Тавинов Павел Фёдорович
Тавинов Павел Фёдорович (1908 ҫулхи раштавӑн 15-мӗшӗ, Иккасси, Шупашкар уесӗ, Хусан кӗпӗрни, Раҫҫей империйӗ — 1988 ҫулхи ҫурлан 20-мӗшӗ, Иккасси, Шупашкар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет саманинчи педагог педагог, Иккасси шкулӗн директорӗ[1]. Тӑван Ҫӗршывӑн Аслӑ вӑрҫине хутшӑннӑскер.
Пурнӑҫӗпе кун-ҫулӗ
1908 ҫулхи раштавӑн 15-мешӗнче Хусан кӗпӗрнин Шупашкар уесӗнчи (халӗ — Чӑваш Республикин Шупашкар районӗ) Иккасси ялӗнче ҫуралнӑ. Чӑваш.
Иккасинчи шкулта пӗлӳ илнӗ. 1929 ҫулта Чӑваш педагогика техникумӗнчен вӗренсе тухнӑ[2].
Вӑрҫа каяс умӗн Кӳкеҫри пуҫламӑш шкулта, Иккасинчи хресчен ҫамрӑкӗсен шкулӗнче (1930), Хыркассинчи хресчен ҫамрӑкӗсен шкулӗнче, Ҫатра-Лапсар тулли мар вӑтам шкулӗнче ӗҫленӗ[1].
1942 ҫулта Ленинградри артиллери училищинчен вӗренсе тухнӑ. Лейтенант ҫар званине тивӗҫнӗ. Вӑрҫӑ вӑхӑтӗнче гаубица артиллерийӗн полкӗн перекен взвод командирӗ пулса ҫапӑҫнӑ[1].
Вӑрҫӑран таврӑннӑ хыҫҫӑн Иккассинчи тата Колешшари шкулсенче ӗҫленӗ, Икассинчи тулли мар вӑтам шкулта пуҫламӑш классен вӗрентекенӗ, директорӗ пулса тӑрмашнӑ. Каярах Шупашкар районӗн халӑх вӗрентӗвӗн пайӗнче инспектор пулнӑ[2].
Хисепӗсем
Павел Фёдоровича ҫакӑн пек медальсемпе-орденсемпе чысланӑ[2]:
- Хӗрлӗ Ҫӑлтӑр орденӗ (15.08.1944)[3];
- Тӑван Ҫӗршыв вӑрҫин I степеньлӗ орденӗ;
- Тӑван Ҫӗршыв вӑрҫин II степеньлӗ орденӗ (20.05.1945)[4];
- «Кёнигсберга илнӗшӗн» медаль;
- «1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль (22.01.1946)[5];
- юбилейлӑ медальсем.
Ҫемье
Павел Фёдорович кил-йышӗнче пурӗ 6 ача пулнӑ[6].
Унӑн виҫӗ хӗрӗ те педагогика ҫулӗпе кайнӑ, кӗрӳшӗсене тата мӑнукӗсене шута илсен педагогсен династийӗ аслӑ[7]:
- хӗрӗ — Михайлова Муза Павловна — математика учителӗ пулнӑ;
- кӗрӳшӗ — Михайлов Александр Михайлович — Иккасси шкулӗнче физкультура вӗрентнӗ, Шупашкар районӗн ачасемпе ҫамрӑксен спорт шкулӗнче тренер-преподаватель пулса вӑй хунӑ;
- мӑнукӗ — Екатерина — хими вӗрентекенӗ;
- мӑнукӗ — Олег — физкультура вӗрентекенӗ;
- кӗрӳшӗ — Михайлов Александр Михайлович — Иккасси шкулӗнче физкультура вӗрентнӗ, Шупашкар районӗн ачасемпе ҫамрӑксен спорт шкулӗнче тренер-преподаватель пулса вӑй хунӑ;
- хӗрӗ — Максимова Зоя Павловна — Красноармейски районӗнчи Шывпуҫ шкулӗнче вырӑс чӗлхипе литературине вӗрентнӗ;
- хӗрӗ — Трофимова Маргарита Павловна — Куславкка районӗнчи Кунер шкулӗнче чӑваш чӗлхипе литературине вӗрентнӗ;
- кӗрӳшӗ — Трофимов Геннадий Васильевич — Куславкка районӗнчи Кунер шкулӗн вӗрентекенӗ, директорӗ.
Ӑнлантарусем
- ^ 1, 2, 3 А.М. Михайлова. Энциклопедия Чебоксарского района : Тавинов Павел Федорович (выр.). Энциклопедии. Цифровая библиотека НБ ЧР.
- ^ 1, 2, 3 Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 382. — 505 с.
- ^ Тавинов Павел Федорович (выр.). Память народа. Пӑхнӑ кун: 2026 ҫулхи пушӑн 13-мӗшӗ.
- ^ Тавинов Павел Федорович (выр.). Память народа. Пӑхнӑ кун: 2026 ҫулхи ҫӑвӑн 13-мӗшӗ.
- ^ Тавинов Павел Федорович (выр.). Память народа. Пӑхнӑ кун: 2026 ҫулхи ҫӑвӑн 13-мӗшӗ.
- ^ Илларионов Игорь. Тавинов Павел Фёдорович (выр.). Неизвестные лица второй мировой. Пӑхнӑ кун: 2026 ҫулхи ҫӑвӑн 13-мӗшӗ.
- ^ «Трудовые династии» к 85 - летию Чебоксарского района (выр.). Чебоксарский муниципальный округ Чувашской Республики (17 ҫурлан 2012). Пӑхнӑ кун: 2026 ҫулхи ҫӑвӑн 13-мӗшӗ.
Вуламалли
- Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 382. — 505 с.