Адаптацилекен хоккей
Адаптацилекен хоккей (акăл. Disabled hockey) — сусӑр спортсменсем валли тунӑ пӑр ҫинчи шайбӑллӑ хоккей тӗсӗ. Ӑна АПШ-ра йӗркеленӗ. Адаптацилекен хоккейра выляни, адаптацилекен ытти вӑй-хал культурипе спорт тӗсӗ пекех сусӑр ҫынсен пурнӑҫ пахалӑхне палӑрмаллах лайӑхлатма, реабилитаци тата халӑхпа хутшӑнса адаптациленес тӗлӗшӗнчен чылай ҫитӗнӳсем тума май туса парать.
Вӑй-хал енчен реабилитаци пулса иртет:
- Сусӑр ачасен вӑй-хал енчен тата чӗре валли кирлӗ хускану пулса иртет. Кашни хутшӑнаканӑн тенӗ пакех хавшанӑ сывлӑхӗ лайӑхланнине палӑртаҫҫӗ.
- Ӳт-пӳ пӗтӗмӗшле аталанать тата мышцӑсен трофики лайӑхланать.
- Ҫӗнӗ куҫса ҫӳремелли майсем тупӑнаҫҫӗ.
- Шӑнса пӑсӑлса чирлесси чакать.
Социаллӑ адаптаци пулса иртет:
- Педагогсемпе ашшӗ-амӑшӗ ачасен психикӑпа эмоци фонӗ лайӑхланнине палӑртаҫҫӗ.
- Ҫӗнӗ тус-юлташсем, хоккейпа кӑсӑкланакансем, хушӑнаҫҫӗ.
- Пӗр-пӗрне пулӑшасси, командӑн пӗтӗмӗшле кӑтартӑвӗшӗн яваплӑх йӗркеленет.
- Социаллӑ пӗлтерӗш енчен хӑйне шанни ӳсет.
- Пурнӑҫ тӗллевӗ, ҫӗнӗ ҫӗнтерӳсем тума туртӑм аталанать.
- Ҫемьери хутшӑнусем лайӑхланаҫҫӗ. Ашшӗ-амӑшӗшӗн ку проект ачасен пурнӑҫне пӗрле хутшӑнма, вӗсене тепӗр енчен курма, вӗсен тата пӗтӗм ҫемьере тивӗҫлӗ пуласлӑх пулма пултарассине ӗненмешкӗн май уҫса парать.
Адаптивлӑ хоккей тӗсӗсем
Тӗнчере усӑ куракан адаптацилекен хоккейӗн 6 дисциплини пур:
- Следж-хоккей (ҫуна ҫинчи хоккей)
- Куҫ курманнисен хоккейӗ (куҫ пӑсӑлнӑ ҫынсем валли — куҫ курманнисемшӗн те, япӑх куракансемшӗн те)
- Ятарлӑ хоккей (ҫын менталитет енчен уйрӑм пулсан)
- Япӑх илтекенсен хоккейӗ (хӑлха илтменнисемпе япӑх илтекенсем валли)
- Ампутаци урлӑ тухнӑ ҫынсем валли вертикальлӗ хоккей
- Вӑрҫӑ ветеранӗсем валли
Следж-хоккей е ҫуна ҫинчи хоккей хӗллехи Паралимп вӑййисен программи шутне кӗрет.
Адаптацилекен хоккей Раҫҫейре
Раҫҫейре адаптивлӑ хоккейӗн тӑватӑ тӗсӗ аталаннӑ: следж-хоккей, куҫ курманнисен хоккейӗ, ятарлӑ хоккей, япӑх илтекенсен хоккейӗ.
Ҫулланнӑ ҫынсен следж-хоккей клубӗсенчи чи лайӑх выляканӗсем Паралимп вӑййисенче Раҫҫейӗн Сборнӑйӗнче выляҫҫӗ. 2014 ҫулта Сочире иртнӗ Паралимпиадӑра Раҫҫей Сборнӑйӗ следж-хоккей енӗпе кӗмӗл призерӗ пулса тӑнӑ.
Раҫҫейри ача-пӑчапа ҫамрӑксен адаптацилекен хоккей аталанӑвӗшӗн Ача-пӑча следж-хоккей лиги яваплӑ.
2024 ҫулхи авӑнӑн 24-мӗшӗпе 27-мӗшӗсенче Шупашкарта Регионсем хушшинчи адаптацилекен хоккейӗн ача-пӑча турнирӗ иртнӗ[1]. Унта Чулхула, Киров, Саранск, Пермь, Ижевск, Пенза, Сарӑту хулинчен килнӗ тата Шупашкарти командӑсем тупӑшнӑ[2]. Чӑваш Енрен икӗ команда хутшӑннӑ: куҫ курманнисен хоккейӗнче «Юман» команда; следж-хоккей турнирӗнче — «Атӑл» команда[2].
Ӑнлантарусем
Вуламалли
- Бек-Авшаров А. О. К вопросу развития психомоторных способностей дошкольников с задержкой психического развития средствами физической культуры / А. О. Бек-Авшаров, С. Ю. Максимова. // Молодой ученый. — 2009. — № 6 (6). — С. 160—162. — URL: https://moluch.ru/archive/6/397/ (дата обращения: 09.10.2020).
- Евсеев С. П., Шапкова Л. В.. Адаптивная физическая культура: учебное пособие. — М: Советский спорт, 2000. — 240 с., с ил. — ISBN 5-85009-607-8
- Частные методики адаптивной физической культуры: учебное пособие. / Под ред. Л. В. Шапковой. — М: Советский спорт, 2003. — 464 с., с ил. — ISBN 5-85009-743-0
- Сопов В. Ф., Шакирова А. В. Организация процесса обучения фигурному катанию на коньках детей с расстройствами аутистического спектра // Аутизм и нарушения развития. — 2019. — Т. 17, № 4 (65). — С. 29—34. — doi: 10.17759/ autdd.2019170404
Каҫӑсем
- Ача-пӑча следж-хоккей лигин официаллӑ сайчӗ
- АПШри адаптивлӑ хоккей фестивалӗн сайчӗ
- Следж-хоккей Пӗтӗм тӗнчери паралимп комитечӗн сайтӗнче]] (акăлч.)
- Горячие сердца следж-хоккея: как спорт научил детей с инвалидностью не чувствовать себя изгоями. «МИР» МТРК-ри публикаци, авторӗ — Екатерина Дегтерева. (выр.)
- «Мы ломаем стереотипы»: как в России появилась Детская следж-хоккейная лига. RT-ри публикаци, авторӗ — Павел Чернышов. (выр.)
- Саша Собянин: мне нравится побеждать. О том, как дети с ограниченными возможностями здоровья показывают высший класс на ледовой арене. «Чемпионат» ҫинчи публикаци, авторӗ — Арина Забгаева. (выр.)
- «Нет, я не буду плакать!»: История девочки с синдромом Дауна, которая играет в хоккей. «Домашний очаг»-ри публикаци. (выр.)
- «Агентство социальной информации» порталти Ача-пӑча следж-хоккей лиги НКО каталогӗнче (выр.)
- «Ылтӑн стандарта» библиотека скрининг, диагностика методики тата ачасен хӑнӑхусен аталанӑвне аутистика спектрӗ пӑсӑлнипе тата аталану ытти пӑсӑлнипе хаклани. // Президент гранчӗсен фончӗ.. (выр.)