Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Курнавӑш вӑтам шкулӗ

Курнавӑш вӑтам шкулӗ — Елчӗк муниципаллӑ округне кӗрекен Курнавӑш ялӗнче вырнаҫнӑ вӑтам шкул.

Адресӗ: Елчӗк муниципаллӑ округӗ, Курнавӑш ялӗ, Тӗп урам, 125 ҫурт.

Шкул директорӗ — Ефимова Анфиса Николаевна[1].

Историйӗ

Чӑваш Республикинчи Елчӗк районӗнчи Курнавӑш ялӗнче шкул 1861 ҫулхи чӳк уйӑхӗн 30-мӗшӗнче уҫӑлнӑ, чиркӳ-прихут шкулӗ шутланнӑ[2].

  • 1870 ҫулта вак халӑхсен (чӑваш) пуҫламӑш училищи пулса тӑнӑ.
  • 1922 ҫултан – ултӑ ҫул вӗренмелли шкул;
  • 1931 ҫултан – ултӑ ҫул вӗренмелли шкул;
  • 1959 ҫултан – ултӑ ҫул вӗренмелли шкул;
  • 1976 ҫултан – вӑтам шкул;
  • 1993 ҫултан – пӗтӗмӗшле пӗлӳ паракан вӑтам шкул.

1888 ҫулта шкулта 50 ача пӗлӳ пухнӑ, вӗсенчен 1 хӗрача.

XIX ӗмӗр вӗҫӗнче ял варринче чиркӳ ҫӗрӗ ҫинче земство училищин ҫӗнӗ ҫуртне туса лартнӑ.

Малтанхи вӗрентекенсем ҫаксем пулни паллӑ: Чӗмпӗр чӑваш шкулне вӗренсе пӗтернӗ Захаров Ф. З., Хусанти тӗн ведомствин хӗрсен училищине вӗренсе пӗтернӗ Белокурова М. А., Хусанти тӗн семинаринчен вӗренсе тухнӑ Троицкий Г. С. (тӗн урокӗсене тытса пынӑ).

1934—1954 ҫулсенче шкул хальхи пилорама вырӑнӗнче ҫӗнӗ йышши йывӑҫ ҫуртра вырнаҫнӑ пулнӑ. Пысӑк сад, шкулӑн ҫурҫӗр енчи турниксемпе физкультура площадки пулнӑ.

1955 ҫултан пуҫласа шкул ял варринчи ҫӗнӗ йывӑҫ ҫуртра ӗҫлеме пуҫланӑ, вӑл

хальхи шкулӑн котельнӑйӗпе 4-мӗш блокӗ хушшинче пулнӑ.

1980 ҫулхи авӑн уйӑхӗн 1-мӗшӗнчен шкул 723 пин тенкӗлӗх смета хакӗпе тунӑ 624 вырӑнлӑ икӗ хутлӑ ҫӗнӗ йышши кирпӗч ҫуртра ӗҫлет.

1996 ҫулта пуҫламӑш професси пӗлӗвӗн класӗсене уҫнӑ (анлӑ профиллӗ тракторист-машинист, АВС категориллӗ автотранспорт хатӗрӗсен водителӗ, повар).

1998 ҫулта И. Н. Ульянов ячӗллӗ Чӑваш патшалӑх университечӗн лицей класӗсене уҫнӑ.

2001 ҫулта Мускав автомобильпе ҫул-йӗр институчӗн Атӑл филиалӗн – патшалӑх техника университечӗн лицей класӗсене уҫнӑ.

2003 ҫулта Мускав патшалӑх уҫӑ университечӗн Шупашкарти институчӗн класӗсене уҫнӑ.

Шкул ҫумӗнче шкул ҫулне ҫитмен ачасен «Ылтӑн пулӑ» ушкӑнӗ ӗҫлет.

Хальхи вӑхӑтра

Шкулта 14 вӗренӳ пӳлӗмӗ, спортзал, библиотека, апатлану пӳлӗмӗ, мастерскӑй пур. Шкул ҫумӗнче ӗҫе хӑнӑхтармалли, сӑнавсем ирттермелли 2 гектар ҫӗр пур.

Шкула 2004 ҫулта газпа ӑшӑтаҫҫӗ. Кӳршӗ ялсенчен ачасене шкул автобусӗпе турттараҫҫӗ. Сӑмахран 2003/2004 вӗренӳ ҫулӗнче шкулта Елчӗк, Патӑрьел, Комсомольски районӗсенчи, Тутарстан Республикин Пӑва тата Ҫӗпрел районӗсенчи 53 ялтан 300 ача вӗреннӗ.

Шкул библиотекинче 11 пин ытла кӗнекепе тӗрлӗ пособисем.

2006 ҫулта 10-11 классенче вӗренекенсем валли профильлӗ классем уҫнӑ.

2006 ҫулта 10-11 классенче вӗренекенсем валли агроклассем уҫнӑ.

Курнавӑш шкулӗн ертӳҫисем

Курнавӑш шкулне ертсе пынӑ ҫынсенчен 1918 ҫултан тупса палӑртнӑ[3].

Заведующисем:

  • 1. Игнатьев Василий Иванович (1918 – 1922)
  • 2. Игнатьев Николай Васильевич (1922 – 1924, 1928 – 1930)
  • 3. Золотников Иван Ильич (1925 – 1927)
  • 4. Патов Вячеслав Никифорович (1927 – 1928)
  • 5. Николаева Степанида Архиповна (1930 – 1932)

Директорсем:

  • 6. Беляев Николай Григорьевич (1932 – 1935)
  • 7. Плечов Никифор Васильевич (1935 – 1938)
  • 8. Чернов Иван Семенович (1938 – 1940)
  • 9. Николаев Корнил Николаевич (13.07.1940 – 15.10.1940)
  • 10. Ванямов Иван Дмитриевич (15.10.1940 – 15.06.1942)
  • 11. Ванямова Клавдия Федоровна (15.06.1942 – 15.08.1942)
  • 12. Дмитриев Григорий Тимофеевич (15.08.1942 – 15.08.1943)
  • 13. Веслин Иван Иванович (15.08.1943 – 01.08.1946)
  • 14. Смирнов Петр Евдокимович (1.08.1946 – 22.08.1953, 6.12.1956 – 27.07.1967)
  • 15. Кузьмин Анатолий Палладьевич (22.08.1953 – 06.12.1956)
  • 16. Смирнова Дария Даниловна (27.07.1967 – 01.04.1970)
  • 17. Смирнов Анатолий Аврамович (01.04.1970 – 15.08.1978)
  • 18. Смирнов Петр Михайлович (15.08.1978 – 19.12.2000)
  • 19. Николаев Сергей Николаевич (19.12.2000 – 13.01.2009)
  • 20. Кузнецов Петр Васильевич (13.01.2009 — 12.07.2021)   
  • 21. Ефимова Анфиса Николаевна (12.07.2021).

Шкулта вӗреннӗ паллӑ ҫынсем

  • Смирнов В. М. — Чӑваш АССР Ҫӗр халӑх комиссарӗн пӗрремӗш ҫумӗ,
  • Курчин И. В. — запасри полковник, ҫар госпиталӗн пуҫлӑхӗ,
  • Ильин С. А. — профессор, экономика ӑслӑлӑхӗсен докторӗ,
  • Кузнецов И. Д. — профессор, истори ӑслӑлӑхӗсен докторӗ,
  • Чермаков Я. Н. — СССР Ленинла комсомол премийӗн лауреачӗ.

Ӑнлантарусем

  1. ^ Руководство (выр.). Муниципальное бюджетное общеобразовательное учреждение «Новошимкусская средняя общеобразовательная школа Яльчикского муниципального округа Чувашской Республики».
  2. ^ Новошимкусская кустовая базовая средняя общеобразовательная школа Яльчикского района прошла славный путь от церковно-приходской, открытой в 1861 году, до крупного сельского образовательного учреждения с классами профессиональной и довузовской подготовки (выр.). Муниципальное бюджетное общеобразовательное учреждение «Новошимкусская средняя общеобразовательная школа Яльчикского муниципального округа Чувашской Республики».
  3. ^ Смирнов П.М., Смирнов А.П. Ученья свет. Краткая история школы села Новые Шимкусы Яльчикского района Чувашской Республики (выр.). Муниципальное бюджетное общеобразовательное учреждение «Новошимкусская средняя общеобразовательная школа Яльчикского муниципального округа Чувашской Республики» (2011).

Вуламалли

  • Яльчикский район. Краткая энциклопедия. — 254 стр.

Каҫӑсем

Категорисем