Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Шорков Павел Григорьевич

Disambig gray.svg Шорков хушаматлă урăх çынсем çинчен РУВИКИ-ре статьясем пур.

Шорков Павел Григорьевич (1902 ҫулхи раштавӑн 10-мӗшӗ, Мушар, Шупашкар уесӗ, Хусан кӗпӗрниӗ — 1977 ҫулхи кӑрлачӑн 3-мӗшӗ, Мушар, Куславкка районӗ, Чӑваш АССР) — совет ялхуҫалӑх ӗҫченӗ, Чӑваш АССРӗн Куславкка районӗнчи «Волга» колхоз бригадирӗ, Социализмла Ӗҫ Паттӑрӗ (1966)

Пурнӑҫӗпе ӗҫӗ-хӗлӗ

1902 ҫулхи раштавӑн 10-мӗшӗнче Хусан кӗпӗрнин Шупашкар уесӗнчи Мушар ялӗнче (халӗ Чӑваш Республикин Куславкка районне кӗрет) ҫуралнӑ. Чӑваш. Ашшӗ-амӑшӗ хӑмла ҫитӗнтерекенсем пулнӑ.

Тӑван ялӗнчи колхозра кладовщик тата ферма заведующийӗ пулса ӗҫленӗ.

Тӑван Ҫӗршывӑн Аслӑ вӑрҫи пуҫлансан Мушар ял Канашӗн председателӗ пулнӑ. 1943 ҫулхи кӗркунне фронта кайнӑ. Вӑрҫӑра та тӗрлӗ вырӑнта хӑмла мӗнле ӳстернипе кӑсӑкланнӑ: Украинӑра, Балтиҫум тӑрӑхӗнче, Ҫӗпӗрте.

Демобилизаци хыҫҫӑн тӑван ялне таврӑнса Куславкка районӗнчи «Волга» колхозра икӗ ҫул кладовщикра ӗҫленӗ, унтан ӑна хӑмла ӳстерекен звено бригадирне лартнӑ. Унӑн хӑмла ӳстерес ӑсталӑхӗ тата ҫак ӗҫ патне туртӑмӗ пысӑк пулнӑ.

Мӑянпа тӗрлӗ ҫумкурӑкран тасатнӑ хӑмла валли валли хатӗрленӗ пӗрремӗш лаптӑк 5 гектарпа танлашнӑ. Ерипен лаптӑк шутне 21 гектар таран ӳстернӗ, кашни гектартан 17 центнер хӑмла пухса илме пуҫланӑ.

86 ҫынран тӑракан П. Шорков бригади пысӑк тухӑҫлӑ та ир ӗлкӗрекен «15 – 24» и «30 – 6» сорт клонӗсене ҫитӗнтернӗ, вӗсене лайӑхлатас ӗҫе Павел Григорьевич хӑй пысӑк тӳпе хывнӑ. Вӑл пӗрремӗш ретсем хушшинче хушма ҫакӑпа усӑ курма пуҫланӑ, ҫак меслет пӗр тӗпрен хушма 5-6 хунав кӑларма, хӑмла тухӑҫлӑхне икӗ хут патне ӳстерме май панӑ.

1956 ҫулта П. Г. Шорков чирлесе ӳкнӗ, ҫапах та юлашки вӑйӗсене пухса плантацие ҫитнӗ, вырӑн ҫинчен тӑрайман вӑхӑтсенче бригадин звеньевойӗсем канаш ыйтма пынӑ.

«Волга» совхоза «симӗс ылтӑн» туянма Балтиҫум республикисем таранччен килнӗ, мӗншӗн тесен паллӑ «Рижское» сӑрана чӑваш хӑмлинчен вӗретнӗ.

СССР Аслӑ Канашӗн Президиумӗн 1966 ҫулхи ака уйӑхӗн 30-мӗшӗнчи хушӑвӗпе Ленин орденӗ тата «Ҫурлапа Мӑлатук» ылтӑн медаль парса ялхуҫалӑх производствинче хӑмла ӳстерес тата хатӗрлес ӗҫре пысӑк ҫитӗнӳсем тунӑшӑн Павел Григорьевич Шоркова Социализмла Ӗҫ Паттӑрӗ ят панӑ[1].

«Чӑваш АССРӗн чи лайӑх хӑмлаҫи» хисеплӗ ята пӗрре кана мар тивӗҫнӗ. Республика ялхуҫалӑхне аталантарас ӗҫе пысӑк тӳпе хывнӑшӑн П. Г. Шорков ятне 1967 ҫулхи юпа уйӑхӗн 26-мӗшӗнче Чӑваш АССРӗн Ӗҫ Мухтавӗпе Паттӑрлӑхӑн Хисеп Кӗнекине кӗртнӗ[2][3].

Куславкка районӗнчи Мушар ял Канашӗн депутатне суйланӑ.

Тӑван Мушар ялӗнче пурӑннӑ, 1977 ҫулхи кӑрлачӑн 3-мӗшӗнче вилнӗ.

Хисепӗсем

Астӑвӑм

  • Куславккари Ҫар тата Ӗҫ Мухтавӗн Паттӑрӗсен аллейинче Павел Шоркова халалланӑ асӑну хӑми вырнаҫтарнӑ[4].
  • Мушар ялӗнче Павел Шорков ячӗллӗ культурӑпа кану паркӗ уҫнӑ[5].
  • 2022 ҫулхи ака уйӑхӗн 16-мӗшӗнче Куславкка районӗнчи Елчӗк вӑтам шкулӗнче Социализмла Ӗҫ Паттӑрӗсене П. Г. Шоркова тата А. М. Зуевана асӑнса «Паттӑр партти» вырнаҫтарнӑ[6].

Ӑнлантарусем

  1. ^ Указ Президиума Верховного Совета СССР о присвоении П.Г. Шоркову звания Героя Социалистического Труда. (выр.). Люди труда - гордость Чувашии. Ведомости ВС СССР. 1966. № 19. Ст. 261. (30 акан 1966).
  2. ^ Постановление бюро Чувашского обкома КПСС, Президиума Верховного Совета и Совета Министров Чувашской АССР о занесении П.Г. Шоркова в Почетную Книгу Трудовой Славы и Героизма Чувашской АССР. (выр.). Люди труда - гордость Чувашии. ГИА ЧР. Ф.Р-203. Оп. 21. Д. 1172. Л. 148. (26 юпан 1967).
  3. ^ П.Г. Шорков. Запись в Почетной Книге Трудовой Славы и Героизма Чувашской АССР. (выр.). Почетная Книга Трудовой Славы и Героизма Чувашской АССР. Лист № 57. (26 юпан 1967).
  4. ^ В Козловском районе открылась Аллея Героев воинской и трудовой Славы (выр.). Козловский территориальный отдел Управления по благоустройству и развитию территорий администрации Козловского муниципального округа Чувашской Республики (8 ҫӑвӑн 2015).
  5. ^ Лев Васильев. Парк бригадира (выр.). Газета «Советская Чувашия» (2009. 08.13).
  6. ^ Администрация школы. Торжественное открытие Парты Героев (выр.). https://karam-kozlov.edu21.cap.ru. Муниципальное бюджетное общеобразовательное учреждение «Карамышевская средняя общеобразовательная школа» Козловского муниципального округа Чувашской Республики (16 акан 2022).

Вуламалли

  • Александров, А. Чародей «зеленого золота» : [о Герое Соц. Труда / А. Александров // Наши земляки – Герои Социалистического Труда : [сб. очерков] / ред.: Г. А. Грабовецкая, Н. С. Павлов. – Чебоксары, 1971. –  : фот.
  • Васильев, Л. Парк бригадира : [об открытии парка культуры и отдыха им. Павла Григорьевича Шоркова] / Л. Васильев ; фот. В. Романова // Советская Чувашия. — 2009. — 13 авг. — С. 15.
  • Ксенофонтов, Г. Н. Шорков Павел Григорьевич / Г. Н. Ксенофонтов // Энциклопедия Козловского района. — Чебоксары, 2014. — С. 463-464.
  • Мадебейкин, И. Н. Шорков Павел Григорьевич / И. Н. Мадебейкин // Чувашская энциклопедия. – Чебоксары, 2011. – Т. 4 : Си-Я. – С. 642 : фот.
  • Трудом прославил нашу землю : [110 лет со дня рождения Г. П. Шоркова, хмелевода Козловского р-на] // Знамя (Козловский р-н). – 2012. – 14 дек. : фот.
  • Шорков Павел Григорьевич // Ими гордится Чувашия : их имена занесены в Почетную Книгу Трудовой Славы и Героизма ЧАССР / сост.: М. В. Демидов, – Чебоксары, 1987. – С. 122-123 : фот.
  • Шорков Павел Григорьевич // Энциклопедия Козловского района / Чуваш. Респ. – Чебоксары, 2014. – С. 463-464 : фот.

Каҫӑсем

Категорисем