Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Лабинов Владимир Витальевич

Лабинов Владимир Витальевич (ҫур. 1963 ҫулхи чӳкӗн 3-мӗшӗ, Йĕпреç, Йĕпреç районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей патшалӑх ӗҫченӗ, Раҫҫей Федерацийӗн Ял хуҫалӑх министерствин выльӑх-чӗрлӗх тата ӑратлӑх ӗҫӗн департаменчӗн директорӗ (2012—2016), Карели Республикин правительствин премьер-министрӗн — Карели Республикин ял тата пулӑ хуҫалӑхӗн министрӗн ҫумӗн тивӗҫӗсене пурнӑҫлакан (2017—2018), Карели Республикин ял хуҫалӑх министрӗ (2018—2023). Ял хуҫалӑх ӑслӑлӑхӗсен кандидачӗ.

Биографийӗ

1963 ҫулхи чӳкӗн 3-мӗшӗнче Чӑваш Республикинчи Йӗпреҫ посёлокӗнче ҫуралнӑ[1]. 1985 ҫулта Мускаври К. И. Скрябин ячӗллӗ ветеринари академийӗнчен вӗренсе тухнӑ, 2000 ҫулта — Раҫҫей Федерацийӗн Президенчӗ ҫумӗнчи Раҫҫей патшалӑх службин академийӗнчен.

Ял хуҫалӑх ӑслӑлӑхӗсен кандидачӗ[2].

Династисен пӗр конкурсӗнче Лабиновсен ҫемйине ҫӗршывра пӗтӗмӗшле 1400 ҫул ытла стажлӑ пӗрремӗш династи тесе йышӑннӑ. Лабиновӑн амӑшӗпе ашшӗн енчен 45 ытла тӑванӗ — ветеринари тухтӑрӗсем[3].

Карьера

Ӗҫ карьерине «Починковский» совхозра зоотехникра ӗҫленинчен пуҫланӑ. Аслӑ зоотехник-селекционерта, «Смена» ӑратлӑ кайӑк-кӗшӗк заводӗнче выльӑх ӗрчетес енӗпе тӗп технологра ӗҫленӗ[2].

1996 ҫулта Лабинов Росплемобъединени ертӳҫин ҫумӗ пулса тӑнӑ. 1997—2000 ҫулсенче Раҫҫей Федерацийӗн Ял хуҫалӑх министерствин выльӑх-чӗрлӗх ӗрчетес тата ӑратлӑх ӗҫӗн департаменчӗн ертӳҫин ҫумӗ пулса ӗҫленӗ. 2000 ҫулта — Раҫҫейри сӗт-ҫу отраслӗн предприятийӗсен союзӗн директорӗ[3].

2000 ҫулта «Вимм-Билль-Данн» УАОра менеджерта, финанс управленийӗн тӗпчев ушкӑнӗн ертӳҫинче ӗҫленӗ. 2000 ҫултан пуҫласа 2012 ҫулччен — Раҫҫейри сӗт-ҫу отраслӗн предприятийӗсен союзӗн ӗҫ тӑвакан директорӗ. 2012 ҫултанпа — Раҫҫей Федерацийӗн Ял хуҫалӑх министерствин выльӑх-чӗрлӗх ӗрчетес тата ӑратлӑх ӗҫӗн департаменчӗн директорӗ. 2016 ҫулта ведомствӑра ертӳлӗх улшӑнсан ку должноҫран кайнӑ[3].

2017 ҫулхи ҫу уйӑхӗнчен пуҫласа Лабинов Карелири ял хуҫалӑхне аталантарас ыйтусене тӗрӗслесе тӑнӑ. Республикӑн 2025 ҫулчченхи агропромышленноҫ тата пулӑ хуҫалӑх комплексӗсен аталанӑвӗн стратегийӗн концепцине хатӗрлеме хутшӑннӑ, ӑна Раҫҫейӗн Ял хуҫалӑх министерстви ҫирӗплетнӗ[3].

2017 ҫулхи авӑнӑн 26-мӗшӗнче Карели Республикин Пуҫлӑхӗн Артур Парфенчиковӑн хушӑвӗпе В. Лабинова Карели Республикин правительствин премьер-министрӗн — ял тата пулӑ хуҫалӑхӗн министрӗн ҫумӗн тивӗҫӗсене пурнӑҫлама шаннӑ. 2018 ҫулхи кӑрлачӑн 24-мӗшӗнченпе — Карели Республикин правительствин премьер-министрӗн — ял тата пулӑ хуҫалӑхӗн министрӗн ҫумӗ[4][3].

Уголовлӑ ӗҫ

Лабинова 2023 ҫулхи пуш уйӑхӗн 15-мӗшӗнче «Биокарели» компанирен 10,6 млн тенкӗлӗх пысӑк сӗтев илнӗ тесе тытса чарнӑ. Следстви версийӗ тӑрӑх, министр предпринимательсене фермер ӗҫне пуҫарма уйӑракан «Агростартап»[5] программӑпа ялхуҫалӑх гранчӗсем панӑ чухне пулӑшма шантарнӑ[6][7].

Карели пуҫлӑхӗ Артур Парфенчиков В. Лабинова тытса чарни пирки комментари панӑ:

Оригиналлӑ текст (выр.)

В случае, если следствие предъявит обвинение в противоправных действиях вице-премьеру правительства Владимиру Лабинову, это будет большая потеря для республики. Можно по-разному относиться к его фигуре, но Лабинов (действительно человек с жёстким и непростым характером) — один из лучших специалистов в области сельского хозяйства России, это очевидно. Об этом говорят результаты.

Следстви правительствӑн вице-премьерӗ Владимир Лабинов саккуна хирӗҫле ӗҫсем тунине палӑртса айӑпласан, ку республикӑшӑн пысӑк ҫухату пулать. Ӑна тӗрлӗрен йышӑнма пулать, анчах Лабинов (чӑнах та хытӑ та ҫӑмӑл мар характерлӑ ҫын) — Раҫҫейӗн ялхуҫалӑхӗнче чи лайӑх специалистсенчен пӗри, ҫакӑ куҫкӗрет. Кун пирки ӗҫ кӑтартӑвӗсем калаҫҫӗ[8].

2025 ҫулхи нарӑс уйӑхӗнче Петрозаводск сучӗ Карели Республикин ялхуҫалӑх министерствин экс-пуҫлӑхне Владимир Лабинова сӗтев илнӗшӗн тата должноҫри полномочисемпе иртӗхнӗшӗн айӑплӑ тесе йышӑннӑ (РФ УК 290 ст. 6 п.). Министр пулнӑ ҫынна ҫирӗп режимлӑ колоние 15 ҫула хупса хума йышӑннӑ. Ӑна ҫавӑн пекех 106,4 млн тенкӗ штраф тӳлеттерме йышӑннӑ тата колонирен тухнӑ хыҫҫӑнхи вунӑ ҫул патшалӑх службинче тата вырӑнти хӑй тытӑмлӑх органӗсенче должноҫсем йышӑнмалли ирӗксӗр хӑварнӑ[9][5].

Ҫемье

Владимир Лабиновӑн ҫемйи Мускав ҫывахӗнче пурӑнать[3].

Ашшӗ, Виталий Павлович Лабинов — ветеринари ӑслӑлӑхӗсен докторӗ, Мордва патшалӑх университечӗн доценчӗ, Чӑваш патшалӑх ял хуҫалӑх академийӗн профессорӗ, хирург, аслӑ шкулсен учебникӗсен авторӗ, уй-хир условийӗсенче кӑткӑс операцисене пурнӑҫланӑ[3].

Амӑшӗ, Зоя Игнатьевна Лабинова— ветеринари тухтӑрӗ, Йӗпреҫри аш-какай, сӗт тата апат-ҫимӗҫ тӗрӗслев станцийӗн заведующийӗ.

Тӑван пиччӗшӗ, Сергей Витальевич Лабинов — Чӑваш Республикин Йӗпреҫ районӗнчи фермер, «Хӗрлӗ фронтовик» колхоз ертӳҫи, Патшалӑх Думин депутачӗн П. В. Семёновӑн пулӑшуҫи пулнӑ.

Кӑсӑкланӑвӗ

Чечексемпе кӑсӑкланать. Раҫҫейри гладиолуссен чи пысӑк коллекцине пухнӑ— 450 сорт[3].

Ӑнлантарусем

  1. ^ Что известно о главе Минсельхоза Карелии Владимире Лабинове? (выр.). karel.aif (16 пушӑн 2023). Пӑхнӑ кун: 2026 ҫулхи пушӑн 12-мӗшӗ.
  2. ^ 1, 2 Назначен новый министр сельского и рыбного хозяйства Карелии (выр.) (28 авӑнӑн 2017). Пӑхнӑ кун: 2026 ҫулхи пушӑн 12-мӗшӗ.
  3. ^ 1, 2, 3, 4, 5, 6, 7, 8 Мария Лукьянова. Всегда лидер Лабинов (выр.). rk.karelia (7 авӑнӑн 2018). Пӑхнӑ кун: 2026 ҫулхи пушӑн 12-мӗшӗ.
  4. ^ Указ Главы Республики Карелия от 24.01.2018 № 7 О члене Правительства Республики Карелия – заместителе Премьер-министра Правительства Республики Карелия – Министре сельского и рыбного хозяйства Республики Карелия (выр.) (24 кӑрлачӑн 2018). Пӑхнӑ кун: 2026 ҫулхи пушӑн 12-мӗшӗ.
  5. ^ 1, 2 Александр Гнетнев. За что получил срок экс-глава Минсельхоза Карелии Владимир Лабинов (выр.) (4 нарӑсӑн 2025). Пӑхнӑ кун: 2025 ҫулхи юпан 28-мӗшӗ.
  6. ^ Александр Гнетнев. "Взяток я не брал": экс-глава Минсельхоза Карелии отверг обвинения во взяточничестве (выр.) (5 чӳкӗн 2025). Пӑхнӑ кун: 2025 ҫулхи юпан 28-мӗшӗ.
  7. ^ Что известно о главе Минсельхоза Карелии Владимире Лабинове? (выр.). karel.aif (16 пушӑн 2023). Пӑхнӑ кун: 2025 ҫулхи юпан 28-мӗшӗ.
  8. ^ Гаврилова, Алёна. «Его могли подставить». Фермеры РК не верят, что Лабинов — коррупционер (2023-03-16). Тӗрӗсленӗ: 2026 ҫулхи пушӑн 27-мӗшӗ.
  9. ^ С экс-главы Минсельхоза Карелии Лабинова взыщут 33,8 млн руб. (выр.). karelia.rbc.ru (27 чӳкӗн 2025). Пӑхнӑ кун: 2026 ҫулхи пушӑн 27-мӗшӗ.

Категорисем