Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чулков Василий Михайлович

Disambig gray.svg Чулков хушаматлă урăх çынсем çинчен РУВИКИ-ре статьясем пур.
Disambig gray.svg Чулков Василий хушаматлă урăх çынсем çинчен РУВИКИ-ре статьясем пур.

Чулков Василий Михайлович (1929 ҫулхи нарӑсӑн 13-мӗшӗ, Бредовка, Пӑрачкав районӗ, Чӑваш АССР — 1994 ҫулхи кӑрлачӑн 4-мӗшӗ, Антипинка, Пӑрачкав районӗ, Чӑваш Республики) — совет ялхуҫалӑхӗн малта пыраканӗ, Чӑваш АССРӗн Пӑрачкав районӗнчи Н. Г. Безруков ячӗллӗ колхоз бригадирӗ, Социализмла Ӗҫ Паттӑрӗ (1971)[1].

Пурнӑҫӗпе ӗҫӗ-хӗлӗ

1929 ҫулхи нарӑсӑн 13-мӗшӗнче Чӑваш АССРӗн Пӑрачкав районӗнчи Бредовка ялӗнче (халӗ Антипинка ялӗ йышне кӗрет) хресчен ҫемйинче ҫуралнӑ. Вырӑс.

Ялти шкулта 4 класс вӗренсе пӗтернӗ. 1942 ҫулта Улатӑрти ФЗО шкулне вӗренме кӗнӗ, фронта каякан чукун ҫул техникине юсама вӗреннӗ. Тӑван Ҫӗршывӑн Аслӑ вӑрҫи вӗҫленсен тӑван ялне таврӑнса вырӑнти Маленков ячӗллӗ колхозра (1957 ҫултанпа — «Россия» колхоз) плугарь пулса ӗҫленӗ. 1950 ҫулта Совет Ҫарӗн ретне тӑнӑ.

Ҫартан таврӑнсан Етӗрне хулинче анлӑ енлӗ механизатора вӗреннӗ, колхозра трактористра, комбайнёрта ӗҫленӗ. 1962 ҫултанпа Чӑваш АССРӗн Пӑрачкав районӗн «Россия» колхозӑн (1965 ҫултанпа — Совет Союзӗн Паттӑрӗ Н. Г. Безруков ячӗллӗ колхоз) трактор бригадин бригадирӗ.

Унӑн техника патне питӗ пысӑк туртӑм пулнӑ, инженерсем те тума пултарайман ӗҫсене тума пултарнӑ. Техника валли чылай хатӗрсене хӑй шутласа кӑларнӑ, тунӑ, рационализатор шутланнӑ. Колхозра техника шучӗ те ҫулсерен ӳснӗ. 1965 ҫулхине колхозра 33 тракторист-машинист, 10 шофёр пулнӑ. Техникӑран 12 комбайн, 10 гусеницӑллӑ тата урапаллӑ трактор, 16 ака тумалли сеялка, 3 им-ҫам сапмалли агрегат. 1967 ҫулта тиев турттармалли 20 машина пулнӑ.

СССР Аслӑ Канашӗн Президиумӗн 1971 ҫулхи ака уйӑхӗн 8-мӗшӗнчи хушӑвӗпе Ленин орденӗ тата «Ҫурлапа Мӑлатук» ылтӑн медаль парса ялхуҫалӑх производствинче пысӑк ҫитӗнӳсем тунӑшӑн, патшалӑха ялхуҫалӑх продукцине сутмалли пилӗкҫуллӑх планне ӳстерсе пурнӑҫланӑшӑн Василий Михайлович Чулкова Социализмла Ӗҫ Паттӑрӗ ят панӑ[2].

Малалла мӗн тивӗҫлӗ канӑва кайичченех Совет Союзӗн Паттӑрӗ Н. Г. Безруков ячӗллӗ колхозӑн председателӗн техника енӗпе яваплӑ ҫумӗ пулса вӑй хунӑ.

Тӑван ялӗнче пурӑннӑ. 1994 ҫулхи кӑрлачӑн 4-мӗшӗнче вилнӗ.

Ҫемье

Хӗрӗ — Арсентьева Анна Васильевна, историк, профессор, И. Н. Ульянов ячӗллӗ Чӑваш патшалӑх университечӗн проректорӗ (16.12.1954 — 18.05.2007)[1].

Хисепӗсем

Астӑвӑм

  • 2023 ҫулхине В. М. Чулков пурӑннӑ ҫурт ҫине асӑну хӑми вырнаҫтарнӑ[3].

Ӑнлантарусем

  1. ^ 1, 2 Чулков Василий Михайлович (выр.). Чувашская энциклопедия. Архивланӑ 2025 ҫулхи кӑрлачӑн 16-мӗшӗ.
  2. ^ Сообщение в газете о присвоении В.М. Чулкову звания Героя Социалистического Труда. (выр.). Советская Чувашия. (1971. 9 апреля.).
  3. ^ Выдающимся землякам Порецкого округа открыты мемориальные доски (выр.). https://porezk.cap.ru. Порецкий муниципальный округ Чувашской Республики / Чăваш Республикин Пăрачкав муниципалитет округĕ (11 ҫӑвӑн 2023).

Вуламалли

  • Иванова, Е. В. Золотая звезда Порецкого механизатора : [о передовике производства В. Чулкове] / Е. В. Иванова, С. Ю. Михайлова // Работники сельского хозяйства : [очерки / ред.-сост. В. Н. Алексеев ; авт. предисл. и науч. ред. – Чебоксары, 2014. – С. 331-344 : фот.
  • Лоскутов, Н. В. Герои труда — уроженцы Поречья : [о Героях Соц. Труда, уроженцах Порец. р-на] / Н. В. Лоскутов // Порец. вести. — 2012. — 6 июня. — С. 1-2 : фот.
  • Мадебейкин, И. Н. Чулков Василий Михайлович / И. Н. Мадебейкин // Краткая чувашская энциклопедия. — Чебоксары, 2001. — С. 491.
  • Мадебейкин, И. Н. Чулков Василий Михайлович / И. Н. Мадебейкин // Чувашская энциклопедия. — Чебоксары, 2011. — Т. 4 : Си-Я. — С. 597.. — См. текст
  • Открыты мемориальные доски // Порецкие вести. — 2023. — 12 мая (№ 18). — С. 5
  • Памятные доски — выдающимся землякам // Пенсионер Чувашии. — 2023. — 23 мая (№ 19). — С. 6
  • Чулков Василий Михайлович // Энциклопедия агропромышленного комплекса Чувашской Республики. — Чебоксары, 2017. — С. 637-638.
  • Чистяков, В. Герои труда – наши земляки : [о Героях Соц. Труда, выходцах из Порец. р-на] / В. Чистяков // Порец. вести. – 2005. – 2 июля.

Каҫӑсем

Категорисем