Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чӑваш вӑрманӗ

«Чӑваш Вӑрманӗ» наци паркне (выр. Национальный парк «Чава́ш Варма́не») 1993 ҫулта вырӑнти ҫутҫанталӑк комплексне упраса хӑварас тӗллевпе Чӑваш Республикин Шӑмӑршӑ районӗн лаптӑкӗнче йӗркеленӗ.

Историйӗ

1993 ҫулхи ҫӗртмен 20-мӗшӗнче Раҫҫей Правительствин 588-мӗш «Об образовании национального парка «Чаваш вармане» Федеральной службы лесного хозяйства России» йышӑнӑвӗпе йӗркеленӗ.

Федерацин «Чӑваш вӑрманӗ» патшалӑх наци паркӗ» учреждени ҫут ҫанталӑка сыхлакан, экологипе ҫутӗҫ тата ӑслӑхпа тӗпчев енӗпе ӗҫлекен учреждени шутланать, унӑн территори шутне ҫутҫанталӑк комплексӗсем тата экологи, истори тата эстетика енчен хаклӑх пур объектсем кӗреҫҫӗ, вӗсемпе ҫутҫанталӑка сыхлас, вӗрентес ӗҫре, ӑслӑлӑхпа культура тӗллевӗсем валли тата виҫӗллӗ туризмра усӑ курма пулать[1].

2011 ҫулта ӑна «Ҫутҫанталӑк тӗлӗнтермӗшӗ» номинацире «Чӑвашри ҫичӗ тӗлӗнтермӗш» конкурс ҫӗнтерӳҫин дипломӗпе чысланӑ[2].

Паркӑн чи илемлӗ вырӑнӗпе 7 ҫухрӑма тӑсӑлакан вӗренӳллӗ экологи сукмакӗ пур. 2013 ҫултанпа ҫулсерен Кӑмпа фестивальне ирттереҫҫӗ[3].

Географийӗ

  • Пӗтӗмӗшле лаптӑкӗ — 25200 гектар;
  • Ҫурҫӗртен кӑнтӑралла 24 км тӑсӑлать;
  • Анӑҫран тухӑҫалла 17 км тӑсӑлать.

Юханшывсем

Наци паркӗнче юханшывсем чылай, вӗсенчен чи пысӑккисем: Пасна, Шурӑ Пасна, Хура Пасна, Хырла, Упамса.

Флорӑпа фауна

  • Наци паркӗн 95 % вӑрман йышӑнать (хырсен тӳпи 45,3 %, хурӑнсен — 27,1 %, ӑвӑссен — 14,6 %, ҫӑкасен — 7,4 %, ҫирӗксен — 2,4 %, чӑрӑшсен — 1,4 %, юмансен — 1,6 %, кедр, каврӑҫ, вӗрене тата йӑмра тӳпи — 0,2 %).
  • 800 яхӑн ӳсентӑран ҫитӗнет, Чӑваш Республикин Хӗрлӗ кӗнекине кӗртнӗ 57 тӗрлӗ ӳсентӑран кунта тӗл пулать.
  • Сӗтпе ӳстерекен чӗрчунсен 44 тӗсӗ пурӑнать.
  • 184 тӗслӗ вӗҫен кайӑк тӗсӗ тӗл пулать.
  • Шуса ҫӳрекенсен 6 тӗсӗ тӗл пулать.
  • Ҫӗрти-шыври чӗрчунсен 11 тӗсӗ пур.
  • Пулӑсен 19 тӗсӗ тӗл пулать.

РФ Хӗрлӗ кӗнекине кӗртнӗ тӗссем

Наци паркӗн территорийӗнче тупса палӑртнӑ 11 вӗҫен кайӑк, 1 сӗтпе ӳстерекен тата 3 хурт-кӑпшанкӑ тӗсне Раҫҫей Федерацийӗн Хӗрлӗ кӗнекине кӗртнӗ.

Сӗтпе ӳстерекенсем

  • Вырӑс йӑпарӗ (Desmana moschata)

Вӗҫен кайӑксем

  • Караппӑл (Aquila chrysaetos)
  • Мӑн кроншнеп (Numenius arquata)
  • Мӑн караппӑл (Aquila clanga)
  • Ҫӗлен хурчки (Circaetus gallicus)
  • Шыв чакакӗ (Haematopus ostralegus)
  • Сӑрӑ шӑлан (Lanius excubitor excubitor)
  • Масар ӑмӑрт кайӑкӗ (Aquila heliaca)
  • Хир хӑлачӗ (Circus macrourus)
  • Шур кутлӑ тинӗс ӑмӑрт кайӑкӗ (Haliaeetus albicilla)
  • Ӳхĕ (Bubo bubo)
  • Хура аист (Ciconia nigra)

Пулӑсем

  • Вырӑс быстрянки (Alburnoides bipunctatus)

Кӑпшанкӑсем

  • Ахаль отшельник (Osmoderma eremita)
  • Ахаль аполлон (Parnassius apollo)
  • Ҫеҫенхир тӗкӗлтури (Bombus fragrans)

Ӑнлантарусем

  1. ^ «Чаваш вармане», национальный парк (выр.). Пӑхнӑ кун: 2025 ҫулхи чӳкӗн 29-мӗшӗ.
  2. ^ Национальный парк "Чаваш вармане"- одно из семи чудес Чувашии (выр.). www.npark21.ru. Пӑхнӑ кун: 2025 ҫулхи чӳкӗн 29-мӗшӗ.
  3. ^ В национальном парке «Чаваш вармане» прошёл Фестиваль грибов (выр.). журнал «ЭкоГрад». Пӑхнӑ кун: 2025 ҫулхи чӳкӗн 29-мӗшӗ.

Вуламалли

  • Афанасьев Ю. И., Хмельков Н. Т. Фауна позвоночных животных национального парка «Чаваш вармане» // Фауна и экология животных национального парка «Чаваш вармане». Вып.1. — Чебоксары, 1997. — С. 71-73.
  • Гафурова М. М., Теплова Л. П. Характеристика растительности и флоры некоторых участков национального парка «Чаваш вармане» // Науч. труды национального парка «Чаваш вармане». Т.1. — Чебоксары-Шемурша, 2002. — С. 48-71.
  • Красильников В. А. К фауне муравьёв (Insecta, Hymenoptera, Formicidae) национального парка «Чаваш вармане» и сопредельных территорий // Фауна и экология животных национального парка «Чаваш вармане». Вып.1. — Чебоксары, 1997. — С. 68-70.
  • Красная книга Чувашской Республики. Том 1. Часть 1. Редкие и исчезающие растения и грибы. Гл. редактор, д.м.н., профессор, академик Иванов Л. Н. Автор-составитель и зам. гл. редактора Димитриев А. В. — Чебоксары: РГУП "ИПК «Чувашия», 2001. — 275 с.
  • Ластухин А. А. К познанию фауны чешуекрылых (Insecta, Lepidoptera) национального парка «Чаваш вармане» // Фауна и экология животных национального парка «Чаваш вармане». Вып.1. — Чебоксары, 1997. — С. 63-67.
  • Научные труды национального парка «Чаваш вармане». Т.2. Отв. за выпуск Яковлев А. А.., Чебоксары, 2008. — 97 с.
  • Научные труды национального парка «Чаваш вармане». Т.3. Чебоксары, 2010, 136 с.
  • Национальный парк «Чаваш вармане». Чувашская Республика. Научно-вспомогательный библиографический указатель. — Чебоксары: «Новое время», 2006. — 44 с.
  • Тихонов П. Т., Тихонов В. П. Национальный парк «Чаваш вармане». Чувашская Республика. — Чебоксары.: «Новое время», 2006. — 104 с.
  • Яковлев А. А. Анализ орнитофауны национального парка «Чаваш вармане» (Чувашская Республика) // Актуальные проблемы естествознания: Материалы Всероссийской научно-практической конференции / Под. ред. Л. Н. Воронова, Н. В. Хураськиной, А. А. Шуканова. — Чебоксары: Чувашгоспедуниверситет им. И. Я. Яковлева, 2006. — С. 135—143.

Каҫӑсем

Категорисем