Зиновьева Мария Зиновьевна
Зиновьева Мария Зиновьевна (1929 ҫулхи пушӑн 5-мӗшӗ, Тӗнсӗр, Ҫӗрпӳ районӗ, Чӑваш АССР, РСФСР — 1999 ҫулхи ҫурлан 29-мӗшӗ, Вӑрӑмпуҫ, Канаш районӗ, Чӑваш Республики, Раҫҫей Федерацийӗ) — совет ял хуҫалӑх производствинче малта пыракан, Канаш районӗнчи «Путь коммунизма» колхоз бригадирӗ, Социализмла Ӗҫ Паттӑрӗ (1976).
Пурнӑҫӗпе ӗҫӗ-хӗлӗ
1929 ҫулхи пуш уйӑхӗн 5-мӗшӗнче Чӑваш АССРӗн Ҫӗрпӳ районӗнчи Тӗнсӗр ялӗнче ҫуралнӑ. Ачаллах йывӑр ӗҫ ӗҫлесе ӳснӗ. Революцие хутшӑннӑ, Балтика матросӗ пулнӑ ашшӗ вилсен амӑшне 8 ача ура ҫине тӑратма пулӑшнӑ. Шкул вӗренсе пӗтернӗ хыҫҫӑн тӑван ялта колхозра колхозница пулса ӗҫлеме пуҫланӑ, унтан сысна пӑхаканта, бригадирта вӑй хунӑ.
1952 ҫулта Шупашкара совет парти шкулне вӗренме янӑ.
1956 ҫулта В. Н. Платонова качча тухнӑ та Канаш районӗнчи Вӑрӑмпуҫ ялне пурӑнма куҫнӑ. Ашшӗне асӑнса ун хушаматнех хӑварнӑ. Малтан ялти лавккара сутуҫӑра, кайран ку ялти «Путь Ленина» колхозра бригадир, бригадир-агроном, унтан колхозница пулса ӗҫленӗ.
СССР Аслӑ Канашӗн Президиумӗн 1976 ҫулхи раштавӑн 23-мӗшӗнчи хушӑвӗпе 1976 ҫулта производствӑри пысӑк кӑтартусемшӗн, ял хуҫалӑх производствинче ҫитӗнӳсем тунӑшӑн, Мария Зиновьевана Ленин орденӗпе «Ҫурлапа Мӑлатук» ылтӑн медаль парса Социализмла Ӗҫ Паттӑрӗ ят панӑ[1].
Канаш районӗнчи Вӑрӑмпуҫ ӗҫ депутачӗсен Канашӗн ӗҫ тӑвакан комитечӗн секретарӗ, КПСС Канаш райкомӗн инструкторӗ пулнӑ.
Канаш районӗнчи Вӑрӑмпуҫ халӑх депутачӗсен Канашӗн депутатне, Канаш районӗн халӑх депутачӗсен Канашӗн депутатне, Чӑваш АССР Аслӑ Канашӗн 8-мӗш (1971—1975) тата 9-мӗш (1976—1980) суйлавӗсенче депутата суйланнӑ. Чӑваш АССР Аслӑ Канашӗн Президиумӗн пайташӗ пулнӑ.
Мускаври ВДНХри куравсене темиҫе хутчен те хутшӑннӑ, икӗ хутчен кӗмӗл медальсене тивӗҫнӗ.
Вӑрӑмпуҫ ялӗнче пурӑннӑ, унтах 1999 ҫулхи ҫурлан 29-мӗшӗнче вилнӗ.
Хисепӗсем
- Чӑваш АССРӗн тава тивӗҫлӗ ялхуҫалӑх ӗҫченӗ (1972).
- виҫӗ Ленин орденӗ (1970, 1973, 1976),
- «Ҫурлапа Мӑлатук» ылтӑн медаль (1976),
- медальсем, ҫав шутра
- ВДНХ икӗ кӗмӗл медалӗ.
Астӑвӑм
- 2022 ҫулта Вӑрӑмпуҫ ялӗнче ялхуҫалӑхӑн паллӑ ӗҫченӗсене Зиновьева Мария Зиновьевна тата Платонов Василий Николаевич ячӗпе асӑну хӑми уҫнӑ[2].
- Канаш хулин таврапӗлӳ музейӗнче Социализмла Ӗҫ Паттӑрне халалланӑ стенд йӗркеленӗ[3].
Ӑнлантарусем
- ^ http://www.nbchr.ru/People_work/html/Z/057_zinovieva.htm
- ^ https://kanash.cap.ru/news/2022/10/31/vidayuschimsya-rabotniki-seljskogo-hozyajstva-zino?ysclid=m6mlclsyh1495297
- ^ В память о забытых героях (выр.). https://gov.cap.ru. МБУ «Краеведческий музей» г. Канаш ЧР (15 нарӑсӑн 2016).
Вуламалли
- Прокопьев, В. П. Вӑрӑмпуҫӗнчи ҫӗр ӑстисем : [Чӑваш АССР тава тивӗҫлӗ агрономӗ В. Н. Платоновпа унӑн мӑшӑрӗ Социализмла Ӗҫ Геройӗ М. З. Зиновьева ҫинчен] / В. П. Прокопьев. — Шупашкар, 2011. — 119 с. : ил.
- Владимиров, А. Хӑй ҫулӗнчен пӑрӑнман / А. Владимиров // Хыпар. — 2006. — 23 пуш.
- Мария Зиновьева (1929-1999) // Хыпар. — 2019. — 18 кӑрлач/январь (№ 4/5). — С. 13.
- Мария Зиновьевна Зиновьева : [некролог] // Хыпар. — 1999. — 31 ҫурла.
- Мясников, А. Мухтавлӑ ентешсене асра тытатпӑр / А. Мясников ; автор сӑн ӳкерчӗкӗ // Канаш ен. — 2022. — 3 чӳк/ноябрь (№ 43). — С. 2.
- Прокопьев, В. Ҫӗре юратса, уншӑн вӑй хурса / В. Прокопьев // Канаш ен. — 2002. — 10 юпа.
- Крылов, Г. З. Сестра Мария / Г. З. Крылов // Октябрь в судьбе чувашского народа / Г. З. Крылов. — Чебоксары, 2018. — С. 112-116.
- Зиновьева Мария Зиновьевна // Край Цивильский : краткая энцикл. р-на. — Чебоксары, 2008. — С. 139.
- Зиновьева Мария Зиновьевна : [некролог] // Чебоксарская правда. — 1999. — 31 авг. (№ 35). — С. 8.
- Зиновьева Мария Зиновьевна // Энциклопедия агропромышленного комплекса Чувашской Республики. — Чебоксары, 2017. — С. 205.
- Мадебейкин, И. Н. Зиновьева Мария Зиновьевна / И. Н. Мадебейкин // Краткая чувашская энциклопедия. — Чебоксары, 2001. — С. 173.
- Мадебейкин, И. Н. Зиновьева Мария Зиновьевна / И. Н. Мадебейкин // Чувашская энциклопедия. — Чебоксары, 2008. — Т. 2 : Ж-Л. — С. 69.
- Мадебейкин, И. Н. Зиновьева Мария Зиновьевна / И. Н. Мадебейкин // Энциклопедия Цивильского района. — Чебоксары, 2019. — С. 117.
- Наши Герои Социалистического труда // Цивильский вестник. — 2022. — 11 февр. (№ 10). — С. 3.
- Прокопьев, В. П. Мария Зиновьевна Зиновьевна: 1929-1999. Дороги неугомонной Марии / В. П. Прокопьев // Работники сельского хозяйства. — Чебоксары, 2014. — С. 159-172.
- Указ Президиума Верховного Совета СССР о присвоении звания Героя Социалистического Труда. 23 декабря 1976 г. Ведомости ВС СССР. 1976. № 52. Ст. 755.