Тоёхиро Акияма
Тоёхиро Акияма (1942 ҫулхи утӑн 22-мӗшӗ, Сэтагая, Токио, Япони) — Япони журналисчӗ, тӗнче уҫлӑхне вӗҫсе килни тӗнче шайӗнче палӑрма май панӑ, ҫав вӗҫевре вӑл Японин пӗрремӗш космонавчӗ тата тӗнче уҫлӑхне ҫитсе килнӗ пӗрремӗш профессиллӗ журналист пулса тӑнӑ.
Вӗренӳ
- 1966 ҫул — Токиори Тӗнчери христиан университечӗн общество ӑслӑлӑхӗсен факультетӗнчен вӗренсе тухнӑ.
Профессиллӗ ӗҫӗ-хӗлӗ
- 1966 — Tokyo Broadcasting System (TBS) телерадиокорпорацире ӗҫлеме тытӑннӑ.
- 1967-1971 ҫулсенче — Лондонра Би-Би-Си (акăл. BBC World Service) корпораци валли ӗҫленӗ.
- 1971 ҫултанпа — TBS тӗнчери хыпарсен программӑсен аслӑ редакторӗ тата комментаторӗ.
- 1984 ҫултанпа — TBS-ӑн Вашингтонри (АПШ) корреспондент бюровӗн директорӗ.
Космос хатӗрленӗвӗ
- 1989 ҫулхи ҫурлан 17-мӗшӗ — TBS корпораци укҫапа пулӑшнипе иртнӗ Совет Союзӗпе Япони йӗркеленӗ коммерциллӗ вӗҫеве хутшӑнма суйласа илнӗ. Корпораци хӑйӗн ӗҫтешне тӗнче уҫлӑхне вӗҫтерсе яма тӳленӗ укҫа-тенкӗ калӑпӑшӗ тӗрлӗ ҫӑлкуҫсенче чылай уйрӑлса тӑрать (28 миллион АПШ долларӗ[1], 25 миллион[2], 5 миллиард иена е 37 миллион АПШ долларӗ[3]). TBS ҫапла майпа 1950 ҫулта никӗсленӗренпе хӗрӗх ҫул тултарнине палӑртнӑ[4].
- 1989, юпа — Ю. А. Гагарин ячӗллӗ космонавтсене хатӗрлекен центрта тренировкӑсене пуҫӑннӑ.
Космос вӗҫевӗ
- 1990 ҫулхи раштавӑн 2-мӗшӗ — «Союз ТМ-11» космос карапӗ ҫинче тӗнче уҫлӑхне тӗпчевҫӗ-космонавт пулса «Мир» орбита станцин саккӑрмӗш тӗп экспедицийӗ шутӗнче В. М. Афанасьев карап командирӗпе тата М. Х. Манаров бортинженерпа пӗрле вӗҫсе хӑпарнӑ.
Тӗнче уҫлӑхне ҫитнӗ 239-мӗш ҫын тата ку тӗлӗшпе пӗрремӗш яппун пулса тӑнӑ. Пӗрремӗш сехетсенчех ҫителӗклӗ хатӗрленсе ҫитменни палӑрнӑ, вестибулярлӑ аппарат пӑсӑлнипе ҫыхӑннӑ «тӗнче уҫлӑхӗн чирӗпе» аптӑрама пуҫланӑ[5].
- 1990 ҫулхи раштавӑн 4-мӗшӗ — «Мир» орбита станцийӗпе сыпӑннӑ. Космос станцинче ҫичӗ кун ӗҫленӗ хушӑра яппун халӑхӗ валли темиҫе тӳрӗ репортаж, яппун шкул ачисем валли кӑтартуллӑ телеуроксем ирттернӗ. Япони йывӑҫ шаписемпе биологи эксперименчӗсене ирттернӗ.
- 1990 ҫулхи раштавӑн 10-мӗшӗ — «Союз ТМ-10» космос карапӗ ҫинче Г. М. Манаков карап командирӗпе тата Г. М. Стрекалов бортинженерпа пӗрле ҫиччӗмӗш тӗп экспедици шутӗнче Ҫӗр чӑмӑрӗ ҫине таврӑннӑ.
Вӗҫев пурӗ 7 талӑк та 21 сехет те 54 минут тӑсӑлнӑ.
- Статистика[6]
| # | Стартланӑ карап | Старт | Экспедици | Аннӑ карап | Аннӑ | Вӗҫнӗ | Уҫӑ космоса тухни | Уҫӑ космосра ирттернӗ вӑхӑт |
|---|---|---|---|---|---|---|---|---|
| 1 | Союз ТМ-11 | 02.12.1990, 08:13 UTC | МИР-7 / МИР-8 | Союз ТМ-10 | 10.12.1990, 06:08 UTC | 07 талӑк 21 сех 54 минут | 0 | 0 |
| 07 талӑк 21 сех 54 минут | 0 | 0 | ||||||
Тӗнче уҫлӑхне вӗҫсе килнӗ хыҫҫӑнхи ӗҫӗ-хӗлӗ
Вӗҫсе килнӗ хыҫҫӑн TBS хыпар департаменчӗн директорӗн ҫумӗ пулса ӗҫленӗ.
1991 ҫулхи ака уйӑхӗнче яппун журналисчӗсен ушкӑнӗпе пӗрле Казахстанри Арал тинӗсӗн тӑрӑмӗ пирки фильм ӳкернӗ[7].
1995 ҫулта телекурава активлӑ майпа коммерциленипе килӗшмесӗр TBS корпорацинчен кайнӑ. Фукусима префектуринчи Тамура хула таврашӗнче Абукума тӑвӗсенче риспа кӑмпа ӳстерекен ферма йӗркеленӗ[8]. 2011 ҫулхи ака уйӑхӗнче ҫӗр чӗтреннине пула Фукусима-1 АЭС-ра авари пулнӑ хыҫҫӑн унӑн фермӑна пӑрахса тухса кайма тивнӗ[9].
Публикацисем
Каярахпа пичетленсе тухнӑ хӑйӗн вӗҫевне халалланӑ докладсемпе тухса калаҫнӑ.
- «Тӗнче уҫлӑхне вӗҫни кӑмӑла тивӗҫтерни» (акăл. The Pleasure of Spaceflight, Journal of Space Technology and Science, Vol.9 No.1'93).
- Ытти авторсемпе пӗрле космос туризмне аталантарасси пирки статьясем пичетлесе кӑларнӑ.
Хисепӗсем
- Халӑхсен туслӑхӗн орденӗ (1990 ҫулхи раштавӑн 10-мӗшӗ, СССР) — орбитӑри «Мир» ӑслӑхпа тӗпчев комплексне тӗнче уҫлӑхӗпе ӑнӑҫлӑ вӗҫсе килнишӗн[10]
- «Космоса алла илес ӗҫри тава тивӗҫлӗ ӗҫсемшӗн» медаль (2011 ҫулхи акан 12-мӗшӗ, Раҫҫей) — пилотлӑ космонавтика тӗлӗшӗпе тӗнче шайӗнчи ҫыхӑнусене аталантарма пысӑк тӳпе хывнӑшӑн[11]
Харпӑр пурнӑҫӗ
Авланнӑ, икӗ ача. Йӑпанӑвӗсем: парӑс спорчӗ, походсем, ишесси, аэростатсем[6] .
Ҫавӑн пекех пӑхӑр
Ӑнлантарусем
- ^ Если бы. Космический туризм — Михаил Попов. Пӑхнӑ кун: 2008 ҫулхи пушӑн 14-мӗшӗ. Архивланӑ 2015 ҫулхи пушӑн 20-мӗшӗ.
- ^ Ъ-Власть — Пять звезд на орбите. Пӑхнӑ кун: 2008 ҫулхи пушӑн 14-мӗшӗ. Архивланӑ 2010 ҫулхи пушӑн 23-мӗшӗ.
- ^ Газета.Ru — Интервью с экипажем МКС. Пӑхнӑ кун: 2008 ҫулхи пушӑн 14-мӗшӗ. Архивланӑ 2011 ҫулхи ҫурлан 12-мӗшӗ.
- ^ Йоити Иноуэ, TBS. «Я никогда не считал Россию безопасной страной» — Новые Известия( ӗҫлемен каҫӑ)
- ^ Би-би-си | Станция «Мир»: 1986—2001. Пӑхнӑ кун: 2008 ҫулхи пушӑн 14-мӗшӗ. Архивланӑ 2003 ҫулхи раштавӑн 15-мӗшӗ.
- ^ 1, 2 Statistics - Akiyama Toyohiro (англ.). spacefacts.de. Пӑхнӑ кун: 2017 ҫулхи раштавӑн 31-мӗшӗ. Архивланӑ 2007 ҫулхи авӑнӑн 30-мӗшӗ.
- ^ Казахстанская правда( ӗҫлемен каҫӑ)
- ^ Выступление на лекции общественной организации «Peace Boat» 1 октября 2008 года. Пӑхнӑ кун: 2009 ҫулхи авӑнӑн 8-мӗшӗ. оригиналтан архивланӑ 2010 ҫулхи раштавӑн 21-мӗшӗ.
- ^ Atsushi Takahashi. First Japanese in space becomes Fukushima evacuee (англ.) // The Asahi Simbun. — 2011. — Вып. 07 December. 2011 ҫулхи раштавӑн 7-мӗшӗнче архивланӑ.
- ^ Указ Президента СССР от 10.12.1990 N УП-1148. www.libussr.ru. Пӑхнӑ кун: 2018 ҫулхи утӑн 19-мӗшӗ. Архивланӑ 2018 ҫулхи утӑн 19-мӗшӗ.
- ^ Указ Президента Российской Федерации от 12 апреля 2011 года № 437 «О награждении медалью „За заслуги в освоении космоса“ иностранных граждан». Пӑхнӑ кун: 2011 ҫулхи акан 12-мӗшӗ. Архивланӑ 2012 ҫулхи нарӑсӑн 10-мӗшӗ.
Каҫӑсем
- Космос энциклопедийӗ (выр.)
|
Ку статьяна РУВИКИН Вырӑс уйрӑмӗнчи Акияма, Тоёхиро статьяна чӑвашла куҫарса хатӗрленӗ. ' |