Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Гордеев Николай Васильевич

Гордеев Николай Васильевич (1961 ҫулхи пушӑн 25-мӗшӗ, Чӑваш Республики — Чӑваш Ен — 2010 ҫулхи ҫӑвӑн 29-мӗшӗ, Шупашкар) — чăваш драма артисчĕ, юрăç, Чăваш Республикин тава тивĕçлĕ артисчĕ[1].

Пурнăçĕпе ĕçĕ-хĕлĕ

Николай Гордеев 1961 çулхи пуш уйăхĕн 25-мĕшĕнче Чăваш АССРĕн Çĕрпӳ районĕнчи Вутлан ялĕнче çуралса ӳснĕ[1].

1983 çулта Мускаври М. С. Щепкин ячĕллĕ Аслӑ театр училищинчен(выр.)чăв. (В. К. Смирнов ертсе пыракан чăваш студийĕ) вĕренсе тухнă та Шупашкара таврăннă. Хăйĕн пултарулăхри ĕçне К. В. Иванов ячĕллĕ Чăваш патшалăх академи драма театрĕнче драма артисчĕ пулса пуçланă[1].

Унăн паллă рольсем: Эррико («Неаполь — город миллионеров» Эдуардо де Филиппо), Сережа («Пелагея и Алька» Ф. Абрамова), Иван («Над светлой водой» В. Белова), Петр («Завещал мне отец…» Н. Сидорова), Аркадий («Железная женщина» Ш. Башбекова), Артем («Гражданский брак» Н. Сидорова), Бессудный («На бойком месте» А. Н. Островский)[2]. Константин Ивановăн «Нарспи» поэмипе хатĕрленĕ телеспектаклĕнче Николай Гордеев Тăхтаман рольне вылянă[3].

1987–2002 çулсенче Ҫеҫпӗл Мишши ячӗллӗ Чăваш патшалăх çамрăксен театрĕнче Борис Чиндыковăн «Урасмет» спектаклĕнче Урасмет сăнарне вылянă[1]. Çак роль тăван театрăн чи паллă ĕçĕсенчен пĕри пулса тăнă[4].

«Сăвă сĕвемĕ» мусăк программин авторĕ. Телекуравпа радиора тухнă «Телехупах», «Телеюрă» кăларăмсене хутшăннă. Соль концерт программисене йĕркеленĕ, вĕсемпе Мускава, Санкт-Петербурга, Тутарстана, Пушкăртстана, Чĕмпĕр тата Самар облаçĕсене гастрольпе çӳренĕ[1].

Николай Гордеев юрăç пек те паллă пулнă. Вăл чăваш эстрадинче нумай юрă юрланă: ытларахӑшне мӑшӑрӗпе дуэтпа[3].

2010 çулхи çу уйăхĕн 29-мĕшĕнче Николай Васильевичăн пурнăçĕ сарăмсăр татăлнă[2]. Тăван ялĕнчи масарта пытарнă.

Юрăсем

Николай Гордеев нумай чăваш эстради юррисене хăйĕн арăмӗпе Любовь Гордеевăпа пĕрле юрланă. Вĕсен дуэчĕ чăваш эстрадинче паллă пулнă[5].

Паллă юррисем:

  • «Акăшсем»;
  • «Вăйăен кайăк»;
  • «Эс телейлĕ-и манпа?»;
  • «Иртрĕ çамрăк ĕмĕр»;
  • «Ылтăн туй»;
  • «Эп вилсен»;
  • «Хиппи»;
  • «Молодая» (1990-мĕш çулсенчи хит)[5].

Семья

Арăмĕ — Гордеева Любовь Петровна. Любовь Петровна та юрăç, вĕсен дуэчĕ нумай çул хушши чăваш эстради çинче юрланă. Вĕсем икĕ ывăл çуратса ӳстернĕ — Григорий тата Егор[3].

Хисепĕсем

  • Чăваш Республикин тава тивĕçлĕ артисчĕ (2004)[1].

Ӑнлантарусем

  1. ^ 1, 2, 3, 4, 5, 6 Гордеев Николай Васильевич. Наследие Чувашии. Пӑхнӑ кун: 2026 ҫулхи утӑн 16-мӗшӗ.
  2. ^ 1, 2 Ушел из жизни заслуженный артист Чувашской Республики Николай Гордеев. Официальный портал органов власти Чувашской Республики (31 ҫӑвӑн 2010). Пӑхнӑ кун: 2026 ҫулхи утӑн 16-мӗшӗ.
  3. ^ 1, 2, 3 В Чувашском драмтеатре состоялся вечер воспоминаний, посвященный заслуженному артисту Чувашии Николаю Гордееву. Чувашский академический драматический театр им. К. В. Иванова (25 пушӑн 2026). Пӑхнӑ кун: 2026 ҫулхи утӑн 16-мӗшӗ.
  4. ^ С доброй памятью. БезФормата (13 авӑнӑн 2012). Пӑхнӑ кун: 2026 ҫулхи утӑн 16-мӗшӗ.
  5. ^ 1, 2 В Чебоксарах почтили память заслуженного артиста Чувашии Николая Гордеева. Советская Чувашия (27 пушӑн 2026). Пӑхнӑ кун: 2026 ҫулхи утӑн 16-мӗшӗ.

Вуламалли

  • Ахапи, Э. «Сана хĕвел вăрларĕ пуль, уйăх çине пытарчĕ пуль...» : [Николай Гордеев юрăç пирки] / Э. Ахахпи // Самант. — 2011. — № 4. — С. 4.
  • Гордеева, Л. П. «Сан чун ăшши чĕресенче-çке юлчĕ...» : [Николай Гордеев юрăç мăшăрĕпе Любовь Петровна Гордеева юрăçпа калаçни / Р. Власова çырса илнĕ] // Хыпар. — 2015. — 29 çу. — С. 8-9 : сăн ӳкерчĕксем.
  • Гордеева, Л. П. «Шăпа çырни, тен, çапла пулчĕ...» : [Любовь Гордеевăпа Чăваш Республикин тава тивĕçлĕ артисчĕ Николай Гордеев çинчен аса илни тата малашнехи пурнăçĕ çинчен калаçни] / Л. П. Гордеева ; Е. Николаева [калаçнă] // Хресчен сасси. — 2010. — 15 юпа. — С. 3.
  • Гордеева, Л. П. Любовь Гордеева: «Эпĕ яланах Гордеев арăмĕ пулнă» : [Денис Гордеев юрăç арăмĕнчен Любовь Петровнаран илнĕ интервью] / Л. П. Гордеева ; Р. Прокопьева калаçнă // Самант. — 2011. — № 4. — С. 5.
  • Дмитриев, Н. Шупашкар артистпа сыв пуллашрĕ / Н. Дмитриев // Хыпар. — 2010. — 1 çĕртме. — С. 1.
  • Тарасов, А. Чăваш чунĕн сасси / А. Тарасов // Тăван Атăл. — 2011. — № 3. — Прил.: с. 64. — (Сунтал : хушма журнал).
  • Гордеев Николай Васильевич // Край Цивильский : краткая энцикл. р-на. — Чебоксары, 2008. — С. 107.

Каçăсем

Категорисем