Большаков Геннадий Арсентьевич
Большаков Геннадий Арсентьевич (1961 ҫулхи авӑнӑн 5-мӗшӗ, Хĕрлĕ Васан, Чăваш Автономиллĕ Социализмлă Совет Республики — 2017 ҫулхи акан 22-мӗшӗ, Шупашкар) — Раҫҫей актёрӗ. Раҫҫей Федерацийӗн тава тивӗҫлӗ артисчӗ (2006). Раҫҫей Федерацийӗн литература тата ӳнер енӗпе патшалӑх премийӗн лауреачӗ (2004). Чăваш АССР тава тивĕçлĕ артисчĕ (1991), Чӑваш Республикин халӑх артисчӗ (1998), Чӑваш Республикин литературӑпа ӳнер енӗпе патшалӑх премийӗн лауреачӗ (1999)[1].
Пурнӑҫӗпе ӗҫӗ-хӗлӗ
1961 ҫулхи авӑн уйӑхӗн 5-мӗшӗнче Чӑваш АССРӗн Шӑмӑршӑ районӗнчи Хӗрлӗ Васан ялӗнче ҫуралнӑ[1].
Мускаври М. С. Щепкин ячӗллӗ театр училищинче(выр.)чăв. В. К. Смирнов профессор курсӗнче пӗлӳ илнӗ[1].
1983 ҫултанпа, училищӗрен вӗренсе тухса тӑван ҫӗре таврӑнсан, К. В. Иванов ячӗллӗ Чӑваш патшалӑх академи драма театрӗнче актёр пулса ӗҫленӗ[1].
1999 ҫулта Николай Сидоровӑн «Хӳхӗм хӗрӗн хӳхлевӗ» спектаклӗнчи Илтивер сӑнарӗшӗн Чӑваш Республикин литературӑпа ӳнер енӗпе патшалӑх премине тивӗҫнӗ. 2004 ҫулта Арсентий Тарасовӑн «Инҫет телей ҫути» спектаклӗнчи Миккуль сӑнарӗшӗн Раҫҫей Федерацин литература тата ӳнер енӗпе патшалӑх премине тивӗҫнӗ. Миккуль сӑнарӗшӗн Пӗтӗм тӗнчери тӗрӗк халӑхӗсен театрӗсен «Науруз» VII Пӗтӗм тӗнчери фестивалӗн парнине тивӗҫнӗ[2].
2017 ҫулхи ака уйӑхӗн 22-мӗшӗнче Шупашкарта вилнӗ[3].
Театрти ӗҫӗсем
Театрта вун-вун асра юлмалли сӑнар калӑпланӑ, вӗсенчен чылайӑшӗ чӑваш театрӗн ылтӑн ҫӳпҫине кӗрсе юлнӑ:
- Никита («Тӗттӗмлӗх тытӑмӗ», Л. Толстой);
- Вирьялов («Салампи», А. Артемьев);
- Йоҫҫӑх («Ҫатан карта ҫинчи хура хӑмла ҫырли», Б. Чиндыков);
- Пайтуш («Ҫӑлтӑр сӳннӗ каҫ», Н. Сидоров);
- Миккуль («Инҫет телей ҫути», А. Тарасов);
- Игнат («Чунсене чӗпӗтет ҫил-тӑман», И. Бунин(выр.)чăв.);
- Сальери («Моцартпа Сальери», А. Пушкин);
- Пыжиков («Шухӑ вырӑнта», А.Н. Островский(выр.)чăв.);
- Илтивер («Хӳхӗм хӗрӗн хӳхлевӗ», Н. Сидоров);
- Михаил Михайлович («Чун кӗвви», Е. Тикинева);
- Павел Иванович, Вано Пантиашвили кнеҫ («Ханума», А. Цагарели(выр.)чăв.);
- Мусий мучи («Юратупа кавӑн», И. Стаднюк(выр.)чăв.);
- Зхир («Сутӑн илнӗ чыс», А. Хмыт)
- тата ыттисем те[4].
Астӑвӑм
Шупашкар хулин Явӑш масарне хисеплӗ ҫынсен аллейинче пытарнӑ.
Хисепӗсем
- Раҫҫей Федерацийӗн тава тивӗҫлӗ артисчӗ (2006);
- Раҫҫей Федерацийӗн литературӑпа ӳнер енӗпе патшалӑх премийӗн лауреачӗ(выр.)чăв. (2004);
- Чӑваш АССР тава тивӗҫлӗ артисчӗ(выр.)чăв. (1991);
- Чӑваш Республикин халӑх артисчӗ (1998);
- Чӑваш Республикин литературӑпа ӳнер енӗпе патшалӑх премийӗн лауреачӗ (1999);
- Пӗтӗм тӗнчери тӗрӗк халӑхӗсен театрӗсен «Туганлык»(выр.)чăв. фестивалӗн парни (1991);
- Пӗтӗм тӗнчери тӗрӗк халӑхӗсен театрӗсен «Науруз» фестивалӗн парни (2002);
- Чӑваш Республикин «Чӗнтӗрлӗ чаршав» театр конкурсӗн лауреачӗ — «Чи лайӑх арҫын сӑнарӗ» номинацире («Вӗҫсе иртеҫҫӗ кайӑксем» (А. Тарасов, О. Тургай) спектакльти Маэстро сӑнарӗшӗн).
Ӑнлантарусем
- ^ 1, 2, 3, 4 Н. Д. Говорова. Большаков Геннадий Арсентьевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 12-мӗшӗ.
- ^ Геннадий Большаков (выр.). kino-teatr.ru (17 ҫурлан 2017). Пӑхнӑ кун: 2025 ҫулхи ҫурлан 12-мӗшӗ.
- ^ Ушел из жизни артист Чувашского академического драматического театра имени К.В. Иванова Геннадий Большаков (выр.). Официальный портал органов власти Чувашской Республики. Министерство культуры, по делам национальностей и архивного дела Чувашской Республики (24 акан 2017). Пӑхнӑ кун: 2025 ҫулхи ҫурлан 12-мӗшӗ.
- ^ Большаков, Геннадий Арсентьевич (актер; 05.09.1961-22.04.2017) (выр.). Цифровая библиотека чувашского наследия «Наследие Чувашии». Национальная библиотека Чувашской Республики. Пӑхнӑ кун: 2025 ҫулхи ҫурлан 12-мӗшӗ.
Вуламалли
- Российская Федерация. Президент. О награжджении государственными наградами Российской Федерации : [о присвоении почетного звания «Заслуженный артист Российской Федерации» Геннадию Арсентьевичу Большакову — артисту Чувашского государственного академического драматического театра им. К. В. Иванова] : Указ Президента Российской Федерации [от 26.06.2006 № 783] // Вести Чувашии. — 2006. — 2 авг. — С. 1;
- Большаков, Г. А. Кашни сӑнара чуна илсе… / Г. А. Большаков ; пичете Н. Осипова хатӗрленӗ // Тӑван Атӑл. — 2011. — № 10. — Прил.: с. 3-11 : сӑн ӳкерчӗк;
- Большаков, Г. А. «Мана чӗпӗтсен ырах юлмастӑн» / Г. Большаков ; Р. Власова ҫырса илнӗ // Ҫамрӑксен хаҫачӗ. — 1999. — 24 раштав (№ 48). — С. 12;
- Большаков, Г. А. Сӑнарӗсем чуна вӑратаҫҫӗ, ӑшӑтаҫҫӗ е тарӑхтараҫҫӗ те хаярлатаҫҫӗ / Г. А. Большаков ; Н. Смирнова ҫырса илнӗ // Хыпар. — 2011. — 11 юпа. — С. 4;
- Евсеева, М. «Ҫакӑнта ман пурнӑҫ…» / М. Евсеева // Хыпар. — 2008. — 5 нарӑс;
- Саландаев, И. Ылтӑн пучаха чуп турĕ те куҫҫульне шӑлчĕ… / И. Саландаев // Шӑмӑршӑ хыпарӗ. — 2021. — 3 сентябрь (№ 34). — С. 5 : сӑн ӳкерчĕк;
- Смирнова, Н. Сӑнарӗсем тата мӗнлеччӗ… / Н. Смирнова ; С. Журавлев сӑн ӳкерчӗкӗ // Хыпар. — 2021. — 7 авӑн/сентябрь (№ 98). — С. 3 : сӑн ӳкерчӗк;
- Тумаланова, М. «Манаймастпӑр…» / М. Тумаланова // Чӑваш хӗрарӑмӗ. — 2021. — 9 авӑн/сентябрь (№ 35). — С. 2 : сӑн ӳкерчӗк;
- Эверкки, В. Вӑлах — старик, вӑлах — пӗве кӗмен каччӑ / В. Эверкки // Чӑваш хӗрарӑмӗ. — 2011. — 10-16 раштав (№ 48). — С. 10;
- Яковлев, В. Н. Аваллӑхпа ҫыхӑнтаракан вӑчӑра / В. Н. Яковлев : Н. Смирнова ҫырса илнӗ // Хыпар. — 1999. — 9 утӑ;
- Большаков, Г. Вкусив восторг и слезы вдохновенья / Г. Большаков ; [беседовала Н. Говорова] // Советская Чувашия. — 2000. — 16 мая;
- Говорова, Н. Д. Большаков Геннадий Арсентьевич / Н. Д. Говорова // Чувашская энциклопедия. — Чебоксары, 2006. — Т. 1 : А-Е. — С. 231-232;
- Григорьев, О. Вручены государственные премии и награды : [о присуждении Государственной премии Чувашской Республики 1998 года в области литературы и искусства В. Н. Яковлеву, Н. И. Сидорову, Ю. П. Григорьеву, Ю. П. Матросову, Г. А. Большакову за спектакль Чувашского государственного академического драматического театра «Хӳхӗм хӗрӗн хӳхлевӗ»] / фот. В.Романов // Советская Чувашия. — 1999. — 24 июня. — С. 1-2;
- Кириллов, Г. В. Большаков Геннадий Арсентьевич (05.09.1961-22.04.2017) / Г. В. Кириллов, М. Г. Митина // Актеры, любимые народом / Г. В. Кириллов, М. Г. Митина. — Чебоксары, 2018. — С. 306-309 : фот.;
- Премии — служителям искусства : [о присуждении Государственной премии Чувашской Республики 1998 года в области литературы и искусства за спектакль Чувашского государственного академического драматического театра «Хӳхӗм хӗрӗн хӳхлевӗ»] // Советская Чувашия. — 1999. — 23 июня. — С. 1;
- Сыграет и князя, и крестьянина // Советская Чувашия. — 2011. — 14 дек. — Прил.: с. 4.