Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Травников Андрей Александрович

Тра́вников Андре́й Алекса́ндрович (ҫур. 1971 ҫулхи нарӑсӑн 1-мӗшӗ, Череповец[d], Вологда облаçĕ) — Раҫҫей патшалӑх ӗҫченӗ. 2018 ҫулхи авӑн уйӑхӗн 14-мӗшӗнчен пуҫласа Ҫӗнҫӗпӗр облаҫӗн кӗпӗрнаттӑрӗ (2017 ҫулхи юпа уйӑхӗн 6-мӗшӗнчен пуҫласа 2018 ҫулхи авӑнӑн 14-мӗшӗччен — Ҫӗнӗ Ҫӗпӗр облаҫӗн кӗпӗрнаттӑр тивӗҫӗсене вӑхӑтлӑха пурнӑҫлаканни).

Раҫҫей Федерацийӗн Патшалӑх Канашӗн президиум пайташӗ (2019 ҫулхи кӑрлачӑн 28-мӗшӗнчен пуҫласа ҫурлан 2-мӗшӗччен тата 2020 ҫулхи раштавӑн 21-мӗшӗнчен пуҫласа)[1][2][3]. 2019 ҫулхи чӳк уйӑхӗн 8-мӗшӗнчен пуҫласа «Пӗрлӗхлӗ Раҫҫей» партин Ҫӗнҫӗпӗр регион уйрӑмӗн секретарӗ [4].

Вологда мэрӗ (2016—2017).

Пурнӑҫӗ

Андрей Травников 1971 ҫулхи нарӑсӑн 1-мӗшӗнче Вологда облаҫӗнчи Череповец хулинче ҫуралнӑ. Ашшӗ-амӑшӗ Череповецри металлурги комбиначӗнче ӗҫленӗ. Ашшӗ — рабочи, амӑшӗ — проект пайӗн специалисчӗ[5]. Амӑшӗ енчен кукашшӗ колхоз председателӗ пулса ӗҫленӗ, ашшӗ енчен аслашшӗ — вӑрман хуҫалӑхӗн пуҫлӑхӗ.

1990—1992 ҫулсенче Мускавҫумӗнче РФ Хӗҫпӑшаллӑ вӑйӗсенче хӗсметре тӑнӑ.

Пӗлӳ илни

1990 ҫулта Травников Череповецри металлурги техникумне «Электромонтер» специальноҫпе тӑваттӑмӗш разряд илсе хӗрлӗ дипломпа вӗренсе пӗтернӗ.

1998 ҫулта Череповец патшалӑх университетӗнчен «Электропривод и автоматика промышленных установок и технологических комплексов» специальноҫпе вӗренсе тухнӑ.

2014 ҫулта Травников РФ Президенчӗ ҫумӗнчи РАНХиГСра управленецсен кадрӗсен аслӑ шайри резерв программипе пӗлӗвне ӳстернӗ.

2017—2018 ҫулсенче — РФ Президенчӗ ҫумӗнчи РАНХиГСра РФ президенчӗн управленецсен кадрӗсен резервӗн «Патшалӑх тата муниципаллӑ управлени» программипе профессиллӗ пӗлӗвне тарӑнлатнӑ.

Ӗҫӗ-хӗлӗ

Производствӑра

1992—2006 — Череповецри металлурги комбиначӗнче (УАО «Северсталь») тӗрлӗ вырӑнсенче ӗҫленӗ, ҫав шутра сортопрокат цехӗнче хальхи Вологда облаҫӗн губернаторӗпе Олег Кувшинниковпа тата Вологда облаҫӗн Саккун тӑвакан пухӑвӗн председателӗпе Андрей Луценкопа пӗрле тӑрмашнӑ[6][7].

2006 ҫулта «Электроремонт» ТМЯП тӗп директорӗ пулнӑ.

Вологда облаҫӗн ертӳҫийӗсен йышӗнче

2010 ҫулта Травников Череповец хула мэрине, Олег Кувшинников мэрӑн пӗрремӗш ҫумӗн вырӑнне куҫнӑ. 2011 ҫулхи раштавӑн 14-мӗшӗнче Кувшинников Вологда облаҫӗн врио кӗпӗрнаттӑрӗ пулса тӑнӑ хыҫҫӑн Травников Череповец мэрӗн тивӗҫӗсене вӑхӑтлӑх пурнӑҫлама пуҫланӑ[8]. Анчах суйлава хӑйӗн кандидатурине тӑратман[9], Юрий Кузин ҫӗнтернӗ суйлав хыҫҫӑн, 2012 ҫулхи пушӑн 26-мӗшӗнчен пуҫласа Вологда облаҫӗн правительствине ӗҫлеме куҫнӑ[10].

2012 ҫултанпа Травников Вологда облаҫӗн правительствинче ӗҫленӗ: малтан Вологда облаҫӗн кӗпӗрнаттӑр ҫумӗ, кайран — Вологда облаҫӗн кӗпӗрнаттӑрӗн пӗрремӗш ҫумӗ пулнӑ. Вӑл «май указӗсене» пурнӑҫлассине[11], облаҫӑн экономика аталанӑвне сӑнаса пынӑ[12][13][14].

Президентӑн СЗФОри полпредствинче

2014 ҫулхи ҫӗртме уйӑхӗнче Травникова Ҫурҫӗр-Хӗвеланӑҫ федераци тӑрӑхӗнчи РФ Президенчӗн полномочиллӗ представителӗн ҫумӗ пулма ҫирӗплетнӗ[15]. Полпредствора Травников контрольпе ревизи ӗҫне[16] тата регионсен социаллӑ пурнӑҫпа экономика аталанӑвӗн мониторингне йӗркелесе пынӑ[17]. Ҫӗнӗ полпред пулса Николай Цуканов килсен те Травников полномочиллӗ представительствӑра ӗҫлеме юлнӑ, анчах темиҫе уйӑхран Вологда мэрӗ пулса тӑнӑ.

Вологда мэрӗн вырӑнӗнче

2016 ҫулта Вологда вырӑнти хӑй тытӑмлӑхӑн ҫӗнӗ системине куҫнӑ. Хула пуҫлӑхӗ пулма вырӑнти депутатсем Вологда хула Думин председательне Юрий Сапожникова суйланӑ[18][19]. Ун хыҫҫӑн хула мэрӗн — сити-менеджер кандидатурине палӑртма конкурс пуҫланӑ. Травников конкурсра хутшӑнни нумайӑшӗшӗн кӗтменлӗх пулнӑ[20][21]. Юпа уйӑхӗн 31-мӗшӗнче ятарлӑ комисси икӗ финалиста суйласа илнӗ — Олег Петрова тата Травникова[22]. 2016 ҫулхи чӳкӗн 2-мӗшӗнче Вологда хула Думи Травников кандидатурине пӗр сасӑллӑн ҫирӗплетнӗ[23]. Ӗҫе чӳкӗн 7-мӗшӗнче пуҫланӑ[24].

Травниковӑн тӗп ӗҫӗсенчен пӗри — «тухӑҫсӑр тӑкаксене» чакарса бюджет дефицичӗпе кӗрешесси пулнӑ. Хулан 2017 ҫулхи бюджетӗнче экономика валли уйӑракан укҫана пиллӗккӗмӗш пай таран, ЖКХ валли — икӗ хут, физкультурӑпа спорт валли — виҫҫӗмӗш пай таран чакарнӑ; Травников укҫа-тенкӗ уйӑрассине 10 % чакарма палӑртнӑ[25].

Ҫӗнӗ Ҫӗпӗр облаҫӗн кӗпӗрнаттӑрӗ

2017 ҫулхи юпан 6-мӗшӗнче Раҫҫей Президенчӗ Травникова Ҫӗнҫӗпӗр облаҫӗн кӗпӗрнаттӑрӗн тивӗҫӗсене вӑхӑтлӑх пурнӑҫлакан («Ҫӗнҫӗпӗр облаҫӗн кӗпӗрнаттӑрне суйласа илнӗ ҫын ӗҫе пуҫличчен») пулма хушу кӑларнӑ[26]. Каярахпа Травников хӑй Ҫӗнҫӗпӗре куҫнине кӗтменлӗх тесе каланӑ[27]. Ҫав кунах Вологда хула Думи унӑн отставкине йышӑннӑ[28].

2018 ҫулхи авӑн уйӑхӗн 9-мӗшӗнче Ҫӗнҫӗпӗр облаҫӗн кӗпӗрнаттӑрне васкавлӑ суйланӑ май ҫӗнтернӗ. Уншӑн суйлакансен 64,52 % сасӑланӑ[29]. 2018 ҫулхи авӑн уйӑхӗн 14-мӗшӗнче официаллӑ майпа Ҫӗнҫӗпӗр облаҫӗн кӗпӗрнаттӑрӗн вырӑнне йышӑннӑ.

2019 ҫулхи кӑрлачӑн 28-мӗшӗнчен пуҫласа ҫурлан 2-мӗшӗччен тата 2020 ҫулхи раштавӑн 21-мӗшӗнчен пуҫласа Раҫҫей Федерацийӗн Патшалӑх Канашӗн президиумӗн пайташӗ пулнӑ[1][2][3].

2023 ҫулхи кӑрлач уйӑхӗнче Владимир Путин президент Травников кӗпӗрнаттӑрпа тӗл пулнӑ май Ҫӗнҫӗпӗр облаҫӗн социаллӑ пурнӑҫпа экономика аталанӑвӗн кӑтартӑвӗсем лайӑххине, ҫавӑн пекех регион хӑш-пӗр енсемпе малти вырӑнсенче пынине палӑртнӑ[30].

2023 ҫулхи авӑн уйӑхӗн 10-мӗшӗнче Раҫҫей Федерацийӗн субъекчӗсен аслӑ должноҫри ҫнсене суйланӑ чухне кӗпӗрнаттӑр вырӑнне сыхласа хӑварнӑ, ун чухне вӑл 75,72 % сасӑ пухнӑ[31].

Классри чин

  • РФ 2-мӗш класри чӑн патшалӑх канашҫи[5].

Наградӑсем

  • И. П. Бардин ячӗллӗ преми (2003).
  • Вологда облаҫӗнчи РФ Шалти ӗҫсен министерствин управленийӗн «Йӗркелӗхе тивӗҫтерес ӗҫри тӗрӗс кӑмӑллӑхшӑн» кӑкӑр палли (2017).
  • «Гвардин Глухов ракета дивизийӗ 75 ҫулта» юбилей палли (2017).
  • «Вологда облаҫӗ умӗнчи тава тивӗҫлӗ ӗҫсемшӗн» медаль (2017).
  • Туслӑх орденӗ (2021 ҫулхи нарӑсӑн 12-мӗшӗ) — ӗҫри ҫитӗнӳсемшӗн тата нумай ҫул хушши тӳрӗ кӑмӑлпа ӗҫленӗшӗн[32].
  • «Ҫапӑҫу туслӑхне ҫирӗплетнӗшӗн» медаль (Раҫҫей хӳтӗлев министерстви)[33].
  • Александр Невский орденӗ (2024)[34]

Ӑнлантарусем

  1. ^ 1, 2 Распоряжение Президента Российской Федерации от 28.01.2019 г. № 23-рп «О президиуме Государственного совета Российской Федерации»
  2. ^ 1, 2 Распоряжение Президента Российской Федерации от 02.08.2019 г. № 255-рп «О президиуме Государственного совета Российской Федерации»
  3. ^ 1, 2 Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Пӑхнӑ кун: 2020 ҫулхи раштавӑн 29-мӗшӗ.
  4. ^ Секретарём Новосибирского Регионального отделения Партии «Единая Россия» избран Андрей Травников (выр.). novosibirsk.er.ru.
  5. ^ 1, 2 Андрей Травников (выр.). Биография. Пӑхнӑ кун: 2018 ҫулхи раштавӑн 11-мӗшӗ.
  6. ^ В штатном режиме. Основным кандидатом на пост мэра Вологды после стремительного ухода Андрея Травникова стал Сергей Воропанов
  7. ^ Олег Кувшинников по телефону поздравил Андрея Травникова с назначением на пост врио губернатора Новосибирской области
  8. ^ Исполнять обязанности мэра Череповца будет Андрей Травников
  9. ^ Андрей Травников не собирается баллотироваться на пост мэра Череповца
  10. ^ Бывший заместитель мэра Череповца вошел в состав Правительства Вологодской области
  11. ^ Исполнение «майских» Указов Президента обсудили в областном центре
  12. ^ В Правительстве области обсудили настоящее и будущее Вологодского текстиля
  13. ^ Правительство Вологодской области и Сбербанк обсудили перспективы сотрудничества
  14. ^ Область возвращается к финансированию экономики
  15. ^ Андрей Травников переходит на работу в Санкт-Петербург
  16. ^ Источник рассказал о смене ещё трех губернаторов
  17. ^ Андрей Травников — РБК: «Проблемы Вологды не уникальны и решаемы»
  18. ^ Новым главой Вологды стал председатель гордумы
  19. ^ Двуглавая Вологда. Вологда перешла на новую систему управления и получила нового Главу города
  20. ^ Им не жить друг без друга. Городская Дума дала старт работе конкурсной комиссии, которая выберет первого в истории Вологды сити-менеджера
  21. ^ Большой секрет для маленькой компании. В Вологде закончилось выдвижение кандидатов на пост мэра
  22. ^ Один из двух. Финалистами в «гонке» за пост мэра Вологды стали Андрей Травников и Олег Петров
  23. ^ Первым мэром Вологды назначен Андрей Травников
  24. ^ Виновник торжества. Первого в истории мэра Вологды избрали «по старинке» — простым поднятием рук, но единогласно
  25. ^ Зеркало экономики. Бюджет Вологды «худеет» третий год подряд
  26. ^ Указ Президента России «О досрочном прекращении полномочий Губернатора Новосибирской области»
  27. ^ Полпред в СФО представил врио губернатора Травникова правительству Новосибирской области
  28. ^ Андрей Травников официально покинул пост мэра Вологды
  29. ^ Новосибирский облизбирком определил результаты выборов Губернатора Новосибирской области. www.izbirkomnso.ru. Пӑхнӑ кун: 2018 ҫулхи раштавӑн 12-мӗшӗ.
  30. ^ ТАСС, 16 января 2023. Путин отметил успехи Новосибирской области по многим показателям
  31. ^ Предварительные итоги голосования на выборах высших должностных лиц субъектов Российской Федерации (2023-09-11).
  32. ^ Указ Президента Российской Федерации от 12.02.2021 № 83 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Пӑхнӑ кун: 2021 ҫулхи нарӑсӑн 13-мӗшӗ.
  33. ^ Министр обороны России генерал армии Сергей Шойгу вручил ведомственные награды представителям властных структур
  34. ^ Андрею Травникову вручили орден Александра Невского

Каҫӑсем

Темӑпа ҫыхӑннисем

Категорисем