Ивкин Иван Михайлович

	Ҫын пирки
	Ивкин Иван Михайлович
Çуралнă вăхăт	1923 ҫулхи авӑнӑн 1-мӗшӗ
Çуралнă вырăн	Кувакин, Улатăр районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Вилнĕ вăхăт	1982 ҫулхи ҫӗртмен 18-мӗшӗ (58 ҫул)
Вилнĕ вырăн	Артёмовск[d], Донецкая область[d], Украина Советлӑ Социализмлӑ Республики, СССР;
Гражданлăх	СССР;
Альма-матер	Военная академия имени М. В. Фрунзе[d];
Премисемпе чысланисем	;

Ивкин Иван Михайлович (1923 ҫулхи авӑнӑн 1-мӗшӗ(19230901), Кувакино, Чӗмпӗр кӗпӗрни^[1] — 1982 ҫулхи ҫӗртмен 18-мӗшӗ(19820618), Артёмовск, Донецк облаҫӗ) — Совет Союзӗн Паттӑрӗ, 248-мӗш стрелоксен полкӗн рота командирӗ (1-мӗш Украина фрончӗ, 52-мӗш ҫар, Сталинградри Богдан Хмельницкий орденӗллӗ 31-мӗш стрелоксен дивизийӗ), аслӑ лейтенант^[2].

Кун-ҫулӗ

1923 ҫулхи авӑн уйӑхӗн 1-мӗшӗнче Кувакино ялӗнче хресчен кил-йышӗнче ҫуралнӑ. Вырӑс. Вӑтам шкултан вӗренсе тухнӑ, ун хыҫҫӑн Оренбург облаҫӗнчи Орск хулинчи никель комбинатӗнче слесарь пулса вӑй хунӑ.

1942 ҫулта ӑна Хӗрлӗ Ҫар ретне илнӗ. Ҫав ҫулах вӑл Бердичеври ҫар пехота училищинчен вӗренсе тухнӑ.

1944 ҫулхи кӑрлач уйӑхӗнчен пуҫласа Тӑван Ҫӗршывӑн Аслӑ вӑрҫин фрончӗсенче пулнӑ. 1-мӗш тата 2-мӗш Украина фрончӗсенче ҫапӑҫнӑ, Украинӑна, Молдавие, Польшӑна нимӗҫсенчен ирӗке кӑларма, Германи территоринчи ҫапӑҫусене хутшӑннӑ. 1945-мӗш ҫултанпа КПСС пайташӗ. Икӗ хутчен аманнӑ.

1945 ҫулхи кӑрлач уйӑхӗн 25-мӗшӗ ыран тенӗ каҫ Ивкин аслӑ лейтенант ертсе пыракан рота полкрисенчен чи малтан Штайн ятлӑ ял патӗнче Одер шывӗн анӑҫ енне каҫса унти плацдарма йышӑннӑ. Кун каҫа рота тӑшманӑн сакӑр контратакине сирсе янӑ. Ивкинпа унӑн салтакӗсем плацдарма ҫарӑн тӗп вӑйӗсем ҫитиччен тытса тӑнӑ.

1945 ҫулхи ака уйӑхӗн 10-мӗшӗнче Ивкин Иван Михайлович аслӑ лейтенанта Одер урлӑ каҫса, Бреслау хулинчен (Вроцлав, Польша) кӑнтӑр-тухӑҫалла вырнаҫнӑ юханшыв ҫыранӗ хӗрринчи плацдарма ярса илсе ӑна тӑшманран хӳтӗленӗ май паттӑрлӑх кӑтартнӑшӑн Совет Союзӗн Паттӑрӗ ятпа, Ленин орденӗпе тата «Ылтӑн Ҫӑлтӑр» медальпе (6512 №) чысланӑ.

Вӑрҫӑ вӗҫленсен мотострелоксен батальонӗпе командӑланӑ. 1948 ҫулта «Выстрел» курсӗсенче, 1957 ҫулта М. В. Фрунзе ячӗллӗ ҫар академийӗнче пӗлӳ илнӗ. Шур Чиркӳ (Белая Церковь) ял хуҫалӑх институчӗн ҫар кафедрин преподавателӗ пулса ӗҫленӗ, Донецк облаҫӗнчи Артёмов ГВК военкомӗ пулнӑ. 1973 ҫултанпа И. М. Ивкин полковник запаса куҫнӑ. 1982 ҫулхи ҫӗртмен 18-мӗшӗнче вилнӗ. Ӑна Артемовск хулинче пытарнӑ.

Наградӑсем

«Ылтӑн Ҫӑлтӑр» медаль (1945 ҫулхи акан 10-мӗшӗ);
Ленин орденӗ (10. 04. 1945 ҫулхи акан 10-мӗшӗ);

2-мӗш степеньлӗ Тӑван Ҫӗршывӑн Аслӑ вӑрҫин орденӗ (1945 ҫулхи кӑрлачӑн 26-мӗшӗ);
Икӗ Хӗрлӗ Ҫӑлтӑр орденӗ (1944 ҫулхи ҫурлан 25-мӗшӗ; 1955 ҫулхи юпан 26-мӗшӗ);
медальсем.

Ӑнлантарусем

^ Халь — Улатӑр районӗ, Чӑваш Ен, Раҫҫей.
^ Совет Союзӗн Геройӗ ятне илнӗ самант тӗлне

Вуламалли

Герои Советского Союза: Краткий биографический словарь / Пред. ред. коллегии И. Н. Шкадов. — Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382.
Россовский В. П. Золотые звёзды Оренбуржья: биографический справочник. — Кӑнтӑр Урал кӗнеке издательстви, 1989. — 508 с. — ISBN 5-7688-0185-5.
Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — ИПК «Южный Урал», 2005. — С. 108—109. — 595 с. — ISBN 5-94461-009-3.
Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Областная научная библиотека имени Н. К. Крупской, 1987. — С. 51—52. — 155 с.

Каҫӑсем

Ивкин Иван Михайлович «Ҫӗршыв Паттӑрӗсем» сайтра

Ку статьяна РУВИКИН Вырӑс уйрӑмӗнчи Ивкин, Иван Михайлович статьяна чӑвашла куҫарса хатӗрленӗ. '

[МР-1] Халь — Улатӑр районӗ, Чӑваш Ен, Раҫҫей.

[2] Совет Союзӗн Геройӗ ятне илнӗ самант тӗлне

[1]

[2]