкурса театр. искусства «Узорчатый занавес», композитором Лолитой Чекушкиной] / Л. Чекушкина ; беседовала Р. Кириллова // Советская Чувашия. — 2011. — 13 апр. — Прил.: с. 1-2. — (Сцена Чувашии).

Каҫӑсем

Категорисем