Аслă Чак

Герб	Ялав

Аслă Чак Aslă Cak
Патшалăх	Раҫҫей Федерацийӗ
Республика	Чăваш Республики
Район	Вăрмар районĕ
Ял тăрăхĕ	Аслă Чак ял тăрăхĕ
Лаптăк	412км²
Халăх йышĕ	408 (2006)
Никĕсленĕ	1875
Телефон префиксĕ	+7 83244
Почта индексĕ	429410
Вăхăт тăрăхĕ	UTC+3, çулла UTC+4
ОКАТО (код)	97 23 881 00 01

Аслă Чак, Aslă Cak — Чăваш Республикин Вăрмар районĕнчи ял.

Тавралăхĕ

Аслă Чак ялĕ Вăрмар посёлăк район центрĕн хĕвел анăç енче вырнаçнă. Яла район центрĕпе асфальтлă çул çыхăнтарать. Тăршшĕ – 10 çухрăм. Аслă Чак Кĕçĕн Энĕш юханшыв çыранĕ хĕрринче вырнаçнă.

Халăх йышĕ, ял тытăмĕ

2006 çул тĕлне ялта 408 çын пурăннă.

МУ СХП "Чакинское", Пĕтĕмĕшле пĕлӳ паракан шкул, ача-пăча сачĕ "Пилеш", медицина пункчĕ, çыхăну уйрăмĕ, культура керменĕ, ял вулавăшĕ, лавкка.

Урамсем

Тухăç, Комсомол, Ленин, Тăнăç, Çамрăксен, Пĕрьен, Асамат, В.И.Чапаев, Шкул урамĕсем.

Кун-çулĕ

Аслă Чак ялĕ 150 яхăн çул каялла никĕсленнĕ. Тĕрлĕ музейри архив хыпарĕсепме çăлкуçĕсем тăрăх, ватă çынсем каласа хăварнипе ял пуçланса кайнине тĕрлĕрен ăнлантарма пулать. Анчах та чи тĕрĕсси вĕсенчен ял 1875 çулта никĕсленни çинчен палăртать.

1917 çулчен Хусан кĕпернинчи Çĕрпӳ уесне кĕнĕ.

Этимологи

Аслă Чак ялĕ ячĕ акă çапла пулса кайнă: малтанах ял тăрăхĕнче вăрман кăна пулнă. Çак вăрмансенче çĕр ĕçтешĕсем патша çыннисенчен налук тӳлеме май çуккипе тарса çӳренĕ. Пĕр çĕр ĕçтĕш çăл патĕнче чарăнса тăнă та çак вырăнтах пурăнма юлнă. Çак çын Чак ятлă пулнă, вăл Аслă Чак ялне никĕсленĕ теççĕ.