Агафонов Георгий Матвеевич

1922 ҫулхи ҫу уйӑхӗн 2-мӗшӗнче Сарӑту облаҫӗн Хвалынск районӗнчи Елховка ялӗнче ҫуралнӑ. Вырӑс. 1951 ҫултанпа ВКП (б) /КПСС пайташӗ.

1922 ҫулта Агафоновсен ҫемйи Новороссийска куҫса кайнӑ. Тинӗс моделизмӗпе ачаранах кӑсӑкланнӑ, тинӗс наукин никӗсӗсене тӗпченӗ. Аслӑ классенче пионерсен керменӗ ҫумӗнчи «ҫамрӑк моряксен» кружокне ертсе пынӑ, ҫуллахи каникулта «Октябрь» заводӑн шыв станцийӗнче матрос пулса ӗҫленӗ. Пӗррехинче, штормра яхтӑпа тинӗсе тухсан 4 пулӑҫа ҫӑлнӑ, вӗсен киммине хум тӳнтернӗ. Ҫавӑншӑн «Шыва путакана ҫӑлнӑшӑн» палла тивӗҫнӗ.

Шкулта 10 класс пӗтернӗ хыҫҫӑн, шыв станцинче матрос пулса ӗҫленӗ, ҫав вӑхӑтрах ҫӑмӑл водолазсен курсӗнчен вӗренсе тухнӑ та ОСВОДа ҫӑлав станцинче инструктор пулса тӑнӑ, кайран Новороссийскри портра парӑслӑ-моторлӑ шхуна капитанӗн пулӑшаканӗ пулса ӗҫленӗ.

10 класс пӗтернӗ. Новороссийскри тинӗс портӗнче штурман, шхуна капитанӗн пулӑшуҫи пулса ӗҫленӗ.

Хӗрлӗ Ҫарта, кайран Тинӗс-Ҫар Флотӗнче 1940 ҫултанпа.

Тӑван Ҫӗршывӑн Аслӑ вӑрҫинче ҫапӑҫма 541-мӗш стрелоксен полкӗн танка хирӗҫ пӑшалсен отделени командирӗ пулса пуҫланӑ. Вӑта фронтра, 1943 ҫулхи раштав уйӑхӗнчен Хура тинӗс флотӗнче ҫапӑҫнӑ. Вӑрҫа рулевой, кайран бронекатерсен 4-мӗш дивизионӗн № 241 бронекатерӑн, юханшыв карапӗсен 2-мӗш бригадин, Дунай ҫар флотилийӗн руль бронекатерӗсен отделени командирӗ пулса тӑснӑ.

Вӑрҫӑ вӗҫленсен малалла Тинӗс-Ҫар Флотӗнче хӗсметре тӑнӑ. 1952 ҫулта Г. М. Агафонов С. М. Киров ячӗллӗ Каспи аслӑ тинӗс ҫар училищинче вӗренсе тухнӑ, чылай ҫул Каспи флотилийӗн ҫарӳ карапӗсем ҫинче командир пулса ӗҫленӗ. 1972 ҫултанпа 1-мӗш рангри капитан Г. М. Агафонов — саппасра.

Баку хулинче пурӑннӑ. Портнадзор капитанӗ-инспекторӗ, капитан-наставник, Баку тинӗс порчӗн парти комитечӗн секретарӗ пулса ӗҫленӗ.

1980 ҫулхи кӑрлачӑн 19-мӗшӗнче ҫут тӗнчерен уйрӑлнӑ. Баку хулинче пытарнӑ.

241-мӗш бронекатерсен дивизионӗн 241-мӗш бронекатерсен отделени командирӗ, 1-мӗш статьяри старшина Агафонов 1944 ҫулхи раштав уйӑхӗнче Югославири Вуковар порт (халӗ Хорватире) палӑрнӑ, десантпа пынӑ бронекатерсене тӗллевсем тӗрӗс кӑтартса тӑнӑ.

1-мӗш статйя старшини тӗплӗн тӗллесе кӑтартнипе ҫирӗм вут-хӗм пӑнчине пусарнӑ, вун тӑватӑ танка ҫӗмӗрсе тӑкнӑ, тӑшман салтакӗсемпе офицерӗсене нумай тӗп тунӑ.

• Совет Союзӗн Паттӑрӗ (1945, «Ылтӑн Ҫӑлтӑр» медаль № 8606);
• Ленин орденӗ (1945);
• виҫӗ Хӗрлӗ Ҫӑлтӑр орденӗ;
• Мухтав орденӗн III степенӗ;
• «Хӑюлӑхшӑн» орден (Югослави);
• 14 медаль, вӗсенчен 2-шӗ — Болгарин.

• 1987 ҫулта Георгий Агафонов ятне Украинӑри Дунай пӑрахутлӑхӗн «юханшыв-тинӗс» йышши теплоходне панӑ.