Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Погильдяков Вениамин Васильевич

Погильдяков Вениамин Васильевич (1926 ҫулхи авӑнӑн 16-мӗшӗ, Çтуххаль, Сельское поселение Староганькино[d] — 2001 ҫулхи авӑнӑн 7-мӗшӗ, Шупашкар) — чӑваш ҫыравҫи, прозаик, публицист тата кинодраматург. Ҫыравҫӑсен пӗрлешӗвӗн (1971) тата кинематографистсен пӗрлешӗвӗн (1976) членӗ[1].

Пурнӑҫӗ

1926 ҫулхи авӑн уйӑхӗн 16-мӗшӗнче Çтуххаль ялӗнче (хальхи Самар облаҫӗн Похвиҫнӗ районӗ) ҫуралнӑ[1]. 1943 ҫулта ҫара хесмете илнӗ, Японине хирӗҫ вӑрҫӑра (1945) пулнӑ. Харбин хулинче совет консульствинче ӗҫленӗ (1945—1946), хӗсметре Инҫет Тухӑҫра, Байкалхыҫра тата Вӑтам Азире тӑнӑ (1946—1951)[1].

Ҫартан таврӑнсан Бугурусланти педагогика институтӗнчен (1953) тата Патшалӑх кинематографи институтӗнчен (ВГИК, 1966) вӗренсе тухнӑ[1]. Пӗрремӗш «Иккӗмӗш пурнӑҫ» калавне 1953 ҫулта пичетленӗ. «Комсомольское племя» (Оренбург), «Волжский комсомолец» (Куйбышев) хаҫатсенче ӗҫленӗ. 1957 ҫултанпа Шупашкарта пурӑннӑ, «Молодой коммунист» хаҫат редакцийӗнче, Чӑваш телевиденийӗнче ҫамрӑксен передачисен редакторӗ пулнӑ (1963—1974)[1]. 1974 ҫултанпа профессионаллӑ ҫыравҫӑ пулса ӗҫленӗ.

Ӑна I степеньлӗ Тӑван ҫӗршывӑн Аслӑ вӑрҫин орденӗпе, медальсемпе, Чӑваш АССР Президиумӗн Хисеп хучӗпе тата Чӑваш АССР Министрсен Канашӗн Хисеп хучӗпе наградӑланӑ[1].

2001 ҫулхи авӑн уйӑхӗн 7-мӗшӗнче Шупашкарта вилнӗ.

Ҫемье

  • Малтанхи арӑмӗ — Венера Ибрагимовна Погильдякова (Башарова).
    • Хӗрӗ — Изида Вениаминовна Погильдякова (1961 ҫулта ҫуралнӑ).
    • Ывӑлӗ — Артём Вениаминович Погильдяков (1963 ҫулта ҫуралнӑ).
  • Иккӗмӗш арӑмӗ — Аида Владимировна Петрова.

Ӗҫӗсем

Проза

Вениамин Погильдяков 50 ытла кӗнеке, статья тата очерк авторӗ. Унӑн вӑрҫӑ тата вӑрҫӑ хыҫҫӑнхи пурнӑҫ ҫинчен ҫырнӑ калавӗсемпе повеҫӗсем халӑхра анлӑ сарӑлнӑ[2].

Проза

  • «Вторая жизнь» (1953);
  • «Живыми в землю не ложатся» (1968);
  • «Экзамен» (1970);
  • «Прошу слова»;
  • «Тихо: идут экзамены»;
  • «Курай» (1980, повеçе темиçе чĕлхе куçарнă);
  • «Войди в мой дом» (1986);
  • «Эй, вы, живые!» (сборник, 1989)[1];
  • «Тамăк» (1990);

Сценарисемпе фильмсем

В. В. Погильдяков Хусан кинохроника студийӗпе Свердловск киностудийӗ ӳкернӗ документлӑ тата илемлӗ фильмсен сценарийӗсене ҫырнӑ[1]:

  • «В краю ста тысяч песен» (1968);
  • «Шаги автономии» (1969);
  • «Имени Максимова» (1970);
  • «Обида»;
  • «Чувашская легенда» (1970);
  • «Хлеб в дорогу» (1971);
  • «Стальная вера» (1973);
  • «Поющее сердце» (1974);
  • «Чувашская рапсодия»;
  • «Чувашские узоры»;
  • «Знакомьтесь: Чебоксары» (1982);
  • «Тэре» (1983)[3];
  • «Моление» (1990)
  • «Юные моряки».

Ӑнлантарусем

  1. ^ 1, 2, 3, 4, 5, 6, 7, 8 Погильдяков Вениамин Васильевич. Чувашская энциклопедия. Пӑхнӑ кун: 2026 ҫулхи нарӑсӑн 24-мӗшӗ.
  2. ^ Погильдяков Вениамин Васильевич. Чувашский государственный художественный музей. Пӑхнӑ кун: 2026 ҫулхи нарӑсӑн 24-мӗшӗ.
  3. ^ Чувашское кино: история и современность. Чувашский национальный музей. Пӑхнӑ кун: 2026 ҫулхи нарӑсӑн 24-мӗшӗ.

Вуламалли

Чăвашла
Вырăсла

Категорисем