Железняков Валерий Александрович

Ҫын пирки
Железняков Валерий Александрович
Çуралнă вăхăт	1955 ҫулхи ҫӑвӑн 12-мӗшӗ(1955-05-12) (70 ҫулта)
Çуралнă вырăн	Новый Свет[d], Красноярское сельское поселение[d], Ижморский район[d], Кемӗр облаҫӗ, Раççей Федерациллĕ Социализмлă Совет Республики, СССР
Гражданлăх	СССР  Раҫҫей Федерацийӗ

Железняков Валерий Александрович (1955 ҫулхи ҫӑвӑн 12-мӗшӗ, Ҫӗнӗ Ҫутӑ, Ижмор районӗ, Кемӗр облаҫӗ) — спорт журналисчӗ, фотокорреспондент.

Пурнӑҫӗпе ӗҫӗ-хӗлӗ

1955 ҫулхи ҫу уйӑхӗн 12-мӗшӗнче Кемӗр облаҫӗнчи Ижмор районӗнчи Ҫӗнӗ Ҫутӑ посёлокӗнче ҫуралнӑ. Иркутскри 21-мӗш вӑтам шкула вӗренсе пӗтернӗ (1973). 1974—1976 ҫулсенче Совет Ҫарӗнче хӗсметре пулнӑ. Иркутскри туризмпа физкультура институтӗнче (1978), Иркутскри Аслӑ парти шкулӗн журналистика уйрӑмӗнче (1981), Иркутск культура университечӗн фотоӳнер факультетӗнче (1986) пӗлӳ илнӗ. Ҫавӑн пекех Фотоӳнер университетӗнче «Профессиллӗ фотографи», «Фотографи усламӗ» профессилле аслӑ курссене вӗренсе пӗтернӗ (1991).

Вӗреннӗ хушӑрах ӗҫленӗ те: суту-илӳ тата склад объекчӗсене сыхланӑ (1974, 1976—1978), Иркутскри авторанспорт предприятийӗнче инженер-технолог (1978—1981), Байкал-Амур магистралӗнче шкул учителӗ (1981—1982), Иркутскри «Октябрьский» культурӑпа спорт комплексӗн директорӗ (1982—1986), Иркутск облаҫӗн культура управленийӗн ӑслӑлӑхпа меслетлӗх центрӗн аслӑ методисчӗ (1986—1991), «Кедр» фотоклуб ертӳҫи тата «Байкалҫум фотохудожникӗсен союзӗ» регион организацийӗн ертӳҫи (1991—1996) пулса вӑй хунӑ.

1996 ҫулта Чӑваш Республикине куҫса килнӗ. Пӗр ҫулталӑк Ҫӗнӗ Шупашкарта услам ӗҫӗпе тӑрмӑшнӑ. Унтан фотоӳнер ӗҫне пуҫӑннӑ, Чӑваш Республикинче нумай хаҫат-журналта вӑй хунӑ:

• «Вестник ЗОЖ» (Шупашкар хули) хаҫатӑн тӗп редакторӗн ҫумӗ (1997—1998),
• «СЧ-Столица» хаҫат фотокорреспонденчӗ (1998—1999),
• «Молодёжный курьер» хаҫат корреспонденчӗ (1999—2000),
• «Тайм-Аут» (Ҫӗнӗ Шупашкар хули) хаҫатӑн тӗп редакторӗ (2000—2001),
• «Спортивная панорама Чувашии» журналӑн редакторӗ (2011—2012),
• «Спортивный вестник» хаҫатӑн учредителӗ тата тӗп редакторӗ (2002—2018),
• «Возрождение 21» хаҫатӑн учредителӗ тата тӗп редакторӗ (2011—2020).

Фотокорреспондентӑн тӗп теми — спорт.

Раҫҫейри, Чӑваш Республикинчи хаҫат-журналсенче пичетленнӗ: «Известия», «Российская газета», «Советский спорт», «Иркутск», «Спорт», «Автодело», «Советская молодёжь», «Земля», «Прибайкалье» тата ыттисенче те.

СССР Фотохудожникӗсен союзӗн (1989), Раҫҫей фотохудожникӗсен союзӗн (1991) учредительсен съезчӗсен делегачӗ пулнӑ.

1990—1996 ҫулсенче Раҫҫей фотохудожникӗсен союзӗн правленийӗн пайташӗ пулнӑ.

Куравсем

Пӗтӗм тӗнчери тата Пӗтӗм Раҫҫейри куравсене хутшӑннӑ, Иркутскра тата Шупашкарта 20-е яхӑн харпӑр курав йӗркеленӗ.

Ют ҫӗршывсенче:

• Латви,
• АПШ,
• Румыни,
• Андорра.

Раҫҫей хулисенче:

• Мускав,
• Владивосток,
• Магадан,
• Курск,
• Чита,
• Аҫтӑрхан,
• Самар
• Иркутск

Харпӑр куравсем

• Чул хула (Иркутск, 1994),
• Спорт-1996 (Иркутск, 1996),
• Динамика аспекчӗ (Шупашкар, 2002),
• Ҫӗнтерӳ чунӗ (Шупашкар, 2005),
• Пӗлменлӗх талккӑшӗ (Шупашкар, 2006),
• Трансформаци (Шупашкар, 2006),
• SPORT@RT (Ҫӗнӗ Новочебоксарск, 2011),
• ТАЙМ-@УТ (Шупашкар, 2011),
• Ст@дион (Шупашкар, 2014),
• ФизКУЛЬТ-УРА! (Шупашкар, 2014),
• Спорт чунӗ (Шупашкар, 2015),
• Туйӑм (2019)
• тата ытти те.

Хисепӗсем

• Раҫҫейри Олимп комитечӗн «Fair Play» дипломӗ (2005),
• Пӗтӗм Раҫҫейри «Преодоление» (Мускав) фотокурав дипломӗ (2013),
• Чӑваш Республикин Физкультурӑпа спорт министерствин Хисеп грамоти (2003—2012),
• Пӗтӗм Раҫҫейри, облаҫри тата республикӑри конкурссен лауреачӗ тата дипломанчӗ: Иркутск (1985), Чита (1987), Владивосток (1990), Курск (1990), Мускав (1990), «Славич-98» (Ярославль, 1998).

Вуламалли

• Автор и руководитель проекта В. П. Комиссаров. Энциклопедия чувашской журналистики и печати(выр.). — Региональная общественная организация «Союз журналистов Чувашской Республики», 2014. — Т. 1. — С. 141. — 559 с. — ISBN 978-5-7670-2156-7.
• Автор и руководитель проекта С. В. Журавлёв. Фотокорреспонденты Чувашии. Биографии - Чӑваш Ен фотокорреспонденчӗсем. Вӗсен пурнӑҫ ҫулӗ(выр.). — Чувашское книжное издательство, 2021. — Т. 1. — С. 89—100, 258. — 264 с. — ISBN 978-5-7670-3058-3.

Ӑнлантарусем

Каҫӑсем

• https://culture.cap.ru/news/2005/04/13/14-07-vzheleznyakov-sportivnaya-zhurnalistika-nachin?ysclid=m2tehx0k5z403528653
• http://www.artperehod.ru/03_Gallery/05_Geleznjakov/00_VGL_About/145_Geleznjakov.html
• https://sv21.ru/izdatproekt/
• http://www.photounion.ru/Show_News.php?nnum=358
• http://www.nbchr.ru/index.php?option=com_content&view=article&id=610&catid=93&Itemid=1154
• https://vk.com/wall-2411559_57911?ysclid=m2tem8jyy6725918258
• http://www.photounion.ru/Show_News.php?nnum=2032
• https://cheboksari.bezformata.com/listnews/nominant-respublikanskogo-konkursa/9923722/