Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Селиванова Зоя Павловна

1905 ҫулхи нарӑсӑн 12-мӗшӗ, Чашлама, Чăваш Автономиллĕ Социализмлă Совет Республики — 1993 ҫулхи кӑрлачӑн 10-мӗшӗ, Хусан

Зоя Павловна Селиванова (1905 ҫулхи нарӑсӑн 12-мӗшӗ, Чашлама, Чăваш Автономиллĕ Социализмлă Совет Республики — 1993 ҫулхи кӑрлачӑн 10-мӗшӗ, Хусан) — аслӑ музыка пӗлӗвӗ илнӗ, концертсем паракан пӗрремӗш чӑваш юрӑҫи[1][2].

Пурнӑҫӗ

Шупашкар уесӗнчи Чашлама ялӗнче (халӗ Чӑваш Республикинчи Куславкка муниципаллӑ округӗ) ҫуралнӑ[3]. Ҫӑлкуҫсенче ҫуралнӑ датӑна тӗрлӗрен кӑтартнӑ: 1905 ҫулхи кӑрлачӑн 30-мӗшӗ (нарӑсӑн 12-мӗшӗ)[1] е 1908 ҫулхи кӑрлачӑн 31-мӗшӗ[2]. Пуян ҫемьерен тухнӑ, ҫакӑ ӑна лайӑх пӗлӳ илме май панӑ[3].

1925 ҫулта И. В. Аухадеев ячӗллӗ Хусанти музыка колледжне вӗренме кӗнӗ, анчах амӑшӗ вилнӗ пирки тата кил-хуҫалӑх тытма тивнӗ пирки вӗренӗве пӑрахма тивнӗ[3]. 1943 ҫулта Свердловск хулинчи Урал патшалӑх консерваторине «Юрласси» специальноҫпе вӗренсе пӗтернӗ[2].

Профессири ӗҫ-хӗлӗ

1929–1937 ҫулсенче Хусан хулинче ӗҫленӗ, унта Тутар радиокомитечӗн чӑваш секторӗн юрӑҫи, музыка редакторӗ тата дикторӗ пулнӑ[1]. 1943—1944 ҫулсенче Ӗпхӳри Пушкӑрт филармонийӗн солисчӗ пулнӑ[2].

1944 ҫулта Шупашкара куҫса килнӗ. Чӑваш АССР Министрсен Канашӗ ҫумӗнчи Радиоинформаци комитечӗн музыка редакторӗ тата Чӑвашрадио вокал ансамблӗн солисчӗ пулса ӗҫленӗ[3]. 1953–1956 ҫулсенче Чӑваш патшалӑх юрӑпа ташӑ ансамблӗн солисчӗ пулнӑ[1].

1959–1978 ҫулсенче Ф. П. Павлов ячӗллӗ Шупашкарти музыка училищинче соло юрлама вӗрентнӗ[2].

1993 ҫулхи кӑрлачӑн 10-мӗшӗнче Хусанта вилнӗ[2].

Вӗренекенӗсем

Педагогика ӗҫ-хӗлӗнче вӑй хунӑ ҫулсенче нумай паллӑ артиста хатӗрлесе кӑларнӑ:

  • Чӑваш Республикин халӑх артисчӗ З. В. Лисицына[2];
  • Чӑваш Республикин халӑх артисчӗ Т. И. Гурьева[1];
  • Чӑваш Республикин халӑх артисчӗ В. В. Смирнова[3];
  • Чӑваш Республикин тава тивӗҫлӗ артисчӗ З. Н. Прокопьева[2];
  • Чӑваш Республикин тава тивӗҫлӗ артисчӗ В. Т. Иванова[1];
  • Чӑваш Республикин тава тивӗҫлӗ артисчӗ И. С. Демьянов[2];
  • Чӑваш Республикин тава тивӗҫлӗ артисчӗ З. М. Терёнина[1];
  • Чӑваш Республикин тава тивӗҫлӗ артисчӗ Г. Д. Егоров[2].

Ӑнлантарусем

  1. ^ 1, 2, 3, 4, 5, 6, 7 Селиванова Зоя Павловна (первая чувашская концертирующая певица с высшим музыкальным образованием; 12.02(30.01).1905-10.01.1993). Электронная библиотека «Наследие Чувашии». Пӑхнӑ кун: 2024 ҫулхи ҫурлан 19-мӗшӗ.
  2. ^ 1, 2, 3, 4, 5, 6, 7, 8, 9, 10 СЕЛИВАНОВА Зоя Павловна. Чувашская энциклопедия. Пӑхнӑ кун: 2024 ҫулхи ҫурлан 19-мӗшӗ.
  3. ^ 1, 2, 3, 4, 5 Сегодня – 115 лет со дня рождения первой профессиональной чувашской певицы Зои Павловны Селивановой. Администрация Московского района г. Чебоксары. Пӑхнӑ кун: 2024 ҫулхи ҫурлан 19-мӗшӗ.

Категорисем