Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мажуков Алексей Сергеевич

Алексей Сергеевич Мажуков (1936 ҫулхи нарӑсӑн 10-мӗшӗ, Ҫӗмӗрле (Ҫӗмӗрле районӗ), Чăваш Автономиллĕ Социализмлă Совет Республики — 2011 ҫулхи ҫӗртмен 28-мӗшӗ, Мускав) — совет саманин тата Раҫҫейӗн композиторӗ, дирижёрӗ, Раҫҫей Федерацийӗн тава тивӗҫлӗ ӳнер ӗҫченӗ (1996).

Пурнӑҫӗ

1936 ҫулхи нарӑсӑн 10-мӗшӗнче Чӑваш АССРӗнчи Ҫӗмӗрле районӗнчи Ҫӗмӗрле ялӗнче (халӗ — Чӑваш Республикинчи Ҫӗмӗрле хули) ҫуралнӑ[2][3].

1949 ҫулта Шупашкарти музыка училищине дирижёрпа хор уйрӑмне вӗренме кӗнӗ. 1957 ҫулта Сарӑту консерваторийӗн историпе теори факультетне вӗренме кӗнӗ, ӑна 1959 ҫулта вӗренсе пӗтернӗ[4]. 1967 ҫулта Мускав консерваторине Ю. А. Шапоринӑн композици класӗпе вӗренсе пӗтернӗ[4].

1959–1961 ҫулсенче Сарӑтури педагогика институтӗнче вӗрентнӗ. 1961–1970 ҫулсенче (тӑхтавсемпе) Мускавра эстрада оркестрӗсенче артист пулса ӗҫленӗ, ҫав шутра Эдди Рознерӑн биг-бэндӗнче. 1971 ҫулта Гомель филармонийӗн эстрада оркестрӗн тӗп дирижёрӗн должноҫне йышӑннӑ. 1972–1973 ҫулсенче — «Советская песня» оркестрӑн тӗп дирижёрӗ[3].

Хӑйӗн пӗрремӗш «Колыбельная» юррине О. Гаджикасимов сӑввипе 1964 ҫулта ҫырнӑ. Унӑн кӗвви пӗр вӑхӑт «Юность» радиостанцинчи «Для тех, кто не спит» программӑн музыка заставки пулса тӑнӑ[4].

2011 ҫулхи ҫӗртмен 28-мӗшӗнче Мускавра 76 ҫулта вилнӗ[5]. Мускаври Троекуров ҫӑвинче пытарнӑ[6].

Ҫемйи

Ывӑлӗ — пианист, рок-музыкант Денис Алексеевич Мажуков (1973 ҫ.ҫ.)[7].

Пултарулӑхӗ

Юрӑ пултарулӑхӗ

Алексей Мажуковӑн юррисем Н. Бродская, Э. Хиль, А. Пугачёва, И. Кобзон, М. Магомаев, И. Понаровская, Н. Гнатюк, Л. Долина, С. Ротару, К. Георгиади тата ытти нумай паллӑ юрӑҫ юрланине пула пӗтӗм Союзра паллӑ пулса тӑнӑ[5][3].

1974 ҫулта Алла Пугачёва композитортан «Золотой Орфей» конкурс валли юрӑ ҫырма ыйтнӑ. Конкурсра «Арлекино» юрӑпа пӗрлех «Ты снишься мне» юрра юрланӑ[7][3].

Инструмент музыки

Мажуков академилле формӑсемпе жанрсен музыкине те ҫырнӑ: сӗрме купӑс валли «Концерт», виолончель валли «Сонатина», фортепиано валли «Концертино», «Симфония», «Симфоническая поэма», африка сӑвӑҫисен сӑввисемпе хайланӑ «Кантата», романссем[2]. Вӑл эстрада тата эстрадӑпа симфони оркестрӗсем валли пьесӑсем хайланӑ: «Ласковый ветер», «В движении», «Калейдоскоп», «Вечерние ритмы», «Загадочные тени», «Весенний поток», «Симфониетта», «Адажио», «Лирический напев»[4].

Аранжировкӑсем

Композитор СССРта тухнӑ Владимир Высоцкийӗн пӗрремӗш юрӑ пластинки валли аранжировкӑсем тунӑ[4].

Театр тата кино музыки

Мажуков кӗввипе Чӑваш драма театрӗнче У. Шекспирӑн «Ашкӑнчӑк инкесем» камитне лартнӑ[2]. В. Смирнов сӑвӑҫ сӑввипе «Ода Чувашии» юрӑ ҫырнӑ[4].

Хăшпĕр паллă юррисем

  • А музыка звучит (Н. Зиновьев), София Ротару юрлать;
  • В снегах потеряны тропинки (В. Харитонов), Муслим Магомаев юрлать;
  • Возьми меня с собой (М. Танич), Анне Вески юрлать;
  • Всё до поры (Л. Васильева, Нина Бродская юрлать);
  • Вспоминайте, люди (В. Харитонов), Юрий Богатиков юрлать;
  • Гордая песня (А. Митников), Екатерина Шаврина юрлать;
  • Красная стрела (Н. Зиновьев), София Ротару юрлать;
  • Мечты-мечты (А. Пушкин), Муслим Магомаев юрлать;
  • Музыка любви (А. Поперечный), Ирина Понаровская юрлать;
  • Молодость моя (М. Цветаева), Людмила Гурченко юрлать;
  • Наша биография (А. Монастырёв, О. Писаржевская), Михаил Чуев юрлать;
  • Наша жизнь (И. Шаферан), София Ротару юрлать;
  • Нам рано жить воспоминаниями (В. Меньшиков), Эдита Пьеха юрлать;
  • Очень хорошо (Д. Усманов), Алла Пугачёва юрлать;
  • Снегопад (А. Монастырёв, О. Писаржевская), ВИА «Музыка» юрлать;
  • Ты снишься мне (И. Шумаков), Алла Пугачёва юрлать.

Композиторăн фильмографийĕ

  1. 1963 — Короткие истории;
  2. 1972 — Горы зовут;
  3. 1976 — Когда-то в Калифорнии;
  4. 1976 — Мартин Иден;
  5. 1976 — Мы вместе, мама;
  6. 1977 — Кошка на радиаторе;
  7. 1977 — Портрет с дождём;
  8. 1978 — Искушение;
  9. 1978 — Дима отправляется в путь;
  10. 1979 — Летние гастроли;
  11. 1980 — Где ты, любовь?;
  12. 1981 — Любимая женщина механика Гаврилова;
  13. 1985 — Горький можжевельник;
  14. 1986 — Джигит всегда джигит.

Дискографи

  • «Музыка для отдыха» («Мелодия», 1967, 2005 ҫулта ҫӗнӗрен кӑларнӑ);
  • «Алексей Мажуков — Песни, оркестровые пьесы» («Мелодия», 1973);
  • «Пути Любви» («Мелодия» 1983);
  • «Золотой шлягер 80-х» («Мелодия», 1995).

Хисепӗсем

  • Раҫҫей Федерацийӗн тава тивӗҫлӗ ӳнер ӗҫченӗ (1996).
  • Раҫҫей Федерацийӗн Культурӑпа массӑллӑ коммуникацисен министрӗн Тав сӑмахӗ (2006 ҫулхи нарӑсӑн 13-мӗшӗ) — тӑван ҫӗршывӑн музыка ӳнерне аталантарас ӗҫе пысӑк тӳпе хывнӑшӑн тата ҫуралнӑранпа 70 ҫул ҫитнӗ ятпа[8].

Ӑнлантарусем

  1. ^ Aleksej Sergeevič Mažukov // MAK (польск.)
  2. ^ 1, 2, 3 Мажуков Алексей Сергеевич. Чувашская энциклопедия. Пӑхнӑ кун: 2025 ҫулхи утӑн 14-мӗшӗ.
  3. ^ 1, 2, 3, 4 Умер автор хитов Пугачевой и Ротару — композитор Алексей Мажуков. Амител (29 ҫӗртмен 2011). Пӑхнӑ кун: 2025 ҫулхи утӑн 14-мӗшӗ.
  4. ^ 1, 2, 3, 4, 5, 6 Гордимся земляками. Мажуков Алексей Сергеевич. МБУ «Централизованная библиотечная система» Шумерлинского района (10 нарӑсӑн 2022). Пӑхнӑ кун: 2025 ҫулхи утӑн 14-мӗшӗ.
  5. ^ 1, 2 Скончался автор музыки к фильму «Любимая женщина механика Гаврилова». Московский комсомолец (28 ҫӗртмен 2011). Пӑхнӑ кун: 2025 ҫулхи утӑн 14-мӗшӗ.
  6. ^ Могилы знаменитостей. Троекуровское кладбище. Мажуков Алексей Сергеевич (1936–2011). m-necropol.ru. Пӑхнӑ кун: 2025 ҫулхи пушӑн 18-мӗшӗ.
  7. ^ 1, 2 Биография Алексея Мажукова. denismazhukov.ru. Пӑхнӑ кун: 2025 ҫулхи утӑн 14-мӗшӗ.
  8. ^ Об объявлении благодарности Министра культуры и массовых коммуникаций Российской Федерации. Министерство культуры Российской Федерации. Пӑхнӑ кун: 2025 ҫулхи утӑн 14-мӗшӗ.

Каҫӑсем

Темӑпа ҫыхӑннисем

Категорисем