Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чӑваш Республикин хисеплӗ ячӗсем

Чӑваш Республикин хисеплӗ ячӗ (выр. Почётное звание Чувашской Республики) — Чӑваш Республикинчи тӗрӗ сферӑра (промышленнӑҫра, ял хуҫалӑхӗнче, вӑрман хуҫалӑхӗнче, ӑслӑлӑхра, ӳнерте, вӗрентӳре, сывлӑх сыхлавӗнче, спортра тата ытти те) палӑрнӑ ӗҫлекенсене чысламалли хисеп.

Чӑваш Республикин Патшалӑх Канашӗ 1994 ҫулхи раштавӑн 16-мешӗнчи йышӑнӑвӗпе тӗрлӗ сферӑри 33 хисеплӗ ят ҫирӗплетнӗ[1].

Чӑваш Республикин Президенчӗ 2005 ҫулхи ака уйӑхӗн 12-мӗшӗнчи 15-мӗш «Чӑваш Республикин патшалӑх хисепӗсем ҫинчен» саккун алӑ пуснӑ[2].

Хисеплӗ ятсем

  • «Чӑваш Республикин халӑх писателӗ»;
  • «Чӑваш Республикин халӑх поэчӗ»;
  • «Чӑваш Республикин халӑх артисчӗ»;
  • «Чӑваш Республикин халӑх художникӗ»;
  • «Чӑваш Республикин тава тивӗҫлӗ агрономӗ»;
  • «Чӑваш Республикин тава тивӗҫлӗ артисчӗ»;
  • «Чӑваш Республикин тава тивӗҫлӗ архитекторӗ»;
  • «Чӑваш Республикин тава тивӗҫлӗ врачӗ»;
  • «Чӑваш Республикин тава тивӗҫлӗ ветеринари врачӗ»;
  • «Чӑваш Республикин тава тивӗҫлӗ ӳнер ӗҫченӗ»;
  • «Чӑваш Республикин тава тивӗҫлӗ ӑслӑлӑх ӗҫченӗ»;
  • «Чӑваш Республикин тава тивӗҫлӗ ҫӗр йӗркелӳҫи»;
  • «Чӑваш Республикин тава тивӗҫлӗ зоотехникӗ»;
  • «Чӑваш Республикин тава тивӗҫлӗ изобретателӗ»;
  • «Чӑваш Республикин тава тивӗҫлӗ вӑрман ӗрчетӳҫи»;
  • «Чӑваш Республикин тава тивӗҫлӗ механизаторӗ»;
  • «Чӑваш Республикин сывлӑх сыхлавӗн тава тивӗҫлӗ ӗҫченӗ»;
  • «Чӑваш Республикин тава тивӗҫлӗ культура ӗҫченӗ»;
  • «Чӑваш Республикин тава тивӗҫлӗ вӗренӳ ӗҫченӗ»;
  • «Чӑваш Республикин промышленноҫӗн тава тивӗҫлӗ ӗҫченӗ»;
  • «Чӑваш Республикин ял хуҫалӑхӗн тава тивӗҫлӗ ӗҫченӗ»;
  • «Чӑваш Республикин социаллӑ хӳтлӗхӗн тава тивӗҫлӗ ӗҫченӗ»;
  • «Чӑваш Республикин халӑх ыйтӑвӗсене тивӗҫтерессин тава тивӗҫлӗ ӗҫченӗ»;
  • «Чӑваш Республикин тава тивӗҫлӗ транспорт ӗҫченӗ»;
  • «Чӑваш Республикин физкультурӑпа спортӑн тава тивӗҫлӗ ӗҫченӗ»;
  • «Чӑваш Республикин тава тивӗҫлӗ рационализаторӗ»;
  • «Чӑваш Республикин тава тивӗҫлӗ связисчӗ»;
  • «Чӑваш Республикин тава тивӗҫлӗ строителӗ»;
  • «Чӑваш Республикин тава тивӗҫлӗ учителӗ»;
  • «Чӑваш Республикин тава тивӗҫлӗ художникӗ»;
  • «Чӑваш Республикин тава тивӗҫлӗ экономисчӗ»;
  • «Чӑваш Республикин тава тивӗҫлӗ энергетикӗ»;
  • «Чӑваш Республикин тава тивӗҫлӗ юрисчӗ»[2].

Сӑнлани

Чӑваш Республикин хисеплӗ ячӗ ҫумне паракан кӑкӑр ҫине ҫакмалли паллӑ сакӑр енлӗ пластинӑран тата колодкӑран тӑрать, вӗсене Л-90 хутӑшран тунӑ.

Сакӑр енлӗ пластина 25 x 25 миллиметрлӑ, ҫиелтен анод(выр.)чăв. мелӗпе ылтӑнланӑ, пиччӗн енче (аверсӗнче(выр.)чăв.) рельефлӑ ӳкерчӗк — Чӑваш Республикин патшалӑх гербӗ.

Тӳнтер енче (реверсӗнче(выр.)чăв.) «Чӑваш Республики умӗнчи тава тивӗҫлӗ ӗҫсемшӗн» тесе ҫырнӑ.

Пластинӑпа колодка ункӑпа ҫыхӑнаҫҫӗ.

Колодкӑна ҫиелтен анод мелӗпе ылтӑнланӑ, урлӑ виҫӗ хӗрлӗ йӗрлӗ, сарӑ тӗслӗ муар хӑйӑвӗпе витнӗ. Колодка калӑпӑшӗ 22 x 11 миллиметр. Муар хӑйӑвӗн сарлакӑшӗ — 18 мм, хӗрлӗ йӗрӗсен сарлакӑшӗ — 1,5 мм, вӗсен хушши — 1,5 мм[2].

Чыслани

Паллӑна кӑкӑр тӗлӗнчи сылтӑм енче йӑтса ҫӳремелле, кӑкӑр ҫинче Чӑваш Республикин Хисеп хучӗпе пӗрле паракан паллӑ пур пулсан ун ҫумне хыҫҫӑн ҫакмалла[2].

Ӑнлантарусем

  1. ^ Энциклопедия Вурнарского района. Том 2 : Почетные звания Чувашской Республики (выр.). Энциклопедия Вурнарского района. Национальная библиотека Чувашской Республики. Пӑхнӑ кун: 2025 ҫулхи авӑнӑн 11-мӗшӗ.
  2. ^ 1, 2, 3, 4 Закон Чувашской Республики от 12 апреля 2005 года N 15 «О государственных наградах Чувашской Республики» (выр.). Электронный фонд правовых и норимативно-технических актов. Пӑхнӑ кун: 2025 ҫулхи авӑнӑн 11-мӗшӗ.

Каҫӑсем

Темӑпа ҫыхӑннисем

Категорисем