Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Ефимов Юрий Филиппович

РУВИКИ-ре ҫак хушаматлӑ ытти ҫынсем пирки те статьясем пур: Ефимов.

Ефимов Юрий Филиппович (1941 ҫулхи юпан 24-мӗшӗ, Ҫӗньял-Покровски, Шупашкар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 1998 ҫулхи кӑрлачӑн 7-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — чӑваш чӗлхи тӗпчевҫи. Филологи ӑслӑлӑхӗсен кандидачӗ (1978)[1].

Пурнӑҫӗ

Чӑваш патшалӑх педагогика институчӗн историпе филологи факультетӗнче аслӑ пӗлӳ илнӗ (1956), «Вырӑс чӗлхипе литератури тата чӑваш чӗлхипе литератури» специальнӑҫе алла илнӗ. 1975 ҫулта СССР ӐА Чӗлхе пӗлӗвӗн институтӗнче аспирантурӑна вӗренсе пӗтернӗ.

1967–1970 ҫулсенче ачасене шкулта вӗрентнӗ, «Пионер сасси» хаҫатра вӑй хунӑ. 1970–1972 ҫулсенче Чӑваш телекурав студийӗн литературӑпа драма, ача-пӑча редакцийӗнче ӗҫленӗ.

Чӑваш АССРӗн Министсен Канашӗ ҫумӗнчи Чӗлхе, литература, истори тата экономикӑн Чӑваш ӑслӑлӑхпа тӗпчев институтӗнче вӑй хунӑ, 1979–1991 ҫулсенче педагогика институтӗнче преподаватель пулса ӗҫленӗ[2].

Ӗҫӗсем

1978 ҫулта Алма-Атара «Лексико-грамматические особенности чувашских пословиц и поговорок» темӑпа кандидат диссертацине хӳтӗленӗ.

Илемлӗ литературӑри чӗлхепе халӑх пултарулӑхӗн хайлавӗсене тӗпченӗ. Лексикӑпа ӗҫленӗ, «Чӑваш чӗлхин ӑнлантару словарьне» хатӗрлес енӗпе тӑрӑшнӑ[1]. Ҫавӑн пекех вӑл «Библиографический указатель трудов ЧНИИ (1930—1979)» кӗнеке валли библиографи хатӗрленӗ[2].

Юрий Филиппович 30 ытла ӑслӑлӑх ӗҫӗ хатӗрленӗ[1].

Статйисем

  • Ваттисен сӑмахӗсемпе каларӑшӗсем – илемлӗ литература чӗлхине сӑнарлӑх кӳрекен мелсем // О чувашской литературе / НИИ яз., лит., истории и экономики при Совете Министров Чуваш. АССР. Чебоксары, 1977. Вып. 77. C. 51–65.
  • Синонимсен илемлӗ литература чӗлхинчи вырӑнӗ // Чӑваш илемлӗ литература чӗлхи: Ст. пуххи // Чӑваш АССР Министрсен Совечӗ ҫумӗнчи чӗлхе, лит., истори тата экономика наукисен тӗпчев ин–чӗ. Шупашкар, 1978. C. 151–170.
  • Проза чӗлхи типтерлӗ пултӑр // Чӗлхене нормӑлас ыйтусем / Чӑваш АССР Министрсен Совечӗ ҫумӗнчи чӗлхе, лит., истори тата экономика наукисен тӗпчев ин–чӗ. Шупашкар, 1985. С. 45–62.
  • Вырӑнлӑ сӑмах витӗмлӗхӗ: хальхи прозӑри пуплев тата калаҫу сӑмахӗсем пирки // Тӑван Атӑл. 1986. № 12. С. 66–69.
  • Ӑнлантару словарӗнчи пулӑшу сӑмахӗсем // Чӑваш чӗлхе пӗлӗвӗ: Ст. пуххи / Чӑваш патшалӑх гуманитари ӑслӑлӑхӗсен ин–чӗ. Шупашкар, 1999. С. 70–93.
  • Ӑнлантару словарӗнчи терминсем // Чӑваш чӗлхе пӗлӗвӗ: Ст. пуххи / Чӑваш патшалӑх гуманитари ӑслӑлӑхӗсен ин–чӗ. Шупашкар, 1999. С. 84.
  • Иккӗмӗшле сӑмахсене ӑнлантарассин уйрӑмлӑхӗсем / Ю. Ф. Ефимов // Чӑваш чӗлхе пӗлӗвӗ : статьясен пуххи. – Шупашкар, 2006. – 2-мӗш кӑларӑм. – С. 108-131. – Библиогр. статьясен вӗҫӗнче.
  • Омонимсен словарьти вырӑнӗ / Ю. Ф. Ефимов // Чӑваш чӗлхе пӗлӗвӗ : статьясен пуххи. – Шупашкар, 2006. – 2-мӗш кӑларӑм. – С. 131-144. – Библиогр. статья вӗҫӗнче.

Ӑнлантарусем

  1. ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 162. — 505 с.
  2. ^ 1, 2 Ефимов, Юрий Филиппович (языковед; 24.10.1941-07.01.1998) (выр.). Наследие Чувашии. Пӑхнӑ кун: 2026 ҫулхи утӑн 28-мӗшӗ.

Вуламалли

  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 162. — 505 с.
  • Юрий Филиппович Eфимов. (Ĕҫтешӗмӗре асӑнса): Хурлӑх сӑмахӗ // Чӑваш чӗлхе пӗлӗвӗ: Ст. пуххи / Чӑваш патшалӑх гуманитари ӑслӑлӑхӗсен ин–чӗ Шупашкар, 1999. С. 170–171.
  • Степанов Г. Чӗлхеҫе халалланӑ ӑслӑлӑлӑх вулавӗ иртрӗ // Хыпар. 2001. 30 чӳк.
  • Ефимов Юрий Филиппович // Чăваш чĕлхи тĕпчевçисем : биобиблиографи указателĕ. – Шупашкар, 2006. – С. 96-98.
  • Павлов Л.П. Eфимов Юрий Филиппович // Павлов Л.П. Сторона моя Чебоксарская: (Материалы по истории Чебоксар. р–на Чуваш. Респ.) / Л.П. Павлов, В.П. Станьял. Кугеси, 1997. С. 389.

Каҫӑсем

Категорисем